Categories: Gujarat

વિધાનસભાની ચૂંટણીના રિટર્નિંગ અોફિસરોઅે પરીક્ષા અાપવી પડશે

અમદાવાદ: રાજ્યમાં વિધાનસભાની ચૂંટણીનાં પડઘમ વાગી રહ્યાં છે ત્યારે ચૂંટણી પંચ દ્વારા ચૂંટણીની તૈયારીઓ પૂરજોશમાં ચાલી રહી છે. અમદાવાદ શહેર સહિત અમદાવાદ જિલ્લાની કુલ ર૧ વિધાનસભા સીટ પર નિયુકત રિટર્નિંગ ઓફિસર તેમજ આસિસ્ટન્ટ રિટર્નિંગ ઓફિસર માટે ચૂંટણીલક્ષી ચાર દિવસીય તાલીમ ફરજિયાત બનાવાઇ છે.

જોકે ચૂંટણીલક્ષી તાલીમ રાજ્યભરના ચૂંટણી અધિકારીઓ માટે તબક્કાવાર યોજાઇ છે, પરંતુ આ વખતની ચૂંટણીમાં તાલીમ બાદ ચૂંટણી અધિકારીઓની પરીક્ષા પણ લેવાનાર છે અને આ પરીક્ષામાં પાસ થવાનું ફરજિયાત છે. ચૂંટણી પંચ દરેક ચૂંટણી સમયે અધિકારીઓ અને કર્મચારીઓને તાલીમ આપે છે. જે આ વખતે પણ થઇ રહ્યું છે, પરંતુ તાલીમ પછી તરત જ યોજાનારી મૌખિક પરીક્ષા માટે આ અધિકારીઓ અને કર્મચારીઓએ પાસ થવું ફરજિયાત છે.

જો તેઓ નાપાસ થશે તો તેમણે ફરી તાલીમ પણ લેવી પડશે અને ફરીથી પરીક્ષા આપીને પાસ પણ થવું પડશે. ચૂંટણીલક્ષી તાલીમ પૂરી થયા બાદ લેવાનારી મૌખિક પરીક્ષા માટે ચૂંટણી પંચ દ્વાર જ્યૂરી ટીમ બનાવવામાં આવી છે. આ જ્યૂરી ટીમમાં અન્ય રાજ્યના અધિકારીઓને બોલાવવામાં આવે છે. તેમના દ્વારા ૧૦૦થી વધુ રિટર્નિંગ ઓફિસર અને રપ૦થી વધુ આસિસ્ટન્ટ અધિકારીઓની મૌખિક પરીક્ષા લેવાશે.

આ અંગે રાજ્યભરના રિટર્નિંગ ઓફિસર અને આસિસ્ટન્ટ રિટર્નિંગ ઓફિસરની ટ્રેનિંગની જવાબદારી સંભાળી રહેલા રાજ્યના ચીફ ઇલેકટ્રોરલ ઓફિસર લલિત પાડલિયાએ જણાવ્યું હતું કે રાજ્યમાં ચૂંટણીના ઇતિહાસમાં પહેલીવાર ચૂંટણી પંચ દ્વારા અધિકારીઓની તાલીમ બાદ મૌખિક પરીક્ષાનો નિર્ણય લેવાયો છે.

વર્ગ-૧ અને વર્ગ-રના અધિકારીઓને આ પદની જવાબદારી સોંપવામાં આવે છે. મોટા ભાગના અધિકારીઓને ચૂંટણીલક્ષી કામગીરીનો અનુભવહોય છે તેથી ફેઇલ થવાનો રેશિયો ઓછો રહે છે. છતાં પણ કોઇ અધિકારી નાપાસ થશે તો તેમને ફરી તાલીમ લેવી પડશે અને ત્યાર બાદ ફરી પરીક્ષા આપવી પડશે દિવાળીની રજા પહેલાં અધિકારીઓની તાલીમની કામગીરી પૂરી કરી દેવામાં આવશે.

divyesh

Recent Posts

સુરતઃ ગણેશ વિસર્જન દરમ્યાન ચાલુ બોટે મૂર્તિએ ખાધી પલ્ટી, બોટસવારો કુદ્યાં નદીમાં

સુરતઃ શહેરમાં ગણેશ વિસર્જન દરમ્યાન બોટમાં રાખેલી ગણપતિની એક વિશાળ મૂર્તિ અચાનક ઢળી પડી હતી. મગદલ્લા ઓવારા પર વિસર્જન દરમ્યાન…

4 hours ago

IT રિટર્ન ભરવાની તારીખમાં કરાયો વધારો, 15 ઓક્ટોમ્બર સુધી ભરી શકાશે

સરકારે સોમવારનાં રોજ નાણાંકીય વર્ષ 2017-18ને માટે આયકર રિટર્ન અને ઓડિટ રિપોર્ટ દાખલ કરવાની તારીખ 15 દિવસ વધારીને 15 ઓક્ટોમ્બર…

4 hours ago

ખેડૂતો આનંદો…, ગુજરાતની જીવાદોરી સમાન નર્મદા ડેમની પાણીની સપાટીમાં વધારો

નર્મદા: મધ્યપ્રદેશનાં ઉપરવાસમાંથી પાણીની આવક વધતા સરદાર સરોવર નર્મદા ડેમની સપાટીમાં એકાએક વધારો થયો છે. ઉપરવાસમાંથી 33249 ક્યુસેક પાણીની આવક…

5 hours ago

ઇન્દ્રનીલ રાજ્યગુરૂનું નિવેદન,”મને ભાજપમાં જોડાવાની મળી છે ઓફર”, પક્ષે વાતને નકારી

રાજકોટઃ કોંગ્રેસ નેતા ઈન્દ્રનિલ રાજ્યગુરુનું ખૂબ મોટું નિવેદન સામે આવ્યું છે. ઈન્દ્રનિલ રાજ્યગુરુને ભાજપ તરફથી ઓફર મળી હોવાનું જણાવ્યું હતું.…

7 hours ago

ભાજપમાં જોડાવા મામલે અલ્પેશ ઠાકોરનો ખુલાસો,”હું કોંગ્રેસ સાથે જોડાયેલો છું અને રહીશ”

અલ્પેશ ઠાકોરનાં ભાજપમાં જોડાવા મામલે ખુલાસા કરવા મામલે કોંગ્રેસ નેતાઓએ સંયુક્ત પ્રેસ યોજી. અમિત ચાવડા, પરેશ ધાનાણી અને અલ્પેશ ઠાકોરે…

9 hours ago

હાર્દિક ફરી આંદોલનનાં મૂડમાં, ગાંધી જયંતિથી સમગ્ર ગુજરાતમાં કરશે પ્રતિક ઉપવાસ

અમદાવાદઃ પાટીદાર અનામત આંદોલન સમિતિ દ્વારા છેલ્લાં કેટલાંય સમયથી અનામતની માંગને લઈને આંદોલન કરવામાં આવી રહ્યું છે. ત્યારે હજી પણ…

9 hours ago