Categories: Business

PSU બેન્ક શેરમાં પાનખરઃ સેન્સેક્સ ૧૭૦ પોઈન્ટ તૂટ્યો

અમદાવાદ: આજે શરૂઆતે શેરબજાર નીચા ગેપથી ખૂલ્યું છે. પીએસયુ બેન્ક ઇન્ડેક્સમાં નોંધાયેલા ઘટાડાની અસર શેરબજાર ઉપર પણ જોવા મળી છે. સેન્સેક્સ ૧૭૦ પોઇન્ટના ઘટાડે ૩૩,૮૪૦, જ્યારે નિફ્ટી ૪૯ પોઇન્ટના ઘટાડે ૧૦,૪૦૨ની સપાટીએ ટ્રેડિંગમાં જોવા મળી હતી.

ઓટો, આઇટી શેરમાં વેચવાલી જોવા મળી હતી. સ્મોલકેપ અને મિડકેપ સેક્ટરના શેર પણ તૂટ્યા હતા તો બીજી બાજુ કન્ઝ્યુમર ડ્યુરેબલ્સ કંપનીઓના શેરમાં પણ સુધારાની ચાલ જોવા મળી હતી.

દરમિયાન આજે પીએનબી કંપનીનો શેર વધુ ૩.૨૫ ટકા તૂટ્યો હતો. આ શેર આજે શરૂઆતે રૂ. ૧૨૧.૫૫ના મથાળે ટ્રેડિંગમાં જોવા મળ્યો હતો. એ જ પ્રમાણે ટાટા સ્ટીલ, અદાણી પોર્ટ્સ, મહિન્દ્રા એન્ડ મહિન્દ્રા કંપનીના શેર એક ટકાથી બે ટકા તૂટ્યા હતા, જ્યારે આઇસીઆઇસીઆઇ બેન્ક, સન ફાર્મા અને આઇટીસી કંપનીના શેરમાં સાધારણ સુધારાની ચાલ જોવા મળી હતી.

આ શેરમાં ૦.૭૦ ટકા સુધીનો સુધારો નોંધાયો હતો. આજે શરૂઆતે બીએસઇ મિડકેપ સેક્ટર ઇન્ડેક્સ ૦.૨ ટકા, જ્યારે સ્મોલકેપ ઇન્ડેક્સ ૦.૨૫ ટકા તૂટ્યો હતો. સેન્ટિમેન્ટ ‘ઓવરઓલ વીક’ છે અને તેની અસર શેરબજાર ઉપર જોવા મળી રહી છે.

એશિયાઈ શેરબજાર પોઝિટિવ
આજે એશિયાનાં શેરબજાર પોઝિટિવ ખૂલ્યાં હતાં, જોકે હેંગસેંગ, તાઇવાન અને ચીનનું શાંઘાઇ શેરબજાર બંધ હતું, જ્યારે જાપાનનો નિક્કી શેરબજાર ઇન્ડેક્સ ૨૮૮ પોઇન્ટના સુધારે ૨૨ હજારની સપાટી ક્રોસ કરી ૨૨,૦૦૯ની સપાટીએ જોવા મળ્યો હતો, જ્યારે સિંગાપોરનો સ્ટ્રેઇટ ટાઇમ્સ અને દક્ષિણ કોરિયાનો કોસ્પી શેરબજાર ઇન્ડેક્સ પણ પોઝિટિવ ખૂલ્યો હતો.

આંતરરાષ્ટ્રીય ક્રૂડના ભાવમાં ઉછાળો
આંતરરાષ્ટ્રીય ક્રૂડના ભાવમાં તેજીની ચાલ જોવા મળી છે. અમેરિકામાં માગમાં ઉછાળો નોંધાતાં ભાવને સપોર્ટ મળ્યો છે. નાયમેક્સ ક્રૂડના ભાવમાં ૧.૨૫ ટકાનો સુધારો નોંધાઇ ૬૨.૫ ડોલર પ્રતિબેરલની સપાટીએ ભાવ જોવા મળ્યો હતો, જ્યારે બ્રેન્ટ ક્રૂડના ભાવમાં પણ એક ટકાનો સુધારો નોંધાઇ ૬૫.૪ ડોલર પ્રતિબેરલની સપાટીએ ભાવ પહોંચી ગયો હતો. નાઇજિરિયાએ ૧૦૦ મિલિયન લિટર ગેસોલીનની ખરીદી કરી હોવાના બહાર આવેલા સમાચારે ભાવને સપોર્ટ મળ્યો હતો.

પીએસયુ બેન્કના શેર વધુ તૂટ્યા
એસબીઆઈ ૧.૪૯ ટકા
પીએનબી ૫.૧૭ ટકા
બેન્ક ઓફ બરોડા ૧.૯૭ ટકા
કેનેરા બેન્ક ૨.૦૩ ટકા
વિજયા બેન્ક ૨.૪૦ ટકા
આઈઓબી ૩.૬૭ ટકા
યુકો બેન્ક ૭.૨૨ ટકા
અલ્લાહબાદ બેન્ક ૫.૫૭ ટકા
આંધ્ર બેન્ક ૨.૦૩ ટકા
કોર્પોરેશન બેન્ક ૧.૫૧ ટકા
ઓરિયન્ટલ બેન્ક ૨.૧૯ ટકા
દેના બેન્ક ૨.૫૬ ટકા

મેટલ શેર ઘટ્યા
ટાટા સ્ટીલ ૨.૮૬ ટકા
સેઈલ ૧.૪૭ ટકા
જેએસડબ્લ્યુ સ્ટીલ ૧.૩૬ ટકા
હિંદાલ્કો ૦.૩૮ ટકા
કોલ ઇન્ડિયા ૦.૧૦ ટકા
નેશનલ એલ્યુ. ૦.૫૭ ટકા

સિટી યુનિયન બેન્ક પર હેકર્સનો હુમલોઃ શેર ચાર ટકા તૂટ્યો
પંજાબ નેશનલ બેન્કના બહાર આવેલા કૌભાંડ બાદ સિટી યુનિયન બેન્ક પર હેકર્સ દ્વારા હુમલો થયો હોવાના સમાચાર બહાર આવ્યા છે. હેકર્સ દ્વારા બેન્કમાંથી બાર કરોડથી પણ વધુની રકમ ટ્રાન્સફર કરવામાં આવી છે. આ રકમ દુબઇ, ચીન કે તુર્કીમાં ટ્રાન્સફર કરવામાં આવી છે. ‘સ્વિફ્ટ’ એક કોડ હોય છે અને આ કોડ દ્વારા દુનિયાભરમાં બેન્કની ઓળખ થાય છે. હેકર્સે સ્વિફ્ટ પ્લેટફોર્મનો ઉપયોગ કરીને આ રકમ ટ્રાન્સફર કરી છે. દરમિયાન આ સમાચારોને પગલે શરૂઆતે બેન્કના શેરમાં ૪.૧૪ ટકાનો ઘટાડો નોંધાઇ ૧૬૫ના મથાળે ટ્રેડિંગમાં જોવા મળ્યો હતો.

divyesh

Recent Posts

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

8 hours ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

8 hours ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

9 hours ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

11 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

13 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

13 hours ago