Categories: Gujarat

વિચિત્ર અકસ્માતઃ બાઈક ટ્રકમાં ફસાઈ પાંચ કિ.મી. સુધી ઢસડાયુંઃ દંપતીનું મોત

અમદાવાદ: મોરબી-માળિયા-મિયાણા રોડ પર મોડી સાંજે સર્જાયેલા એક વિચિત્ર અકસ્માતમાં બાઈકસવાર દંપતી બાઈક સાથે ટ્રકના વ્હીલમાં ફસાઈ જતાં અા દંપતીનું કમકમાટીભર્યું મોત થયું હતું. અા અંગેની વિગત એવી છે કે જામનગરમાં રહેતા હૈદરભાઈ મોહમ્મદ હુસેન માણેક અને તેમના પત્ની મુમતાઝબહેન બંને બાઈક પર લુણી શરીફ ખાતે યોજાયેલા ઉર્સમાં જવા નીકળ્યા હતા. દરમિયાનમાં માળિયા-મિયાણા રોડ પર સરડવ ગામ પાસે સામેથી અાવી રહેલા ટ્રકે બાઈકને અડફેટે લેતાં બાઈક ટ્રકમાં ફસાઈ ગયું હતું અને પાંચ કિલોમીટર સુધી ઘસડાયું હતું. અા ઘટનામાં હૈદરભાઈ અને તેમના પત્નીનાં મોત થયાં હતાં. ઘટનાને પગલે રોડ પર લોકોના ટોળેટોળા ભેગા થયા હતા અને ટ્રક પર હુમલો કર્યો હતો. જોકે ટ્રકચાલક ટ્રક મૂકી નાસી છૂટ્યો હતો. પોલીસે અા અંગે અકસ્માતે મોતનો ગુનો દાખલ કરી તપાસ હાથ ધરી છે.

અા ઉપરાંત વડનગરના બે યુવાનો સહદેવભાઈ ઠાકોર અને મહેન્દ્ર ઠાકોર ધાનેરા ખાતે પોલીસની પરીક્ષા અાપી પરત ફરતા હતા ત્યારે ધાનેરા રોડ પર જીપ અને બાઈક વચ્ચે અકસ્માત થતાં સહદેવભાઈ ઠાકોરનું મોત થયું હતું જ્યારે મહેન્દ્રને ઈજાઓ પહોંચી હતી તેમજ નડિયાદ-કપડવંજ રોડ પર વણઝારિયા પાટિયા પાસે એક ડમ્પરે રાહદારી માતા-પુત્રને અડફેટે લેતાં પાંચ વર્ષના પુત્ર ચિરાગનું ગંભીર ઈજા થવાના કારણે મોત થયું હતું. પોલીસે અા અંગે અકસ્માતે મોતના ગુના દાખલ કર્યા છે.

Navin Sharma

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago