નોટબંધી પ્રક્રિયાની યાદી રજૂ કરવી દેશના આર્થિક હિતમાં નહીં: RBI

નવી દિલ્હી: પ્રધાનમંત્રી નરેન્દ્ર મોદી દ્વારા નોટબંધીની જાહેરાતના 6 મહીના બાદ ભારતીય રિઝર્વ બેંકએ એ દરમિયાન અપનાવેલી પ્રક્રિયાની યાદી આપવા માટેની ના પાડી દીધી છે અને કહ્યું થે કે આવું કરવું આર્થિક હિતો માટે નુકસાનકારક છે.

એક અરજી પર કેન્દ્રીય બેંકએ કહ્યું કે નોટબંધીની પ્રક્રિયાની માહિતી આપવાથી ભારત સરકારની ભવિષ્યની આર્થિક અથવા નાણાંકીય નીતિઓના રસ્તામાં સમસ્યા આવી શકે છે. RBI પાસેથી એમના કાર્યલયમાં થયેલી એ બેઠકોની યાદી માટે માંગણી કરવામાં આવી હતી જેમાં 500 અને 1000 રૂપિયાની નોટો બંધ કરવાનો નિર્ણય લેવામાં આવ્યો હતો. આરબીઆઇ નોટબંધીના મુદ્દા પર પ્રધાનમંત્રી કાર્યાલય તેમજ નાણાં મંત્રાલયની સાથે થયેલા પત્ર વ્યવહારની પણ માંગણી કરવામાં આવી હતી.

આરબીઆઇએ જવાબ આપતાં કહ્યું કે, ‘આવેદનમાં માંગવામાં આવેલી સૂચનામાં 500 અને 1000 રૂપિયાની નોટોને પરત લેવાની પ્રક્રિયા પૂરાં થતાં પહેલાની સંવેદનશીલ પૃષ્ઠભૂમિની પણ જાણકારીની માંગણી કરવામાં આવી હતી. આવી સૂચનાઓનો ખુલાસો, એવા નિર્ણય લેવાના ઉદ્દેશ્યની દ્રષ્ટિથી દેશના આર્થિક હિતો માટે નુકસાનકારક થશે.’

આરબીઆઇએ કહ્યું કે આવા પ્રકારની માહિતી આપવાથી ભારત સરકારની ભવિષ્ય આર્થિક અથવા નાણાંકીય નીતિઓના રસ્તામાં સમસ્યા આવી શકે છે.

http://sambhaavnews.com/

You might also like