Samsungનો આ સ્માર્ટફોન ઇન્ટરનેટ કરી દે છે બ્લોક, જાણો કિંમત અને સ્પેસિફિકેશન્સ

સેમસંગે પોતાના નવા સ્માર્ટફોનના લૉન્ચિંગની ઘોષણા કરી દીધી છે. આ સ્માર્ટફોનને કંપનીએ J2 Pro નામ આપ્યું છે. Samsung Galaxy J2 Proની સૌથી મોટી ખાસિયત એ છે કે તેમાં આપવામાં આવેલું ઇન્ટરનેટ બ્લૉક ફિચર આ સ્માર્ટફોનને ખૂબ જ ખાસ બનાવે છે. આ ફોનને વૃદ્ધો અને વિદ્યાર્થીઓને ધ્યાનમાં લઇને બનાવવામાં આવ્યો છે. આ ફોન Wi-Fi. 2G, 3G અને 4G LTEને બ્લૉક કરી દે છે જો કે તમે કૉલ અને મેસેજ તો કરી જ શકશો.

આ ફોનને લઇને કંપનીએ જણાવ્યું કે પરીક્ષા દરમિયાન બાળકોનું ધ્યાન ભટકશે નહી અને તે તમામ લોકોને મદદ મળશે જે હંમેશા ઇન્ટરનેટ સાથે કનેક્ટ નથી કરતાં. સાથે જ આ ફોનમાં Diodic4 ડિક્શનરી આપવામાં આવી છે જે ઇન્ટરનેટ વિના કોરિયન અને અંગ્રેજીમાં અનુવાદ કરે છે.

Samsung Galaxy J2 Proની કિંમત અને સ્પેસિફિકેશન્સ:

ફોનના ફિચર્સની વાત કરીએ તો ગેલેક્સી જે2 પ્રોમાં 5 ઇંચની ક્વૉડ એચડી ડિસ્પ્લે છે. 1.4 GHzનું ક્વૉડકોર પ્રોસેસર છે. સાથે જ આ ફોનમાં 1.5GB રેમ અને 16GB સ્ટોરેજ આપવામાં આવી છે જેને 256 GB સુધી એક્સપાન્ડ કરી શકાશે.

કનેક્ટિવિટીની વાત કરીએ તો ફોનમાં 4G LTE, Wi-Fi 802.11 b/g/n, બ્લૂટૂથ v4.2,gps/A-GPS, માઇક્રો USB 2.0, 3.5mmનું હેડફોન જેક અને 2600mAhની બેટરી છે. કોરિયામાં આ ફોનની કિંમત 199,100KRW છે એટલે કે આ સ્માર્ટફોનની કિંમત આશરે 12,200 રૂપિયા છે.

You might also like