Categories: Business

શુગર, પેટ્રોલિયમ, સિમેન્ટ, બેઝિક મેટલ સેક્ટરમાં લોન ધિરાણમાં ૧૯ ટકા સુધીનો ઘટાડો

મુંબઇ: દેશની બેન્કમાં કરોડો રૂપિયાનાં કૌભાંડ બહાર આવી રહ્યાં છે અને તેના કારણે બેન્કો આર્થિક મુશ્કેલીમાં સપડાઇ છે. બેન્કોની એનપીએ વધી રહી છે. આવા સંજોગોમાં કેટલાંક ખાસ સેક્ટર બેન્ક લોન મેળવવામાં મુશ્કેલી અનુભવી રહ્યાં છે. એસોચેમના રિપોર્ટ મુજબ શુગર, પેટ્રોલિયમ, કોલ ઇન્ડસ્ટ્રીઝ, સિમેન્ટ, બેઝિક મેટલ જેવાં ઉત્પાદન ક્ષેત્ર નાણાકીય વર્ષ ૨૦૧૭-૧૮ના સમયગાળા દરમિયાન બેન્ક લોન સેવામાં મુશ્કેલી અનુભવી રહ્યાં છે.

આ ગાળા દરમિયાન આ સેક્ટરમાં બેન્ક ધિરાણમાં બે ટકાથી ૧૯ ટકા સુધીનો ઘટાડો નોંધાતો જોવાયો હોવાનું તાજેતરમાં બહાર આવેલા એસોચેમના રિપોર્ટમાં જણાવ્યું છે.

સારા ચોમાસાના કારણે એગ્રિકલ્ચર સેક્ટરનું પર્ફોર્મન્સ સારું રહેવાની આશા છે તેમ છતાં ક્રૂડ સેક્ટરમાં નાણાકીય વર્ષ ૨૦૧૬-૧૭ના સમયગાળા દરમિયાન ૧૬ ફેબ્રુઆરી સુધી ધિરાણમાં ૧૯.૩ ટકાનો ઘટાડો નોંધાયો છે. આ ગાળા દરમિયાન પેટ્રોકેમિકલ્સ સેક્ટરમાં પણ ધિરાણમાં ૧૯ ટકાનો ઘટાડો નોંધાયો છે. રોડ, પાવર અને ટેલિકોમ જેવા ઇન્ફ્રાસ્ટ્રક્ચર સેક્ટરમાં ધિરાણમાં ૧.૬ ટકાથી છ ટકાનો ઘટાડો નોંધાયો છે.

એસોચેમના જણાવ્યા પ્રમાણે રિઝર્વ બેન્કના ડેટામાં વિરોધાભાસી બાબત જોવા મળી રહી છે. બેન્કની વધતી એનપીએ સામે બેન્કોએ વધુ ને વધુ પ્રોવિઝનિંગ કરવાની જરૂરિયાત ઊભી થાય છે તો બીજી બાજુ પાવર, ટેલિકોમ સેક્ટરની કંપનીઓમાં બેન્કોના કરોડો રૂપિયા ફસાયેલા પડ્યા છે, જોકે રિપોર્ટમાં જણાવ્યું છે કે માઇનિંગ, ટ્રાન્સપોર્ટેશન, ટેક્સટાઇલ, રબર, પ્લાસ્ટિક જેવા સેક્ટરની આર્થિક સ્થિતિમાં સુધારો નોંધાઇ રહ્યો છે.

divyesh

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

14 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

14 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

15 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

15 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

15 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

16 hours ago