Tips: બનાવો સોફ્ટ અને સ્વાદિષ્ટ થેપલા

સામગ્રીઃ
14થી 15 થેપલા બનાવવા માટે

2 કપ ઘઉંનો લોટ

1 મોટી ચમચી તેલ
2 મોટી ચમચી દહીં
પા ચમચી હળદર
1 ચમચી મરચુ
સ્વાદાનુસાર નમક
અટામણ માટે ઘઉંનો લોટ
ચોડવવા માટે તેલ

લોટ બાંધવાની રીતઃ
ઘઉંના લોટ, તેલ, દહીંને મિક્સ કરી તેમાં બધો મસાલો કરીને સહેજ ઢીલો લોટ બાંધી લો. લોટ બંધાઈ જાય પછી તેના પર તેલ લગાવી બરાબર લોટ મસળો અને લોટને 10 મિનિટ સુધી રહેવા દો. મેથીના થેપલા બનાવવા માંગતા હોવ તો લોટમાં જ મેથી મિક્સ કરી દેવી.

વણવાની રીતઃ 
લોટના એક સરખા લૂઆ પાડી લો. ત્યાર પછી જ વણવાનું શરૂ કરો. આમ કરવાથી તમારા બધા થેપલાની સાઈઝ એકસરખી રહેશે. આ લૂઆને હળવે હાથે અટામણ લઈને પાતળા વણી લો.

નોનસ્ટિક પર જ શેકોઃ 
નોનસ્ટિક તવાને ગરમ કરીને તેલ મૂકી થેપલાને બંને બાજુથી તે સોનેરી બ્રાઉન રંગના ન થાય ત્યાં સુધી શેકી લો. બંને બાજુ એકસરખા પ્રમાણમાં તેલનો દોરો મૂકી થેપલા શેકવા. આ થેપલા ગરમાગરમ છૂંદા કે ગળ્યા અથાણા સાથે પીરસી શકો અથવા તો પછી ઠંડા પણ ખાઈ શકો

થેપલા એ ગુજરાતી ભોજનનું અભિન્ન અંગ છે. ટ્રાવેલિંગ કરવાનું હોય કે, પિકનિક, ગુજરાતીઓના મગજમાં પહેલું નામ થેપલાનું જ આવે! છુંદો, દહી કે અથાણા સાથે થેપલા ખૂબ જ સ્વાદિષ્ટ લાગે છે. વળી, થેપલા ગરમ ગરમ હોય તો પણ ખાવાની મજા આવે અને ઠંડા થઈ જાય પછી પણ તેનો સ્વાદ અનેકગણો વધી જાય. તમે તેમાં મેથી, દૂધી વગેરે પણ ઉમેરીને થેપલાની વિવિધ વેરાયટી બનાવી શકો છો. થેપલા ખાવાની મજા ત્યારે જ આવે જ્યારે તે સોફ્ટ અને ટેસ્ટી બન્યા હોય. આજે અમે તમારી સાથે તરલા દલાલની થેપલાની રેસિપી શેર કરવા જઈ રહ્યા છે. આ રીતે થેપલા બનાવશો તો એકદમ સ્મૂધ અને સ્વાદિષ્ટ બનશે.

You might also like