Categories: Business

શેરબજારમાં એક લાખ કરોડની માર્કેટ કેપ ધોવાઈ

અમદાવાદ: આજે શૂરબજાર નીચા ગેપથી ખૂલ્યું હતું. વૈશ્વિક રેટિંગ એજન્સી એસએન્ડપીએ ચીનનું રેટિંગ ઘટાડતાં એશિયાઇ સહિત ભારતીય શેરબજાર ઉપર તેની અસર નોંધાઇ હતી. બેન્ક નિફ્ટી પણ ૨૮૬ પોઇન્ટ તૂટી હતી. એટલું જ નહીં સ્મોલકેપ અને મિડકેપ સેક્ટરના શેરમાં વેચવાલી નોંધાઇ હતી. અમેરિકા વચ્ચે ફરી એક વાર બજારના જાણકારોના જણાવ્યા પ્રમાણે ઉત્તર કોરિયા તંગદિલી ઊભી થતાં ઇક્વિટી બજાર ઉપર તેની નેગેટિવ અસર નોંધાઇ હતી. આજે શરૂઆતે આઇસીઆઇસીઆઇ બેન્ક, ટાટા સ્ટીલ અને એસબીઆઇના શેરમાં ૧.૪૦ ટકાથી ૧.૮૦ ટકા સુધીનો ઘટાડો નોંધાયો હતો. તો બીજી બાજુ ડો. રેડ્ડીઝ લેબ્સ અને સન ફાર્મા કંપનીના શેરમાં નીચા મથાળે ખરીદી નોંધાતાં આ શેરમાં ૮૦ ટકા સુધીનો ઉછાળો જોવાયો હતો.

કેપિટલ ગુડ્સ, કન્ઝ્યુમર ડ્યુરેબલ્સ, ઓઇલ એન્ડ ગેસ સેક્ટરના શેરમાં પણ જોરદાર વેચવાલી નોંધાઇ હતી, જોકે હેલ્થકેર સેક્ટરમાં સાધારણ સુધારો નોંધાયો હતો.

માર્કેટ કેપમાં એક લાખ કરોડનો ઘટાડો
આજે શરૂઆતે બજારમાં આવેલા જોરદાર કડાકાના પગલે માર્કેટ કેપમાં પણ ઘટાડો નોંધાતો જોવા મળ્યો હતો. આજે શરૂઆતે જ બેન્ક, મેટલ સહિત અન્ય સેક્ટરના શેરમાં જોવા મળેલા ઘટાડાના પગલે એક લાખ કરોડની માર્કેટ કેપ શરૂઆતે જ ધોવાઇ ગઇ હતી.

બજારના જાણકારોના જણાવ્યા પ્રમાણે અમેરિકાએ ઉત્તર કોરિયા ઉપર નવેસરથી આર્થિક પ્રતિબંધ લગાવતા તેની અસર એશિયાઇ બજાર પર જોવા મળી હતી એટલું જ નહીં ઉત્તર કોરિયા પ્રશાંત મહાસાગરમાં પરમાણુ વિસ્ફોટ કરી શકે છે તેવા સમાચારના પગલે બજારમાં ઘટાડો નોંધાતા માર્કેટ કેપ ધોવાઇ હતી.

મેટલ શેર પીગળ્યા
ટાટા સ્ટીલ ૧.૧૪ ટકા
સેઈલ ૧.૯૭ ટકા
હિંદાલ્કો ૨.૩૬ ટકા
હિંદુસ્તાન ઝિંક ૧.૩૩ ટકા
વેદાન્તા ૧.૮૬ ટકા
જિંદાલ સ્ટીલ ૨.૫૪ ટકા
એનએમડીસી ૧.૫૯ ટકા

બેન્ક શેર ડાઉન
એસબીઆઈ ૦.૫૪ ટકા
પીએનબી ૦.૬૭ ટકા
ICICI બેન્ક ૦.૯૫ ટકા
HDFC બેન્ક ૦.૦૪ ટકા
ફેડરલ બેન્ક ૦.૩૪ ટકા
બેન્ક ઓફ બરોડા ૦.૧૭ ટકા
એક્સિસ બેન્ક ૦.૨૪ ટકા

S&Pએ ચીનનું રેટિંગ ઘટાડ્યુંઃ એશિયાઈ બજાર રેડ ઝોનમાં
આજે શરૂઆતે જ એશિયાઈ શેરબજાર રેડ ઝોનમાં ખૂલ્યાં હતાં. એસએન્ડપીએ ચીનનું ક્રેડિટ રેટિંગ એએ માઈનસથી ઘટાડીને એ પ્લસ કરી દીધું છે. ૧૯૯૯ બાદ પ્રથમ વખત એસએન્ડપીએ ચીનનું રેટિંગ ઘટાડી દીધું છે. ચીનના રેટિંગમાં ઘટાડો કરાતાં શાંઘાઈ શેરબજાર ઈન્ડેક્સમાં ઘટાડો નોંધાયો છે. એશિયાનાં અન્ય શેરબજાર પણ રેડ ઝોનમાં ખૂલ્યાં હતાં. હેંગસેંગ શેરબજાર ઈન્ડેક્સ ૨૫૬ પોઇન્ટ તૂટ્યો હતો, જ્યારે તાઈવાન શેરબજાર ઈન્ડેક્સમાં ૧૦૧ પોઈન્ટનો ઘટાડો નોંધાયો છે. જાપાનનો નિક્કી શેરબજાર ઈન્ડેક્સ પણ ૭૩ પોઈન્ટ તૂટ્યો હતો.

divyesh

Recent Posts

પરિમલ ગાર્ડન બહાર આડેધડ પાર્કિંગ કરનાર મોર્નિંગ વોર્ક્સને ચેતવણી

અમદાવાદ: શહેરમાં આડેધડ પાર્ક કરેલાં વાહનો પર પોલીસે કરેલા મેગા ઓપરેશન બાદ પણ વાહનચાલકોમાં વાહન પાર્કિંગના મામલે જોઇએ એવી શિસ્ત…

17 mins ago

પહેલાં કન્ટેનર કચરાથી ઊભરાતાં હતાં, હવે રસ્તા તો નહીં ઊભરાય ને?

અમદાવાદ: મ્યુનિસિપલ સત્તાવાળાઓ દ્વારા સૂકો અને ભીનો કચરો અલગ પાડીને લઈ જવાના બદલે ડોર ટુ ડમ્પની કચરાની ગાડી એકસાથે જ…

20 mins ago

SEBIના મૂડીબજાર અંગે મહત્વપૂર્ણ નિર્ણયઃ IPOનું લિસ્ટિંગ ત્રણ દિવસમાં

મુંબઇ: બજારમાં ફંડ મેળવવાની પ્રક્રિયાને વેગ આપવા મૂડીબજાર નિયામક સેબીએ કેટલાક મહત્ત્વના નિર્ણય લીધા છે. મંગળવારે યોજાયેલી સેબીની બોર્ડ બેઠકમાં…

33 mins ago

મર્જરઃ નવી બેન્ક એપ્રિલ-2019થી શરૂ થશે

નવી દિલ્હી: જાહેર ક્ષેત્રની ત્રણ બેન્કો બેન્ક ઓફ બરોડા, દેના બેન્ક અને વિજયા બેન્કના વિલય બાદ બનનારી નવી બેન્ક આગામી…

36 mins ago

કેન્દ્રીય કર્મચારીઓને નિવૃત્તિના દિવસે જ પેન્શન પેમેન્ટ ઓર્ડર મળી જશે

નવી દિલ્હી: કેન્દ્રીય કર્મચારીઓ માટે ખુશખબર છે. કેન્દ્રીય પ્રધાન જિતેન્દ્રસિંહે એવી જાહેરાત કરી છે કે કેન્દ્ર સરકારના કર્મચારીઓને તેમના નિવૃ‌િત્ત…

2 hours ago

‘પે એન્ડ પાર્ક’નું કોકડું ગૂંચવાયું કોન્ટ્રાક્ટરોને કોઈ રસ જ નથી

અમદાવાદ: અમદાવાદ મ્યુનિ. કોર્પોરેશન દ્વારા ટ્રાફિક નિયમનના હેતુથી હાઈકોર્ટના આદેશના પગલે એક પછી એક પગલાં લેવાઈ રહ્યાં છે, જેમાં ઓગસ્ટ…

2 hours ago