Categories: Gujarat

રિવરફ્રન્ટનાં ત્રણ શૌચાલય મહિનાઓથી પાણીની લાઇનના અભાવે બંધ!

અમદાવાદ: મ્યુનિ. કોર્પોરેશન દ્વારા કરોડો રૂપિયાના ખર્ચે સાબરમતી રિવરફ્રન્ટ પ્રોજેકટને તૈયાર કરાયો છે, પરંતુ રિવરફ્રન્ટમાં સત્તાવાળાઓએ પાણીની લાઇનનું નેટવર્ક જ બિછાવ્યું નથી. પરિણામે રિવરફ્રન્ટનાં ત્રણ શૌચાલય મહિનાઓથી બંધ હાલતમાં મુલાકાતીઓની મશ્કરી કરી રહ્યા છે.

સાબરમતી રિવરફ્રન્ટ પર રેલવે બ્રિજથી વાસણા બેરેજ સુધીના ૧૧.પ કિ.મી. લંબાઇના બંને કાંઠાને વિકસિત કરવા માટે અનેક આયોજન હાથ ધરાયા છે. બંને કાંઠે વોક વે, બગીચા, રોડ વગેરે તૈયાર કરાયા છે. તંત્ર દ્વારા મુલાકાતીઓની સુવિધા માટે બંને કાંઠા પર કુલ ૧૩ શૌચાલય પણ બનાવાયાં છે, પરંતુ આ પૈકીના પૂર્વ કાંઠાના બે અને પશ્ચિમ કાંઠાનું એક શૌચાલયના દરવાજા પર મહિનાઓથી પાણીની લાઇનના અભાવે તાળાં લટકી રહ્યાં છે. પૂર્વ કાંઠા પરના નારણ ઘાટ અને આંબેેડકર બ્રિજના પશ્ચિમના વાસણા છેડાનું અને પૂર્વના ખોડિયારનગર છેડાનું શૌચાલય મુલાકાતીઓને ઉપયોગી થતું નથી. આ માટે સાબરમતી રિવરફ્રન્ટમાં પાણીની લાઇનના નેટવર્કનો અભાવ હોવાનું પણ એક મુખ્ય કારણ છે.

તંત્રના ઇજનેર વિભાગનાં સૂત્રો કહે છે કે રિવરફ્રન્ટમાં પાણીની લાઇનનું નેટવર્ક ન હોઇ ઇજનેર વિભાગને કાંઠા નજીકના રહેણાક વિસ્તારથી છેક શૌચાલય સુધીની પાણીની નવી લાઇન નાખવી પડે તેમ છે. નારણઘાટના શૌચાલયમાં પાણી પૂરું પાડવા પાસેના શિલાલેખ એપાર્ટમેન્ટ વિસ્તારમાંથી નવી પાણીની પાઇપલાઇન બિછાવાશે. આ માટેના ટેન્ડરને મંજૂરી અપાઇ ચૂકી છે.

અત્રે ઉલ્લેખનીય છે કે સત્તાવાળાઓ દ્વારા તમામ શૌચાલયને ખાનગી એજન્સીને ચલાવવા અપાયાં છે. જે માટે તંત્ર દર મહિને રૂ.૧૭,૦૦૦નું ભાડું ચૂકવે છે. જોકે ટૂંક સમયમાં સત્તાવાળાઓ રિવરફ્રન્ટના ‘મફત’ શૌચાલયમાં પે એન્ડ યુઝનો પાઇલટ પ્રોજેકટ દાખલ કરશે. જેમાં સફળતા મળ્યા બાદ તમામ શૌચાલય પે એન્ડ યુઝ બનશે.

divyesh

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

5 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

5 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

6 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

6 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

6 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

7 hours ago