SBIના મર્જર પ્લાનથી 5 સહયોગી બેંક નારાજ, 20 તારીખે હળતાલનું એલાન

મુંબઇઃ ભારતીય સ્ટેટ બેંક તરફથી મર્જર પ્લાનને કારણે નારાજ પાંચ સહયોગી બેંકોના કર્મચારીઓએ હળતાલની જાહેરાત કરી છે. આ હળતાલ 20 મેના રોજ છે. બેંક એસોશિયેશનને એક પ્રેસ નોટ બહાર પાડી છે. જેમાં જણાવ્યું છે કે  એસબીઆઇ મેનેજમેન્ટના અયોગ્ય વ્યવહારને કારણે કર્મચારીઓને હળતાલ પર જવા મજબુર કર્યા છે. એસબીઆઇના નિર્ણય વિરૂદ્ધ ઓલ ઇન્ડિયા બેંક એપ્લોઇ યૂનિયન એસોશિયેશને નારાજગી વ્યક્ત કરી છે. એસોશિયેશને જણાવ્યું છે કે એસબીઆઇ જબરજસ્તી બેંકોનું વિલિનકરણ કરે છે.

બેંકોએ બોલાવી તાત્કાલિક બેઠકઃ એસબીઆઇની પાંચ એસોશિયેશન બેંકો સ્ટેટ બેંક ઓફ ત્રાવણકોપ, સ્ટેટ બેંક ઓફ મૈસૂર, સ્ટેટ બેંક ઓફ હૈદ્રાબાદ, સ્ટેટ બેંક ઓફ બીકાનેર એન્ડ જયપુર અને સ્ટેટ બેંક ઓફ પટિયાલાના બોર્ડે ગઇ કાલે તાત્કાલિક બેંક બોલાવીને આગામી રણનીતિ પર ચર્ચા કરી છે.

મીટિંગમાં એજન્ડાનો વિરોધ કરાયોઃ એસબીઆઇ દ્વારા કોઇ પણ પ્રકારની સૂચના આપ્યા વગર બોર્ડ બેઠકમાં તમામ પાંચ એસોસિયેટ બેંકના વિલિનિકરણની જાણકારી આપવામાં આવી હતી. મીટિંગમાં બધી બેંકોના ડાયરેક્ટરે તેનો વિરોધ કર્યો હતો. બેંક કર્મચારી યૂનિયને એસબીઆઇના આ ફેસલા પર વિરોધ દર્શાવતા હળતાલના એલાન સાથે કેટલીક શરતો પણ મૂકી છે.

You might also like