Categories: Gujarat

અમારા સ્ટેટસ પ્રમાણે રહેવું પડશે, સારાં મોંઘાં કપડાં પહેરવાં પડશે

અમદાવાદ: ‘અમારા સ્ટેટસ પ્રમાણે તારે રહેવું પડશે, સારાં મોંઘાં કપડાં પહેરવાં પડશે’ આ રીતે દબાણ કરી બંગલાનું કામ કરાવી, જમવાનું ન આપતાં સાસરિયાંના ત્રાસના લીધે પરિણીતાએ આત્મહત્યા કરી લીધી હોવાની ફરિયાદ મૃતક પરિણીતાના પિતાએ ઓઢવ પોલીસ સ્ટેશનમાં નોંધાવી છે. ઓઢવ પોલીસે આ અંગે ગુનો નોંધી તપાસ શરૂ કરી છે.
મણિનગરના જશોદાપાર્કમાં રહેતા અને એકાઉન્ટન્ટની નોકરી કરતા મહેશભાઈની પુત્રી શ્રેતા (ઉં.વ.૨૯)નાં લગ્ન બે વર્ષ અગાઉ ઓઢવના ઋષભનગરમાં રહેતા અને આશ્રમરોડ પર વિઝા-પાસપોર્ટનું કામકાજ કરતા નિસર્ગભાઇ પંડ્યા સાથે થયાં હતાં.

લગ્નના બે માસ બાદ શ્રેતાએ તેનાં માતા-પિતાને જણાવ્યું હતું કે, ‘મારાં સાસુ-સસરા મને સ્ટેટસ પ્રમાણે રહેવું પડશે, સારાં મોંઘાં કપડાં પહેરવાં પડશે તેમ કહી બંગલાનું કામ કરાવે છે, ત્રણ-ત્રણ દિવસ સુધી જમવાનું નથી આપતાં અને ચણા-મમરા જમવામાં આપે છે. આ અંગે શ્રેતાનાં માતા-પિતાએ સાસરિયાં સાથે વાત કરતાં તમે સ્ટેટસ મુજબ દહેજ નથી આપ્યું તેમ જણાવી તમારી દીકરીને લઈ જાવ તેમ કહેતાં શ્રેતાને તેઓ તેમના ઘરે લઈ ગયાં હતાં.’

થોડા સમય બાદ શ્રેતાને સાસરિયાંવાળાએ ઘરે આવવા દબાણ કરતાં તે સાસરિયાંમાં ગઈ હતી. દરમિયાનમાં પરમ દિવસે રાત્રે શ્રેતાએ પોતાની સાસરીમાં ગળાફાંસો ખાઈ આત્મહત્યા કરી લીધી હતી. લોકો અને પોલીસને જાણ કરતાં પહેલાં તેનાં સાસરિયાંઓએ શ્રેતાની લાશને નીચે ઉતારી લીધી હતી અને તેનાં પરિવારજનોને જાણ કરી હતી.
ઓઢવ પોલીસ સ્ટેશનમાં આ અંગે પ‌િરણીતાના પિતાએ સાસરિયાં વિરુદ્ધ ફરિયાદ નોંધાવતાં પોલીસે ગુનો નોંધી તપાસ શરૂ કરી છે.
http://sambhaavnews.com/

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

12 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

12 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

13 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

13 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

13 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

13 hours ago