હિંદુ સમુદાયને માનવ કલ્યાણ માટે સંગઠિત થવા ભાગવતની હાકલ

શિકાગો: અમેરિકાના શિકાગોમાં આયોજિત વિશ્વ હિંદુ સંમેલનને સંબોધન કરતાં આરએસએસના વડા મોહન ભાગવતે હિંદુ સમુદાયને સંગઠિત થવાની હાકલ કરીને માનવ કલ્યાણના કાર્યો કરવા અપીલ કરી છે.

ધર્મ સંસદમાં સ્વામી વિવેકાનંદના ઐતિહાસિક ભાષણની ૧રપમી વર્ષગાંઠ પ્રસંગે આયોજિત વિશ્વ હિંદુ સંમેલનમાં રપ૦૦ જેટલા લોકોને સંબોધન કરતાં મોહન ભાગવતે જણાવ્યું હતું કે હિંદુ સમાજમાં પ્રતિભાશાળી લોકોની સંખ્યા સૌથી વધુ છે, પરંતુ તેઓ કયારેય સંગઠિત નજરે પડતા નથી.

ભાગવતે સ્પષ્ટપણે જણાવ્યું હતું કે હિંદુઓનું ભેગા થવાનું કાર્ય મુશ્કેલ છે. તેમણે જણાવ્યું હતું ‌કે હિંદુઓ પર હજારો વર્ષથી ત્રાસ અનેે જુલમ ગુજારવામાં આવી રહ્યો છે. કારણ કે તેઓ પોતાના મૂળ સિદ્ધાંતોનું પાલન કરવાનું તેમજ આધ્યાત્મિકતાને ભૂલી ગયા છે.

આરએસએસના પ્રમુખ મોહન ભાગવતે વધુુમાં જણાવ્યું હતું કે સિંહ એકલો હોય તો તેને જંગલી કૂતરાં સાથે મળીને ફાડી શકે છે. એટલા માટે હિંદુઓનું સંગઠિત થવું જરૂરી છે. હિંદુઓ કોઇનો વિરોધ કરવા માટે જીવતા નથી, પરંતુ કેટલાક લોકો એવા પણ છે જેઓ હિંદુઓનો વિરોધ કરે છે અને આવા લોકો હિંદુઓને નુકસાન ન પહોંચાડે તે માટે હિંદુઓએ સ્વયંને તૈયાર કરવા પડશે.

તેમણે જણાવ્યું હતું કે આપણાં મૂલ્યો જ આજની તારીખમાં જાહેર મૂલ્યો બની ગયાં છે જેને આપણે હિંદુ મૂલ્યો તરીકે ઓળખીએ છીએ. આ પ્રકારની પરિસ્થિતિમાં આપણે આધ્યાત્મિક ગુરુઓની જેમ છીએ. તેમણે જણાવ્યું હતું કે પૈસા જ બધું નથી આપણી પાસે જ્ઞાન અને બુદ્ધિ પણ છે.

આપણે આપણા સંસ્કારો ભૂલવા જોઇએ નહીં. આ કાર્યક્રમમાં મોદી સરકારમાં નીતિ આયોગના પૂર્વ વાઇસ ચેરમેન અરવિંદ પનગઢિયા પણ હાજર રહ્યા હતા.

divyesh

Recent Posts

ગોવા સરકારનું નેતૃત્વ મનોહર પર્રિકર જ કરશેઃ અમિત શાહ

ન્યૂ દિલ્હીઃ તમામ વિવાદો પર વિરામ લગાવતા ભાજપનાં રાષ્ટ્રીય અધ્યક્ષ અમિત શાહે આખરે સ્પષ્ટ કરી દીધું છે કે, મનોહર પર્રિકર…

6 hours ago

મોઢેરા સૂર્યમંદિરમાં પ્રવેશ ફીનો ચાર્જ વધારતા પર્યટકોમાં રોષ

મહેસાણા: મોઢેરાનું ઐતિહાસિક સૂર્યમંદિર એ એક ઐતિહાસિક વારસો ધરાવે છે તેમજ દરેક નાગરિક આ વારસાથી પરિચિત છે. તેને જોવા માટે…

6 hours ago

આતંકવાદ અને વાતચીત એક સાથે ક્યારેય શક્ય ના બનેઃ બિપીન રાવત

ન્યૂ દિલ્હીઃ ભારતનાં આર્મી ચીફ જનરલ બિપીન રાવતે પાકિસ્તાનને સણસણતો જવાબ આપ્યો છે. આર્મી ચીફ બિપીન રાવતે નિવેદન આપતાં કહ્યું…

7 hours ago

ગણેશ વિસર્જન યાત્રાનાં નામે સુરતમાં PAAS અને SPGનું શક્તિપ્રદર્શન

સુરતઃ ગણેશ વિસર્જનની આડમાં SPG અને PAASએ સુરતમાં શક્તિ પ્રદર્શન કર્યું છે. અલ્પેશ કથીરિયાની જેલ મુક્તિની મુખ્ય માંગ સાથે હજારો…

9 hours ago

વિઘ્નહર્તાની અશ્રુભીની વિદાય, વિસર્જનને લઇ બનાવાયાં ભવ્ય કૃત્રિમ તળાવો

વડોદરાઃ આજે ઠેર-ઠેર ભગવાન ગણેશજીનું વિસર્જન થશે અને બાપ્પાને આવતા વર્ષે જલ્દી આવવા માટેની ભક્તો દ્વારા વિનંતી પણ કરાશે. ત્યારે…

10 hours ago

વિશ્વની સૌથી મોટી હેલ્થ સ્કીમ લોન્ચ, મોદીએ કહ્યું,”હવે ગરીબ પણ કરાવી શકશે મોંઘી સારવાર”

ઝારખંડઃ પ્રધાનમંત્રી નરેન્દ્ર મોદીએ ઝારખંડની રાજધાની રાંચીથી કેન્દ્ર સરકારની મહત્વાકાંક્ષી આયુષ્માન ભારત-રાષ્ટ્રીય સ્વાસ્થ્ય સુરક્ષા મિશનનું શુભારંભ કરાવાયું. આ યોજના અંતર્ગત…

10 hours ago