Categories: Art Literature

સમાજમાં દુર્જનો સજ્જનો પર હંમેશાં ભારે પડે છે

વેદોકતકાળથી ચાલતું આવ્યું છે કે સમાજમાં દુર્જનો સજ્જનો પર હંમેશાં ભારે પડે છે. સજ્જનો દુર્જનોના ત્રાસથી ખિન્ન થઈને ચૂપ રહે છે. આ તેમની કમજોરી ગણી શકાય, પરંતુ તેનો અર્થ એ નથી કે દુર્જનને તેના કર્મનું ફળ મળશે નહીં. કરેલાં કર્મનું ફળ અહીં જ ભોગવીને જવાનું હોય છે એ વાત હંમેશાં યાદ રાખવી જોઈએ.
મહાભારતના એક દૃષ્ટાંત મુજબ દુર્યોધને એક ષડ્‌યંત્ર રચ્યું હતું. દુર્વાસા મુનિને દસ હજાર શિષ્ય સાથે તેમની સેવાપૂજા કરીને પ્રસન્ન કર્યા. દુર્વાસાએ વર માગવા કહ્યું ત્યારે દુર્યોધને કહ્યું, “મારા ભાઈઓ-પાંડવો વનમાં રહે છે ત્યાં આપ દસ હજાર શિષ્ય સાથે તેમના અતિથિ બનો, પરંતુ મધ્યાહ્નકાળ પછી.”
મધ્યાહ્નકાળ પછી જવાનું એટલા માટે કહ્યું કે સૂર્યે પાંડવોને અક્ષયપાત્ર આપ્યું હતું. મધ્યાહ્નકાળ સુધી ગમે તેટલા અતિથિ આવે તેનો સત્કાર કરે તો પણ અક્ષયપાત્રમાં ખૂટે નહીં, દુર્વાસા તો દુર્યોધનના આગ્રહને માન આપી ગયા પાંડવો પાસે. પાંડવો તો જમીને આરામ કરતા હતા. અક્ષયપાત્ર ધોઈને ઊંધું વાળ્યું હતું. એ સમયે દુર્વાસા જઈને ઊભા રહ્યા, સાથે દસ હજાર શિષ્ય હતા.
પાંડવો ધર્મસંકટમાં મુકાયા. જો દુર્વાસાને જમવાનું આમંત્રણ ન આપે તો દુર્વાસા ક્રોધિત થાય. આમંત્રણ આપે તો અક્ષયપાત્રમાં અન્ન નથી. બીજા દિવસે સૂર્યોદય પછી જ ચિંતવે તે મળે. હવે શું કરવું? છતાં પાંડવોએ સાહસ કરીને દુર્વાસાને જમવાનું આમંત્રણ આપ્યું. દુર્વાસા કહે, “સ્નાન કરીને અમે આવીશું.” દ્રૌપદી પ્રભુને પ્રાર્થના કરે છે કે દુઃશાસનેે સભામાં મારું વસ્ત્રાહરણ કરવા માંડ્યું તે સમયે ચીર પૂરી મારી રક્ષા કરી એ રીતે આ સંકટમાં મારી રક્ષા કરો. ભગવાન શ્રીકૃષ્ણ તુરત દ્રૌપદી પાસે આવ્યા અને કહ્યું, “હું ભૂખ્યો છું, જમવાનું આપો.” દ્રૌપદી કહે, “જમવાનું નથી, એથી જ તમારી પ્રાર્થના કરી છે. આપે અમને બીજી આપત્તિમાં મૂક્યાં.” પ્રભુ કહે, “તમારા અક્ષયપાત્રમાં છે, ખોટું કેમ બોલો છો?” દ્રૌપદી કહે, “એ તો આપ દેખો, તે ઊંધું પડ્યું છે.” પ્રભુ કહે, “મારી પાસે લાવો.” દ્રૌપદીએ હાથમાં આપ્યું. પ્રભુએ ઝીણી નજરે જોયું તો અંદર ભાજીનું પત્ર ચોંટેલું હતું. પ્રભુએ પત્ર હાથમાં લઈને ‘અનેન જગત તૃપ્યમાન’ કહી મુખમાં મૂક્યું તો આખું જગત તૃપ્ત થઈ ગયું.
દુર્વાસા અને શિષ્યો પણ તૃપ્ત થયા. હવે દુર્વાસા સંકટમાં મુકાયા. પાંડવોનું જમવાનું આમંત્રણ સ્વીકાર્યું છે, ત્યાં જઈને જમીશું નહીં તો પાંડવો પણ ધર્માત્મા છે. અંબરીશની ઘટના તાજી હતી. જો પાંડવો શાપ આપે તો આપણે સંકટમાં મુકાઈ જઈએ. એ કરતાં અહીંથી સીધા ચાલ્યા જવું જ સારું. દુર્વાસા બારોબાર પલાયન થઈ ગયા હતા તેમજ પાંડવોને આશીર્વાદ આપતા ગયા અને દુર્યોધન ઉપર ક્રોધિત થયા હતા.

Navin Sharma

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

1 hour ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

1 hour ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

1 hour ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

2 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

2 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

2 hours ago