Categories: Gujarat

ફી મામલે હવેથી નહીં ચાલે સ્કૂલોની મનમાની, વિધાનસભામાં ફી નિયમન સુધારા બિલ પાસ

ગાંધીનગરઃ ગુજરાત વિધાનસભા ગૃહમાં ફી નિયમન સુધારા બિલ પસાર કરવામાં આવ્યું છે. બિલમાં સમાવવામાં આવેલી બાબતો અંગે શિક્ષણમંત્રી ભૂપેન્દ્રસિંહ ચુડાસમાએ જણાવ્યું છે કે,  CBSE, ઇન્ટરનેશનલ સહિત તમામ બોર્ડને આ બિલ લાગુ પડશે. સરકાર નક્કી કરે એ જ ફી શાળાઓએ લેવી પડશે. અને ખાસ એ કે હવે રાજયની કોઇ પણ શાળા ડોનેશન નહીં લઇ શકે. શાળા દ્વારા કાયદાનો પ્રથમ વખત ભંગ કરવામાં આવશે, તો રૂ.5 લાખ દંડ થશે, શાળાઓ બીજી વાર ભંગ કરે તો રૂ.5થી10 લાખ દંડ થશે, શાળાઓ ત્રીજી વાર કાયદાનો ભંગ કરશે તો માન્યતા કરાશે રદ્દ. બિલ પ્રમાણે પ્રાથમિક વિભાગમાં વાર્ષિક રૂ.15 હજાર ફી,  માધ્યમિક વિભાગમાં વાર્ષિક રૂ.25 હજાર ફી અને ઉ. માધ્યમિક વિભાગમાં વાર્ષિક રૂ.27 હજાર ફી નિર્ધારણ કરવામાં આવી છે.  શાળાઓ માત્ર ફી નિરધારણ મુજબ જ ફી લઇ શકશે.

વધુમાં ભુપેન્દ્રસિંહ ચુડાસમાએ જણાવ્યું છે કે, કલ્પના બહારના ડોનેશનના કારણે આ બિલ લાવવું પડ્યું છે. શાળાના સંચાલકોએ ફી વધારા બાબતે સ્પષ્ટતા કરવી પડશે. વર્ષ 2017-18ના શૈક્ષણિક સત્રથી આ કાયદો લાગુ થશે. વર્ષ 2017-18માં જે શાળાઓએ ફી વધારે લીધી તેને પણ આ કાયદો લાગુ પડશે. જે શાળાઓએ વધારે ફી લીધેલી તે શાળાઓએ ફી આગળના વર્ષે સરભર કરવી પડશે. જે શાળાઓ ફી સરભર નહીં કરે તો તેને બધી જ ફી પરત આપવી પડશે. આ કાયદો પ્લે ગ્રૂપ અને નર્સરીને પણ લાગુ પડશે.

આ માટે ફી નિયમન સમિતિની રચના કરવામાં આવી છે. જેમાં  ફી નિયમન સમિતિનાં નિર્ણય સામે અપીલ પણ કરી શકાશે. અપીલ માટે ફી સુધારણા સમિતીનું પ્લેટફોર્મ અપાશે. આ સમિતિમાં નિવૃત હાઇકોર્ટ જજ અધ્યક્ષ હશે અને સ્વનિર્ભર શાળાના વ્યવસ્થાપક મંડળમાંથી પણ પ્રતિનિધી હશે. સમિતિમાં એક પ્રતિનિધી સામેલ કરાશે, ચાર્ટર્ડ એકાઉન્ટની સમિતિમાં પણ એક સભ્ય હશે. આ માટે રાજ્યના અલગ અલગ ચાર ઝોનમાં ફી નિયમન સમિતિની રચના કરાઇ.

http://sambhaavnews.com/

Navin Sharma

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

19 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

19 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

19 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

19 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

19 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

19 hours ago