OMG! છ વર્ષની બાળકીએ માતાના એમેઝોન એકાઉન્ટ પરથી જાતે ખરીધ્યાં અધધધ રમકડાં 

ન્યૂયોર્ક: હવેની જનરેશન એટલી સ્માર્ટ થઇ ચૂકી છે કે તમારે તેમની સ્માર્ટનેસનું પણ ધ્યાન રાખવું પડે છે. તમારા બાળકને તમે સ્માર્ટફોન આપી દો તો જાતે જ તેને જે જોઇએ તે ખરીદી લે છે.

અમેરિકાના યુટાહમાં રહેતી ૬ વર્ષીય કેટલીન નામની છોકરીએ પોતાની જાતે જ એમેઝોનની વેબસાઇટ પરથી મનગમતાં રપ,૦૦૦નાં રમકડાં જાતે જ ઓર્ડર કરી દીધાં. આ રમકડાંનું પાર્સલ જ્યારે ઘરે આવ્યું ત્યારે માતા-પિતાને ખબર પડી.

કેટલીનની મમ્મીએ એમેઝોનની વેબસાઇટ પર તેના માટે એક બાર્બી ડોલ ઓર્ડર કરી હતી. નાનકડી છોકરી વારંવાર પૂછતી હતી કે બાર્બી ક્યારે આવશે. માતાએ તેને આ સાઇટ પર પોતાનો ઓર્ડર ક્યાં પહોંચ્યો તે ટ્રેક કરવા માટેનું એક્સેસ આપી દીધું, જેથી તે વારે ઘડીયે પૂછવાના બદલે જાતે ચેક કરી લે.

જોકે કેટલીને ઓર્ડર ટ્રેક કરવાની સાથે-સાથે બીજું શોપિંગ પણ કરી લીધું, જેની માતાને જાણ પણ ન થઇ. ઓર્ડરની ડિલિવરી ઘરના આંગણે આવીને ઊભી રહી ત્યારે બધી હકીકતની ખબર પડી. પહેલાં તો મમ્મીએ આ રમકડાં પરત કરવાનું નક્કી કર્યું, પરંતુ દીકરીની જીદના કારણે તેમ શક્ય ન બન્યુું, જોકે તેમણે દીકરીને આ રમકડાં એક બાળકોની હોસ્પિટલમાં જઇને ડોનેટ કરવા મનાવી લીધી છે.

You might also like