Categories: Gujarat

માર્ગ અકસ્માતોની વણજારઃ ત્રણ યુવતી સહિત સાતનાં મોતઃ નવને ગંભીર ઈજા

અમદાવાદ: રાજ્યના જુદા જુદા હાઈવે પર માર્ગ અકસ્માતોના બનાવમાં ત્રણ યુવતી સહિત સાત વ્યક્તિનાં મોત થયાં હતાં જ્યારે નવ જણાને ગંભીર ઈજાઓ પહોંચતાં તમામને નજીકની હોસ્પિટલમાં સારવાર માટે ખસેડવામાં અાવ્યા હતા.

અા અંગેની વિગત એવી છે કે શહેરના વટવા વિસ્તારમાં રહેતા એક વણિક પરિવારના સભ્યો કોઈ કામ અર્થે વડોદરા ગયા હતા. અા પરિવારના સભ્યો વડોદરાથી અમદાવાદ કારમાં પર અાવી રહ્યા હતા ત્યારે એક્સપ્રેસ હાઈવે પર સામરખા ચોકડી નજીક સામેથી પુરઝડપે અાવી રહેલી ટ્રકે કારને અડફેટે લઈ ટક્કર મારતાં અા ગમખ્વાર અકસ્માત સર્જાયો હતો. જેમાં વૃંદાબહેન અને શીલાબહેન નામની બે મહિલાનાં ઘટનાસ્થળે જ મોત થયાં હતાં. જ્યારે ત્રણ વ્યક્તિને ગંભીર ઈજાઓ પહોંચી હતી. માળિયા-મિયાણાં રોડ પર રાયસંગ ગામના પાટિયા પાસે બે બાઈક સામસામે અથડાતાં થયેલા અકસ્માતમાં અાશિષ નારણભાઈ તેમજ અન્ય એક અજાણ્યા યુવાનનું ઘટનાસ્થળે મોત થયું હતું જ્યારે બે યુવાનોને ગંભીર ઈજાઓ થઈ હતી.

રાજકોટ-અમદાવાદ હાઈવે પર લીંબડી નજીક નાળા પાસે કાર પલટી ખાઈ જતાં કારચાલક ઉદ્યોગપતિ રમેશભાઈ પટેલના પત્ની મંજુલાબહેનનું મોત થયું હતું. જ્યારે બે વ્યક્તિને ગંભીર ઈજાઓ થઈ હતી. અા પરિવાર શ્રીનાથજીના દર્શન કરી પરત ફરી રહ્યો હતો ત્યારે અા ઘટના બની હતી.

હળવદ રોડ પર અમદાવાદ તરફથી જઈ રહેલ કારની અડફેટે અાવી જતાં ધીરુભાઈ ચગુભાઈ નામના અાધેડનું મોત થયું હતું. અકસ્માત બાદ કાર પલટી ખાઈ જતાં ત્રણ વ્યક્તિને ગંભીર ઈજાઓ પહોંચી હતી. જ્યારે જામનગર-જામકંડોરણા રોડ પર મોરપર ગામના પાટિયા પાસે કારની ટક્કર વાગતાં મૂકેશ નટુભાઈ રૂપાપરા નામના યુવાનનું મોત થયું હતું જ્યારે તેના પુત્રને ગંભીર ઈજા થઈ હતી.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

21 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

21 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

21 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

21 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

21 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

21 hours ago