Categories: Gujarat

જનપ્રતિનિધિઓ પ્રજાનો અવાજ બનેઃ ભરતસિંહ

ગાંધીનગર: રાજ્યની જિલ્લા પંચાયતમાં ચૂંટાયેલા જનપ્રતિનિધિઓને પ્રજાનો અવાજ બનવાની તેમજ જિલ્લા દીઠ મોનિટરિંગ સમિતિની રચના કરાશે તેમજ જનપ્રતિનિધિઓને તાલીમ પણ અપાશે તેમ પ્રદેશ કોંગ્રેસ પ્રમુખ ભરતસિંહ સોલંકીએ પ્રદેશ કક્ષાના હોદ્દેદારો અને જિલ્લા પ્રમુખોની બેઠકને સંબોધતાં જણાવ્યું હતું.

રાજ્યની સ્થાનિક સ્વરાજ્યની ચૂંટણીમાં ર૪ જિલ્લા પંચાયત અને ૧૩૪ તાલુકા પંચાયતમાં કોંગ્રેસનો ભવ્ય વિજય થયા બાદ આજે અમદાવાદ ખાતે પ્રદેશ કાર્યાલય ખાતે પ્રદેશ પદાધિકારીઓ, જિલ્લા પ્રમુખો અને નિરીક્ષકોની એક મહત્ત્વપૂર્ણ બેઠક પ્રદેશ પ્રમુખ ભરતસિંહ સોલંકીના અધ્યક્ષસ્થાને અને વિધાનસભા વિરોધપક્ષના નેતા શંકરસિંહ વાઘેલા, પૂર્વ પ્રમુખ અર્જુન મોઢવાડિયા અને સિદ્ધાર્થ પટેલની ઉપસ્થિતિમાં યોજાઈ હતી. બેઠકમાં ભરતસિંહ સોલંકીએ જિલ્લા અને તાલુકા પંચાયતમાં કોંગ્રેસને જીત અપાવવા બદલ જનતાનો આભાર વ્યક્ત કરીને ચૂંટાયેલા જનપ્રતિનિધિઓને પ્રજાનો અવાજ બનવાની સૂચના આપી હતી.

સોલંકીએ વધુમાં જણાવ્યું હતું કે દરેક જિલ્લામાં ચૂંટાયેલા જનપ્રતિનિધિઓ જનતાનું કાર્ય કરે છે કે નહીં તેનું ધ્યાન રાખવા માટે દરેક જિલ્લામાં પક્ષના આગેવાનોની મોનિટરિંગ કમિટીની રચના કરવામાં આવશે. વિધાનસભા વિરોધ પક્ષના નેતા શંકરસિંહ વાઘેલાએ જણાવ્યું હતું કે ચૂંટાયેલા જનપ્રતિનિધિઓએ ખેડૂતોની સુખાકારી તેમજ ગરીબો અને વંચિતોની યોજનાના અસરકારક અમલ કરવા માટે કામ કરવું પડશે.  આ પ્રસંગે પૂર્વ પ્રમુખ અર્જુન મોઢવાડિયા અને સિદ્ધાર્થ પટેલે વધુમાં વધુ લોકોને કોંગ્રેસ સંગઠનમાં જોડવામાર્ગદર્શન આપ્યું હતું.

divyesh

Recent Posts

માયાવતીએ કોંગ્રેસને આપ્યો ઝટકો, છત્તીસઢમાં જોગી સાથે કર્યું ગઠબંધન

છત્તીસગઢમાં છેલ્લા દોઢ દાયકાથી સત્તા પર રહેલી ભાજપ સરકાર રાજ્યમાં પોતાની સત્તા બચાવવા પ્રયત્ન કરી રહી છે ત્યારે કોંગ્રેસ સત્તામાં…

11 hours ago

PM મોદી મેટ્રોમાં પહોંચ્યા IICCની આધારશિલા રાખવા, લોકોએ હાથ મિલાવી લીધી સેલ્ફી

દિલ્હીના આઇઆઇસીસી સેન્ટર (ઇન્ટરનેશનલ કન્વેશન એન્ડ એકસ્પો સેન્ટર)ની આધારશિલા રાખવા માટે વડાપ્રધાન નરેન્દ્ર મોદીએ એકવાર ફરી મેટ્રોમાં સવારી કરી હતી.…

12 hours ago

સ્વદેશી બેલેસ્ટિક મિસાઇલનુ સફળ પરીક્ષણ, દરેક મૌસમમાં અસરકારક

સ્વદેશ વિકસિત અને જમીનથી જમીન પર થોડા અંતર પર માર કરનારી એક બેલિસ્ટિક મિસાઇલનું આજરોજ ભારે વરસાદ વચ્ચે ઓડિશાના તટીય…

13 hours ago

ઇજાગ્રસ્ત હાર્દિક પંડયા બહાર, ટીમ ઇન્ડિયામાં ત્રણ ફેરફાર, જાડેજાનો ટીમમાં સમાવેશ

હાલમાં ચાલી રહેલા એશિયા કપની ભારતીય ટીમમાં ત્રણ ફેરફાર કરવામાં આવ્યા છે. ઇજાગ્રસ્ત હાર્દિક પંડયા ટૂર્નામેન્ટમાંથી બહાર થઇ ગયો છે.…

14 hours ago

એમેઝોન અને સમારાએ રૂ. 4,200 કરોડમાં આદિત્ય બિરલાની રિટેઈલ ચેઈન ‘મોર’ ખરીદી

નવી દિલ્હી: ઇ-કોમર્સની દિગ્ગજ કંપની એમેઝોન અને પ્રાઇવેટ ઇક્વિટી કંપની સમારા કેપિટલે મળીને આદિત્ય બિરલા ગ્રૂપની રિટેલ ચેઇન મોર (More)…

14 hours ago