Categories: Ahmedabad Gujarat

એકસર્સાઇઝ કરવા બાબતે ઝઘડામાં સાત યુવક પર છરી વડે હુમલો

અમદાવાદ: શહેરના દાણીલીમડા વિસ્તારમાં એક્સર્સાઇઝ કરવા બાબતે બે યુવક વચ્ચે થયેલી બોલાચાલીએ ઉગ્ર રૂપ ધારણ કરતાં મામલો બીચક્યો હતો. જિમની બહાર બાકરહુસેન નામના શખ્સે તેના મિત્રો સાથે મળીને સાજિદ પઠાણ અને તેના ભાઇ સહિત સાત યુવક પર છરી વડે હુમલો કર્યો હતો

દાણીલીમડામાં આવેલ વારિશ મોહલ્લામાં રહેતા ૨૭ વર્ષિય સાજિદખાન સમીરઉલ્લાખાન પઠાણે દાણીલીમડા પોલીસ સ્ટેશનમાં છ લોકો સામે ફરિયાદ કરી છે. ફરિયાદમાં કરેલા આક્ષેપ પ્રમાણે મંગળવારની રાતે સાજિદખાન એકસર્સાઇઝ કરવા માટે જિમમાં ગયો હતો, જ્યાં સઇદખાન અનિસખાન પઠાણ, સોયેબ, બાકરહુસેન નામના યુવકો પણ એકસર્સાઇઝ કરતા હતા.

એકસર્સાઇઝ કરવા બાબતે સાજિદખાન અને બાકરહુસેન વચ્ચે ત્રણ ચાર દિવસ પહેલાં બોલાચાલી થઇ હતી. જેની અદાવત રાખીને મંગળવારની રાતે બાકરહુસેને સાજિદને બીભસ્ત ગાળો બોલીને ઝઘડો શરૂ કર્યો હતો. એકસર્સાઇઝ કરતાં અન્ય યુવકોએ બન્ને વચ્ચેનો ઝઘડો શાંત કરાવ્યો હતો.

બાકરહુસેન તાત્કાલીક જિમમાંથી નીકળી ગયો હતો ત્યારે સાજિદભાઇ, સોયેબ અને સઇદ પણ રાતે સાડા નવ વાગે જિમમાંથી ઘરે જવાની તૈયારી કરી રહ્યા હતા ત્યારે જિમની બહાર બાકરહુસેન શેખ, તેનો મિત્ર મોહમદ સિદિક રંગરેજ, મકસૂદ અનવર શેખ, અજગર હુસેન, અબ્દુલ મોહમદહુસેન મુનાફ મહમદહુસેન શેખ ઊભા હતા.

સાજિદ તેના મિત્રો સાથે બહાર નીકળ્યો ત્યારે અચાનક જ બાકરહુસેન અને તેના મિત્રોએ તેની પર હુમલો કરી દીધો હતો. બાકરહુસેન તેની પાસે રહેલી છરી કાઢીને સાજિદ પર હુલાવી દીધી હતી. સાજિદ માર ખાઇ રહ્યો હતો ત્યારે સોયેબ અને સઇદ ત્યાંથી ભાગી ગયા હતા અને સાજિદના ભાઇ જાવેદને જઇને હકીકત કીધી હતી. ભાઇને છોડાવવા માટે જાવેદ તેના મિત્રો અકરમખાન પઠાણ, મોહસીન શેખ, સઇદ, શાહરુખ દોડી આવ્યા હતા.

બાકરહુસેન અને તેના મિત્રોએ જાવેદ, અકરમ, મોહસીન, સઇદ અને શાહરુખ ઉપર પણ છરીઓ હુલાવી હતી. જેમાં તમામ લોકોને ઇજા પહોંચી હતી. આ ઘટના જોઇને સ્થાનિકો દોડી આવતાં હુમલાખોરો ફરાર થઇ ગયા હતા જ્યારે સાજિદ સહિત સાત ઇજાગ્રસ્ત યુવકોને સારવાર માટે હોસ્પિટલમાં ખસેડવામાં આવ્યા હતા. પોલીસે બાકરહુસેન સહિત છ લોકો સામે ગુનો દાખલ કરીને તપાસ શરૂ કરી છે.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

12 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

12 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

12 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

13 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

13 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

14 hours ago