સેન્સેક્સ ૨૬ હજારની નીચેઃ બેન્ક સ્ટોક્સ રેડ ઝોનમાં

અમદાવાદ: વૈશ્વિક બજારના પ્રેશરે આજે શરૂઆતે સ્થાનિક શેર બજાર નીચા ગેપથી ખૂલ્યું હતું. સેન્સેક્સ શરૂઆતે જ ૨૬ હજારની સપાટી તોડી હતી. બીએસઇ સેન્સેક્સમાં ૨૫૬ પોઇન્ટના ઘટાડે ૨૬ હજારની સપાટી તોડી ૨૫,૯૦૧ની સપાટીએ, જ્યારે એનએસઇ નિફ્ટી ૮૧ પોઇન્ટના ઘટાડે ૭,૯૦૦ની સપાટી તોડી ૭,૮૮૧ની સપાટીએએ ટ્રેડિંગમાં જોવાઇ હતી. બેન્કિંગ સ્ટોક્સની આગેવાનીએ શેરબજારમાં ઘટાડો નોંધાયો હતો.

બેન્ક નિફ્ટીમાં પણ ૦.૯૨ ટકાનો ઘટાડો જોવાયો હતો. મેટલ સ્ટોક્સમાં ૦.૨૮ ટકા તૂટ્યા હતા. પીએસયુ બેન્ક, ફાઇન્નાશિયલ સર્વિસ સેક્ટરના સ્ટોક્સમાં પણ નરમાઇ જોવા મળી હતી.
આજે શરૂઆતે ક્રેઇન ઇન્ડિયા, પાવર ગ્રીડ કંપનીના શેરમાં નરમાઇ જોવા મળી હતી. બીજી બાજુ વિપ્રો કંપનીના શેરમાં ૦.૨૨ ટકા, એસીસી કંપનીના શેરમાં ૦.૧૭ ટકાનો સુધારો નોંધાયો હતો. એક્સિસ બેન્કમાં ૧.૪૭ ટકા, બેન્ક ઓફ બરોડામાં ૧.૨૯ ટકા, ICICI બેન્કમાં ૧.૮૮ ટકાનો ઘટાડો નોંધાયો હતો.

ક્રૂડમાં ત્રણ ટકાનો ઉછાળો
સાઉદી અરેબિયા અને ઇરાનના વણસેલા સંબંધને લઇને આંતરરાષ્ટ્રીય ક્રૂડમાં બજારમાં ત્રણ ટકાનો ઉછાળો આવ્યો છે. નાયમેક્સ ક્રૂડ ૧.૪૪ ટકાની તેજી સાથે ૩૭.૫૮ ડોલર પ્રતિ બેરલની સપાટીએ, જ્યારે બ્રેન્ટ ક્રૂડ ૦.૮૮ ટકાના સુધારે ૩૮ ડોલર પ્રતિ બેરલની સપાટીએ ટ્રેડિંગમાં જોવાયો છે.

રૂપિયો ૧૧ પૈસા નબળો ખૂલ્યો
આજે શરૂઆતે ડોલર સામે રૂપિયો ૧૧ પૈસા નબળો ૬૬.૨૫ની સપાટીએ ખૂલ્યો હતો. ગયા સપ્તાહે છેલ્લે રૂપિયો ૬૬.૧૪ની સપાટીએ બંધ થયો હતો.

આ શેર્સ શરૂઆતે ઘટ્યા
ભારતી એરટેલ ૧.૭૮ ટકા
એચડીએફસી ૧.૨૮ ટકા
ટાટા મોટર્સ ૧.૧૬ ટકા
ICICI બેન્ક ૧.૧૦ ટકા
મહિન્દ્રા એન્ડ મહિન્દ્રા ૧.૦૬ ટકા
લ્યુપિન ૦.૯૬ ટકા
હીરો મોટો કોર્પ ૦.૮૯ ટકા
ભેલ ૦.૮૮ ટકા
એક્સિસ બેન્ક ૦.૭૭ ટકા
હિંદાલ્કો ૦.૭૭ ટકા

You might also like