Categories: Entertainment

Film Review: ‘સચીનઃ અ બિલિયન ડ્રીમ્સ’

બ્રિટિશ નિર્દેશક જેમ્સ એરસ્કિને આ ફિલ્મ પહેલાં પણ રમતગમત અને રમતવીરો પર ઘણી બધી ફિલ્મો બનાવી છે. આમ પણ આજકાલ બાયોપિક ફિલ્મો બનાવવાનું ચલણ છે, પરંતુ ક્રિકેટ સમ્રાટ સચીન તેંડુલકરના જીવન પર બનેલી આ એક ડોક્યુ-ડ્રામા ફિલ્મ છે. હિંદી, તામિલ, તેલુગુ અને મરાઠી ભાષામાં બનેલી આ ફિલ્મ એક બાળકના ક્રિકેટ સુપરસ્ટાર બનવાની કહાણી છે. ફિલ્મ સખત મહેનત અને એક વ્યક્તિના દૃઢ સંકલ્પને સલામ કરે છે, સાથેસાથે આજના યુવાનો માટે પ્રેરણાદાયક પણ છે. આ એક વાસ્તવિક નાયકની રિયલ કહાણી છે. ફિલ્મમાં સચીનના ક્રિકેટ જીવનની સાથે-સાથે તેના રોમાન્સ, તેની પત્ની અને બાળકોને પણ દર્શાવાયાં છે.

‘સચીનઃ અ બિલિયન ડ્રીમ્સ’ એક બેચેન ૧૦ વર્ષીય બાળકની કહાણી દર્શાવે છે, જેણે ભારત માટે પહેલી વાર વર્લ્ડકપ જીતનાર કેપ્ટન કપિલદેવને ટીવી પર જોયો અને વિચાર્યું કે તે પણ એક દિવસ ભારત માટે ક્રિકેટ રમતાં હાથમાં ટ્રોફી પકડશે અને તેણે ક્રિકેટમાં તે કારનામું કરી બતાવ્યું. ધીમે ધીમે લોકો તેને ક્રિકેટના ભગવાન કહેવા લાગ્યા. સચીન એક મહાન નાયક છે, જેણે એક યુગ બનાવ્યો, જેના પર ભારતીયોને ગર્વ છે. સચીનના સમર્પણ અને તેના જીવનના એ પહેલુઓનો ખુલાસો કરાયો છે, જે લોકોએ પહેલાં ક્યારેય સાંભળ્યું કે જોયું નથી. સચીન ક્રિકેટ ક્યાં શીખ્યો, કોણ તેના ગુરુ હતા, આ બધું તેના પ્રશંસકો જાણે છે, પરંતુ સચીન એન્થમની સાથે દર્શકોને એ બધું જોવા મળશે કે જે તેમણે પહેલાં ક્યારેય જોયું નથી.

ફિલ્મ અંગે સચીને જણાવ્યું હતું કે આ ફિલ્મમાં લોકોને તેની લાઇફની એ વાતો જોવા મળશે, જે ક્યારેય તેણે કહી નથી. અમે ફિલ્મમાં કંઇક એવું દર્શાવવાની કોશિશ કરી છે, જેની જાણ આજ સુધી કોઇને થઇ નથી. ફિલ્મમાં સચીનની માતા, તેનું બાળપણ એ બધું દર્શાવાયું છે. અમારા કેટલાક ખાસ પર્સનલ વીડિયો પણ ફિલ્મમાં દર્શાવાયા છે, જે અત્યાર સુધી માત્ર ઘરની ચાર દીવાલોમાં કેદ હતા. •
http://sambhaavnews.com/

divyesh

Recent Posts

સુપ્રીમ કોર્ટમાં ચકચાર રાફેલ ડીલ કેસની સુનાવણી શરૂ

નવી દિલ્હીઃ સુપ્રીમ કોર્ટમાં રાફેલ ડીલ કેસમાં દાખલ થયેલ ચાર જનહિતની અરજી પર આજથી સુનાવણી શરૂ થઇ ગઇ છે. સુપ્રીમ…

3 mins ago

ભારતમાં નવી આર્થિક ક્રાન્તિ સાથે પોસ્ટઓફિસ પણ બની બેંકઃ PM મોદી

સિંગાપોરઃ વડા પ્રધાન નરેન્દ્ર મોદી બે દિવસનાં પ્રવાસે સિંગાપોર પહોંચી ગયાં છે. આ દરમિયાન તેઓ પૂર્વ એશિયા સંમેલન, આસિયાન-ભારત અનૌપચારિક…

13 mins ago

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

17 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

17 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

17 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

17 hours ago