હવે સલમાન ખાનનાં ઘરે વાગશે શરણાઇ, આ છોકરી બનશે દુલ્હન

પ્રિયંકા ચોપડા-નિક જોનસ અને દિપીકા-રણવીરનાં લગ્નનાં સમાચારો વચ્ચે હવે વધુ એક સેલિબ્રિટી લગ્નનાં બંધનમાં બંધાવા જઇ રહ્યાં હોવાનાં સમાચાર સામે આવ્યાં છે. મીડિયા રિપોર્ટ્સ મુજબ, હવે સલમાન ખાનનાં ઘરમાંથી શરણાઇ વાગવા જઇ રહી છે.

પરંતુ જો આપ સલમાન ખાન વરરાજા બનશે તેવું વિચારી રહ્યાં છો તો તે આપની એક મોટી ભૂલ છે. હકીકતમાં સલમાનનાં ભાઇ અરબાઝ ખાન પોતાની ગર્લફ્રેન્ડ સાથે લગ્ન કરવાનાં સમાચાર સામે આવી રહ્યાં છે. અરબાઝ છેલ્લાં કેટલાંક મહીનાઓથી મૉડલ જોર્જિયા એન્ડ્રીયાનીને ડેટ કરી રહેલ છે.

બંનેને અવારનવાર પબ્લિક પ્લેસ પર સ્પોટ કરવામાં આવે છે. અરબાઝે 2 વર્ષ પહેલાં જ મલાઇકા અરોરાને તલાક લઇને પોતાનો જૂનો 18 વર્ષનો સંબંધ તોડી નાખ્યો હતો. લગ્નનાં સમાચારો પર હાલમાં અરબાઝ અથવા તો તેઓનાં પરિવાર તરફથી કોઇ જ પ્રતિક્રિયા આપવામાં આવી નથી રહી.

છેલ્લાં દિવસોમાં અરબાઝે પોતાનો 51મો બર્થ ડે પણ જોર્જિયા સાથે ઉજવ્યો હતો. જોર્જિયાએ અરબાઝ સાથે સોશિયલ મીડિયા પર કેટલીક તસ્વીરો પણ શેર કરી હતી. તમને જણાવી દઇએ કે તલાક આપવાનું કારણ અરબાઝની નાકામયાબીને માનવામાં આવી રહેલ છે.

અરબાઝ એક્ટર તરીકે કંઇ ખાસ કમાલ નથી દેખાડી શક્યો. બાદમાં તેઓએ ફિલ્મ “દબંગ”ને પ્રોડ્યુસ કરી. કેટલાંક સમય પહેલાં તેઓનું નામ IPLમાં સટ્ટાબાજ કરવાને લઇને પણ સામે આવી ચૂકેલ છે. અરબાઝ અને મલાઇકાનો પુત્ર અરહાન પણ છે કે જે પોતાની માંની સાથે રહે છે.

You might also like