ટ્વિટર પર સચિને બ્રિટિશ એરવેઝ પર કાઢી ભડાશ

નવી દિલ્હી: ટીમ ઇન્ડિયાના પૂર્વ ક્રિકેટર સચિન તેંડુલકર બ્રિટિશ એરવેઝથી નારાજ છે. સચિને બ્રિટિશ એરવેઝ વિરુદ્ધ ટ્વિટ કરીને પોતાની નારાજગી વ્યક્ત કરી છે. ટ્વિટર પર તેમણે બ્રિટિશ એરવેઝની સેવાઓને લઇને નિંદા કરી છે. બ્રિટિશ એરવેઝે આ મામલે સચિનની માફી પણ માગી છે.
સચિને ટ્વિટર પર લખ્યું છે કે, બ્રિટિશ એરવેઝે ગેરવર્તણુંક તેમજ ખુબ જ લાપરવાહીભરી વર્તણુંક કરી છે. એરવેઝે તેમના સામાન પર ટેગ લગાવીને તેને ક્યાંક બીજે મોકલી દીધો હતો. રિપોર્ટને અનુસાર સચિન પોતાની ફેમિલી સાથે ઇંગ્લેન્ડ જવા ઇચ્છતો હતો પરંતુ તેમની ટિકીટ કન્ફર્મ થઇ શકી નહોતી. ત્યારે સચિને આરોપ લગાવ્યો છે કે, ફ્લાઇટમાં સીટ ખાલી હોવા છતાં પણ તેમના પરિવારને સીટ આપવામાં આવી નહોતી.

આ મામલે બ્રિટિશ એરવેઝ તરફથી મળેલા જવાબમાં સચિને પોતાની પ્રતિક્રિયા વ્યક્ત કરી હતી. જેમાં તેણે લખ્યું હતું કે, આટલું બધું થવા છતાં બ્રિટિશ એરવેઝને કોઇ ફરક નથી પડતો.

You might also like