Categories: Sports Trending

સ્ટીવ સ્મિથે પણ સ્વીકાર્યું કે વિરાટ તેના કરતાં પણ ચડિયાતો બેટ્સમેન છે

નવી દિલ્હીઃ ટીમ ઇન્ડિયાના દક્ષિણ આફ્રિકાના પ્રવાસ દરમિયાન કેપ્ટન વિરાટ કોહલીનાં શાનદાર પ્રદર્શને દુનિયાના બધા દિગ્ગજ ક્રિકેટરોને આશ્ચર્યમાં મૂકી દીધા છે. વિરાટના આ દમદાર પ્રદર્શનને કારણે કેટલાક જૂના દિગ્ગજો અને ક્રિકેટ પંડિતોએ તો તેને વર્તમાન સમયનો સર્વશ્રેષ્ઠ બેટ્સમેન માની લીધો છે. દક્ષિણ આફ્રિકાના પ્રવાસ દરમિયાન કોહલીએ ઘણી શાનદાર ઇનિંગ્સ રમી, જે આવનારી પેઢીઓ માટે દૃષ્ટાંતરૂપ બની રહેશે.

જોકે વર્તમાન સમયમાં વિરાટને ઓસ્ટ્રેલિયન કેપ્ટન સ્ટીવ સ્મિથ અને ન્યૂઝીલેન્ડનો કેપ્ટન કેન વિલિયમ્સન જોરદાર ટક્કર આપી રહ્યા છે. આ ત્રણેય બેટ્સમેનોએ પાછલા એક વર્ષમાં ગજબનાક પ્રદર્શન કર્યું છે. ભારતીય કેપ્ટન વિરાટ અને ઓસ્ટ્રેલિયન કેપ્ટન સ્ટીવ સ્મિથને એકબીજાના કટ્ટર હરીફ માનવામાં આવી રહ્યો છે, પરંતુ પૂરા થયેલા દક્ષિણ આફ્રિકાના પ્રવાસ દરમિયાન વિરાટના પ્રદર્શનને જોયા બાદ હવે ઓસ્ટ્રેલિયાના કેપ્ટન સ્ટીવ સ્મિથે પણ એ વાતનો સ્વીકાર કરી લીધો છે કે વિરાટ તેના કરતો ઘણો સારો બેટ્સમેન છે.

સ્મિથે એક ન્યૂઝ વેબસાઇટ સાથે વાત કરતાં એ વાતનો ખુલાસો કર્યો છે કે તે વિરાટથી બહુ જ પ્રેરિત છે. હવે તો વિરાટની જેમ બેટિંગ કરવાની કોશિશ કરે છે. સ્મિથે જણાવ્યું, ”હું દુનિયાના સર્વશ્રેષ્ઠ બેટ્સમેનોનમે જોઈને ક્યારેક તેમની જેમ બેટિંગ કરવાની કોશિશ કરું છું.” વિરાટ અને સ્મિથ વચ્ચે મેદાન પર ક્યારેક જ સંબંધ સારા રહ્યા હશે. ઘણી વાર તો આ બંને ખેલાડી મેદાનમાં બાખડી ચૂક્યા છે.

આ બધી વાતોને ભૂલીને ઓસ્ટ્રેલિયન કેપ્ટન સ્મિથે એ સ્વીકારી લીધું છે કે વિરાટ તેના કરતાં ઘણી સારી બેટિંગ કરે છે અને હવે તે પણ વિરાટની જેમ બેટિંગ કરવાની કોશિશ કરવા લાગ્યો છે. સ્મિથ હવે વિરાટની બેટિંગ ટેકનિક બારીકાઈથી જોવા લાગ્યો છે. વિરાટ કેવી રીતે સ્પિનર્સ સામે રમે છે, વિરાટ કેવી રીતે ફાસ્ટ બોલર્સની ધોલાઈ કરે છે – સ્મિથ આ બધું વિરાટની બેટિંગમાંથી શીખવાના પ્રયાસમાં લાગી ગયો છે.

સ્મિથે આગળ વાત કરતાં જણાવ્યું, ”હું દુનિયાના શાનદાર ખેલાડીઓને જોઉં છું અને તેની જેમ બેટિંગ કરવાની કોશિશ કરું છું. હું ફક્ત કોશિશ કરીને શીખું છું. ઓફ સાઇડ ગેમ રમવા માટે મેં વિરાટ કોહલીની સ્ટાઇલ અપનાવી છે. મેં મારી રમતમાં એ. બી. ડિવિલિયર્સને પણ કોપી કર્યો છે. હું કેન વિલિયમ્સનની બેટિંગ સ્ટાઇલમાંથી પણ ઘણું શીખ્યો છું.”

સ્મિથે ભારત પ્રવાસમાં શાનદાર પ્રદર્શન કર્યું હતું
વર્ષ ૨૦૧૭ના ભારત પ્રવાસ દરમિયાન ઓસ્ટ્રેલિયન કેપ્ટન સ્ટીવ સ્મિથે ચાર ટેસ્ટ મેચમાં શાનદાર બેટિંગ કરીને ત્રણ સદી ફટકારી હતી. એ શ્રેણીમાં સ્મિથે ૭૧.૨૮ની સરેરાશથી ૪૯૯ રન બનાવ્યા હતા.

Navin Sharma

Recent Posts

જિજ્ઞેશ મેવાણીનો બેવડો ચહેરો, કહ્યું,”ધારાસભ્યોની સાથે મારો પણ પગાર વધ્યો, સારી વાત છે”

અમદાવાદઃ ધારાસભ્યોનાં પગાર વધારા મામલે કોંગ્રેસનાં ધારાસભ્ય જીજ્ઞેશ મેવાણીએ વિશેષ પ્રતિક્રિયા આપી છે. જીજ્ઞેશ મેવાણીએ સોશિયલ મીડિયા પર પોસ્ટ કરીને…

21 mins ago

વિધાનસભા ગૃહમાં હોબાળો, નીતિન પટેલે કહ્યું,”કોંગ્રેસની અવિશ્વાસની દરખાસ્ત નિયમ વિરૂદ્ધ”

ગાંધીનગરઃ વિધાનસભા ગૃહમાં કોંગ્રેસનાં સભ્યોએ આજે ફરી વાર હોબાળો કર્યો હતો. ભાજપ વિરોધી સૂત્રોચ્ચાર કરીને હોબાળો કર્યો હતો. કોંગ્રેસનાં ધારાસભ્યો…

1 hour ago

સુરતઃ 3 વર્ષની માસૂમ બાળકીનું બિસ્કિટ અપાવવા બહાને કરાયું અપહરણ

સુરતઃ આપણી નજર સમક્ષ અવારનવાર નાની બાળકીઓ પર દુષ્કર્મ અને અપહરણ થયા હોવાનાં કિસ્સાઓ સામે આવતા હોય છે. ત્યારે આવો…

2 hours ago

નવાઝ પુત્રી-જમાઇ સહિત થશે જેલમુક્ત, ઇસ્લામાબાદ HCનો સજા પર પ્રતિબંધ

ઇસ્લામાબાદ હાઇકોર્ટે પાકિસ્તાનનાં પૂર્વ પ્રધાનમંત્રી નવાઝ શરીફની સજા પર પ્રતિબંધ લગાવી દીધો છે.નવાઝની દીકરી મરિયમ નવાઝ અને જમાઇ મોહમ્મદ સફદરની…

3 hours ago

રાજકોટઃ વાસફોડ સમાજે ઉચ્ચારી આત્મવિલોપનની ચીમકી, તંત્ર એલર્ટ

રાજકોટઃ શહેરમાં સરકાર દ્વારા ફાળવવામાં આવેલા પ્લોટની અધિકારીઓ દ્વારા માપણી ન કરવામાં આવતા વાસફોડ સમાજે આત્મવિલોપનની ચીમકી ઉચ્ચારી હતી. જો…

4 hours ago

“લવરાત્રિ” ફિલ્મનું નામ બદલી “લવયાત્રિ” કરાતા શિવસેનાનાં કાર્યકરોની ઉજવણી

વડોદરાઃ સલમાન ખાનની લવરાત્રિ ફિલ્મનાં નામને લઈને છેલ્લાં ઘણાં સમયથી વિવાદ ચાલી રહ્યો હતો. ત્યારે હવે આ ફિલ્મનું નામ બદલીને…

5 hours ago