Movie Review: સોનુ કે ટીટુ કી સ્વીટી, જુઓ Trailer

અેશિયન અેકેડેમીમાંથી ફિલ્મ અને ટીવીનું શિક્ષણ લેનાર લેખક અને નિર્દેશક લવરંજને પહેલી ફિલ્મ ‘પ્યાર કા પંચનામા’ ૨૦૧૧માં બનાવી. ત્યારબાદ ૨૦૧૩માં ‘અાકાશવાણી’ અને ૨૦૧૫માં ‘પ્યાર કા પંચનામા-૨’ બનાવી. હવે તેમની ફિલ્મ ‘સોનુ કે ટીટુ કી સ્વીટી’ અાવી રહી છે.

અા ફિલ્મમાં લવરંજન ‘પ્યાર કા પંચનામા’ની જૂની ટીમમાંથી કાર્તિક અાર્યન, નુશરત ભરૂચા અને સની સિંહને લઈને અાવ્યા છે. અા ફિલ્મથી લોકપ્રિય રેપર હની સિંહનું પણ કમબેક થયું છે.

કાર્તિક અાર્યને પણ ૨૦૧૧માં ‘પ્યાર કા પંચનામા’થી કરિયર શરૂ કરી છે. અનેક એડ્ ફિલ્મોમાં કામ કરી ચૂકેલી નુશરતે ૨૦૧૧માં દિવાકર બેનરજીની ફિલ્મ ‘લવ, સેક્સ અૌર ધોકા’ અને લવરંજનની ફિલ્મ ‘પ્યાર કા પંચનામા’માં કામ કર્યું. સની સિંહે બાળકલાકાર તરીકે ઘણી ટીવી સિ‌િરયલ અને ફિલ્મ ‘ઇંગ્લિશ બાબુ દેશીમેન’ તેમજ ‘પાઠશાલા’માં કામ કર્યું.

અા રોમેન્ટિક કોમેડી ફિલ્મની કહાણી બ્રોમાન્સ અને રોમાન્સની અાસપાસ ફરે છે. દોસ્તી અને પ્રેમ વચ્ચે છેડાયેલા જંગની કહાણી છે. સોનુ (કાર્તિક અાર્યન) અને ટીટુ (સની સિંહ) બંને બાળપણથી જ પાકા મિત્રો છે, જ્યારે ટીટુ કોઈ પણ પરેશાનીમાં હોય છે ત્યારે સોનુ તેને મદદ કરે છે. મોટું બ્રેકઅપ થતાં પણ ટીટુને અાશ્વાસન અાપવાનું કામ સોનુ કરે છે.

અાવી જ રીતે ટીટુને સ્વીટી (નુશરત ભરૂચા) સાથે પ્રેમ થઈ જાય છે અને તે સ્વીટી સાથે લગ્ન કરવા ઇચ્છે છે, પરંતુ સોનુ ટીટુને સ્વીટી સાથે લગ્ન કરવા દેવા ઇચ્છતો નથી. તેને લાગે છે કે સ્વીટુ ટીટુ માટે સારી છોકરી નથી, જ્યારે સ્વીટી ખરેખર સારી છે અને દરેક કામમાં નિપુણ છે છતાં સોનુને સ્વીટી પર શંકા છે. કોઈ વ્યક્તિ અાટલી પરફેક્ટ કેવી રીતે હોઈ શકે. અા કારણે સોનુ પરેશાન થઈ જાય છે અને ટીટુનાં લગ્ન તોડાવવાની કોશિશ કરે છે. શું સોનુ પોતાના હેતુમાં સફળ થઈ શકશે.

You might also like