Categories: India

પરેશાન કરાશે તો શિવસેના ભાજપ સાથે છેડો ફાડી નાખશેઃ ઉદ્ધવ ઠાકરે

મુંબઈઃ પોતાના જન્મિદવસના એક દિવસ અગાઉ શિવસેનાના પ્રમુખ ઉદ્ધવ ઠાકરેએ મહારાષ્ટ્રમાં સત્તારૂઢ ભાજપ સામે નિશાન તાક્યું છે. શિવસેનાના મુખપત્ર ‘સામના’ના પક્ષના નેતા સંજય રાઉતને આપેલ એક ઈન્ટરવ્યૂમાં ઉદ્ધવ ઠાકરેએ જણાવ્યું હતું કે જો રાજ્ય સરકારને કારણે શિવસેનાને પરેશાની થશે તો શિવસેના સરકારમાંથી બહાર નીકળી જશે એટલું જ નહીં ઉદ્ધવ ઠાકરેએ એવો પણ દાવો કર્યો છે કે શિવસેના નગર નિગમ (બીએમસી)ની ચૂંટણી એકલા હાથે લડશે અને જીતશે.

અત્રે ઉલ્લેખનીય છે કે બુધવારે ૨૭ જુલાઈએ ઉદ્ધવ ઠાકરેનો જન્મ દિવસ છે. શિવસેનાના મુખપત્ર ‘સામના’માં આ માટે ખાસ ઉદ્ધવ ઠાકરેની એક મુલાકાત પ્રસિદ્ધ કરવામાં આવી છે. આજે પ્રસિદ્ધ થયેલ આ મુલાકાતના બીજા ભાગમાં ઉદ્ધવ ઠાકરેએ ૨૫ વર્ષ જૂનું ભાજપ-શિવસેના ગઠબંધન તોડવાની વાત કરી છે, જ્યારે સોમવારે આ મુલાકાતના પ્રથમ ભાગમાં ઉદ્ધવ ઠાકરેએ કાશ્મીરની સ્થિતિને લઈને વડા પ્રધાન મોદી સામે નિશાન તાક્યું હતું.

જોકે ઉદ્ધવ ઠાકરેએ આ મુલાકાતમાં મહારાષ્ટ્રના મુખ્યપ્રધાન દેવેન્દ્ર ફડણવીસની પ્રશંસા કરી છે. તેમણે જણાવ્યું હતું કે મુખ્યપ્રધાન ફડણવીસ સારું કામ કરી રહ્યા છે, પરંતુ સત્તાનો ઉપયોગ કરીને શિવસેનાને ઘેરવાનો પ્રયાસ થશે તો શિવસેના સરકારમાંથી છેડો ફાડીને બહાર નીકળી જશે. શિવસેનાની એક છત્ર સત્તા ક્યારનીય આવી ગઈ હોત, પરંતુ અમારા ૨૫ વર્ષ ગઠબંધનમાં સડી ગયાં છે.

ઉદ્ધવ ઠાકરેએ વધુમાં જણાવ્યું હતું કે હું સરકારને અસ્થિર કરવા ક્યારેય બ્લેકમેલ નહીં કરું, હું જે બોલીશ તે ખુલ્લેઆમ બોલીશ. ભવિષ્યમાં ભાજપ – શિવસેના ગઠબંધન જળવાશે કે કેમ એવા એક પ્રશ્નના જવાબમાં ઉદ્ધવ ઠાકરેએ જણાવ્યું હતું તે બંને પક્ષો પર નિર્ભર રહેશે. જો ભાજપ પોતાની તાકાત પર લડવાનો નારો લગાવશે તો શિવસેના ચૂપ બેસી નહીં રહે. હું પણ શિવસેનાના મુખ્યપ્રધાન લાવીશ. આ મારી પ્રતિજ્ઞા છે.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

1 hour ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

2 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

2 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

2 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

3 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

3 hours ago