OMG! જાપાનની સ્કૂલોમાં અંગ્રેજી શીખવશે રોબોટ…

ટોકિયો: જાપાનની સ્કૂલમાં અંગ્રેજી શીખવવા માટે રોબોટ તહેનાત કરવાની તૈયારીઓ ચાલી રહી છે. આ રોબોટ બાળકોને અંગ્રેજીમાં વાત કરવાનું શીખવશેે. ચીનમાં વિશ્વ રોબોટ સંમેલનમાં રોબોટ ડોકટર, શિક્ષક અને સૈનિકોનું પ્રદર્શન કરવામાં આવ્યું.

ચીનના આ રોબોટસને ભવિષ્યનાં મશીન કહેવાય છે. જાપાનના એક ન્યૂઝપેપરના જણાવ્યા મુજબ શિક્ષણ મંત્રાલય એપ્રિલ-ર૦૧૯માં દેશની પ૦૦ સ્કૂલમાં પાઇલટ પ્રોજેકટ હેઠળ રોબોટ લગાવશે. બાળકોને અંગ્રેજી શીખવવા માટે એપ અને ઓનલાઇન કન્વર્સેશનનું સેશન પણ લગાવાશે. જાપાનની સ્કૂલો પર બાળકોને અંગ્રેેજી શીખવવાનું દબાણ છે, પરં્તુ દરેક સ્કૂલ વધતા ખર્ચને કારણે અંગ્રેજીનો શિક્ષક રાખી શકતી નથી.

આવા સંજોગોમાં સરકારનું માનવું છે કે આ કામ રોબોટ સાથે કરાવવાનું સસ્તું પડશે. જાપાનનાં બાળકો અંગ્રેજી લખવામાં કમજોર હોય છે. સરકારે આદેશ કર્યા છે કે બે વર્ષમાં બાળકોને અંગ્રેજી બોલવા અને લખવામાં માહિર બનાવાય.

ચીનમાં દરેક કામ કરે છે રોબોટ
ચીનમાં ફેકટરીથી લઇને રેસ્ટોરાં, બેન્ક અને પાર્સલ પહોંચાડવાનું કામ પણ રોબોટ કરી રહ્યા છે. એક એવો રોબોટ બનાવાયો છે જે ૧પ૦ બીમારીઓ વિશે જાણીને તેનો ઇલાજ કરી શકે છે. રોબોટે ચીનની નેશનલ મેડિકલ કવોલિફિકેશન એકઝામ પણ પાસ કરી લીધી છે.

રોબોટ ઓપરેશન દરમિયાન ડોકટરને મદદ કરે છે. તે દર્દીઓની બીમારીને લઇને સવાલ કરે છે અને એકસ રે રિપોર્ટનું પણ વિશ્લેષણ કરે છે. ચીનની હોસ્પિટલોમાં માર્ચ મહિનાથી રોબોટ લગાવાયા હતા જે અત્યાર સુધી ૪,૦૦૦ દર્દીઓનો ઇલાજ કરી ચૂકયા છે.

ચીનમાં રોબોટ રિવોલ્યુશન
ર૦૧૪માં ચીનના રાષ્ટ્રપતિ શી જિનપિંગે રોબોટ રિવોલ્યુશનની વાત કરી હતી. ત્યાર બાદ ચીન સરકારે મેઇડ ઇન ચાઇના ર૦રપનો નારો આપ્યો હતો. ર૦ર૦ સુધી ચીની કંપનીઓનો પ૦ ટકા ઇન્ડસ્ટ્રિયલ રોબોટ વેચવાનો પ્લાન છે. હાલમાં કંપનીઓમાં ર૭ ટકા રોબોટ છે. ર૦રપ સુધી આ સંખ્યા ૭૦ ટકા સુધી લઇ જવાની યોજના છે.

You might also like