હિંદ મહાસાગમાં ડ્રેગન પર નજર રાખશે ‘સી ગાર્ડિયન’

ચીનથી ડોકલામ મુદ્દા પર ચાલુ વિવાદની વચ્ચે ભારત માટે પોતાની દરિયાઇ સુરક્ષા મહત્વની થઇ ગઇ છે. એવામાં અમેરિકા પાસેથી ભારતને મળનાર 22 સી ગાર્ડિયન ડ્રોનથી હિંદ મહાસાગરમાં દેશની સુરક્ષાને નવી મજબૂતી મળે એવી આશા છે. ભારતની દરિયાઇ સુરક્ષા 7500 કિલોમીટર લાંબી છે. સાઉથ ચાઇના સી માં ચીનના આંતરરાષ્ટ્રીય નિયમોની ઉપબ્ધતા બતાવતા અને હિંદ મહાસાગરમાં પોતાનો દબદબો વધારવાના પ્રયત્નોને જોતચા ભારતને અમેરિકી ડ્રોન મળવું ખૂબ જ જરૂરી છે.

સી ગાર્ડિયન ડ્રોન અમેરિકા સહિત એમની સહયોગી સેનાઓનું અહમ રક્ષા ઉપકરણ છે. એની તાકાતનો અંદાજો એ વાતથી લગાવવામાં આવી શકે છે કે આ ડ્રોન સતત 40 કલાક ઉડાન કરતાં દુશ્મનની કોઇ પણ હરકત પર નજર રાખવામાં સક્ષમ છે. જો કે એક ઓફિસરે જણાવ્યું છે કે ભારતને સી ગાર્ડિયન આપવાના નિર્ણયથી ભારત અમેરિકાના સંબંધો મજબૂત થશે, એનાથી અમેરિકામાં 2000 નવી જોબ્સ પણ જશે. પીએમ નરેન્દ્ર મોદીની અમેરિકા યાત્રા દરમિયાન ભારતને 2 અરબ ડોલરમાં ડ્રોન આપવા પર રાષ્ટ્રપતિ ડોનલ્ડ ટ્રંપે સહમતિ વ્યક્ત કરી હતી.

ગાર્ડિયન ડ્રોનથી હિંદ મહાસાગર વિસ્તારમાં ભારતની દેખરેખની ક્ષમતામાં વધારો થશે અને ચીનની સાથે પાવર બેલેન્સ બનાવવામાં પણ મદદ મળશે. અમેરિકાએ પહેલી વખત કોઇ દેશને આ ડ્રોન આપવાનો નિર્ણય કર્યો છે, જે ઉત્તર એટલાન્ટિક સંધિ સંગઠનનો સભ્ય નથી. ભારતે તાજેતરમાં જ ઇઝરાયલથી 10 હેરોન ડ્રોનોની ખરીદી કરવાનો કરાર કર્યો છે. જેની કિંમત 400 મિલિયન ડોલર છે.

http://sambhaavnews.com/

You might also like