Categories: Gujarat

માર્ગ અકસ્માતમાં તબીબ સહિત નવનાં મોત

અમદાવાદ: રાજ્યના જુદા જુદા હાઈવે પર બનેલા માર્ગ અકસ્માતના બનાવોમાં એક તબીબ સહિત નવ વ્યક્તિનાં મોત નીપજ્યા હોવાનું અને અાઠ જેટલી વ્યક્તિઓને ઈજા પહોંચી હોવાનું જાણવા મળે છે. અા અંગેની વિગત એવી છે કે કોડિનાર નજીક અાવેલા વેલણ ગામે પ્રાથમિક અારોગ્ય કેન્દ્રમાં ફરજ બજાવતા ડો. રાજેન્દ્ર બારડ રાત્રીના સમયે બાઈક પર ઘર તરફ જઈ રહ્યા હતા ત્યારે રોણાજ રોડ પર લાલપીરની દરગાહ પાસે કોઈ પશુ રોડ પર અાવી જતાં બાઈક તેની સાથે અથડાવાથી સર્જાયેલા અકસ્માતમાં ડો. બારડનું ગંભીર ઈજાઓ થવાના કારણે મોત થયું હતું.

જ્યારે સમીના ગોચનાદ ગામ નજીકથી પસાર થઈ રહેલ કારની અડફેટે અાવી જતાં બાઈકસવાર અાનંદ ચૌધરીનું મોત થયું હતું જ્યારે વિજય નામની વ્યક્તિને ઈજાઓ પહોંચી હતી. અાજ વિસ્તારમાં કણીજ પેટ્રોલપંપ પાસે એક ટ્રકની અડફેટે અાવી જતાં બાબુજી ગાંડાજી ઠાકોરનું મોત થયું હતું જ્યારે ત્રણ વ્યક્તિઓને ઈજાઓ પહોંચી હતી.
અંજાર-ભૂજ રોડ પર મોડી રાતે ટ્રક અને ટ્રેલર જોરદાર ધડાકા સાથે સામસામે અથડાતાં સર્જાયેલા ગમખ્વાર અકસ્માતમાં ત્રણ વ્યક્તિના ગંભીર ઈજાઓ થવાના કારણે ઘટનાસ્થળે જ કમકમાટીભર્યાં મોત થયાં હતાં.

અંજારથી ત્રણ કિલોમીટર દૂર ભૂજ જતાં હાઈવે પર એન.કે. ફાર્મ નજીક ટ્રેલર અને ટ્રક વચ્ચે અા અકસ્માત સર્જાયો હતો. અા અકસ્માત થતા બંને ટ્રક ૩૦-૩૦ ફૂટ સુધી દૂર ફંગોળાઈ ગઈ હતી. અકસ્માતમાં બંને ટ્રકના ડ્રાઈવરના અને એક ક્લીનરનું ગંભીર ઈજા થવાથી ઘટનાસ્થળે મોત થયું હતું. અા ઘટનાને પગલે સિમેન્ટની બોરીઓ અને કોલસી રોડ પર વિખેરાઈ પડતાં બંને તરફનો ટ્રાફિક જામ થઈ ગયો હતો અને વાહનોની લાંબી કતારો લાગતા અનેક વાહનચાલકો અટવાઈ પડ્યા હતા. પોલીસે અા અંગે ગુનો દાખલ કર્યો છે.

અા ઉપરાંત જામનગર-દ્વારકા રોડ પરથી કોઠા-વિસોતરી ગામના બે પિતરાઈ ભાઈઓ અરવિંદભાઈ ગોવાભાઈ ગોજિયા અને પ્રવીણભાઈ દેવાભાઈ ગોજિયા બાઈક પર પસાર થઈ રહ્યા હતા ત્યારે સામેથી પુરઝડપે અાવી રહેલા ટ્રકે પાયલ હોટલ નજીક બાઈકને અડફેટે લઈ જોરદાર ટક્કર મારતા સર્જાયેલા અકસ્માતમાં અરવિંદનું ગંભીર ઈજા થવાથી ઘટનાસ્થળે મોત થયું હતું જ્યારે પ્રવીણનું ખંભાળિયાની હોસ્પિટલમાં સારવાર દરમિયાન મોત થયું હતું. પોલીસે ટ્રકચાલક વિરુદ્ધ ગુનો દાખલ કરી અાગળની તપાસ હાથ ધરી છે. અા ઘટનાને પગલે લોકોના ટોળેટોળા એકત્ર થયા હતા અને રોડ પરનો ટ્રાફિક કલાકો સુધી જામ થઈ ગયો હતો.

http://sambhaavnews.com/

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

20 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

20 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

20 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

20 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

20 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

20 hours ago