Categories: Business Trending

સરકારને રૂ. 50 હજાર કરોડનું ડિવિડન્ડ ચૂકવવા RBIનો નિર્ણય

મુંંબઇ: રિઝર્વ બેન્ક ઓફ ઇન્ડિયાએ જૂન મહિનામાં સમાપ્ત નાણાકીય વર્ષ દરમિયાન કેન્દ્ર સરકારને રૂ. ૫૦ હજાર કરોડનું ડિવિડન્ડ આપવાનો નિર્ણય કર્યો છે. બુધવારે યોજાયેલી આરબીઆઇની બોર્ડ મિટિંગમાં આ નિર્ણય લેવામાં આવ્યો છે.

આરબીઆઇ જુલાઇ-જૂન વચ્ચેના સમયગાળાને પોતાનું નાણાકીય વર્ષ ગણે છે. રિઝર્વ બેન્ક દ્વારા નિર્ધારિત કરવામાં આવેલ ડિવિડન્ડ ગત નાણાકીય વર્ષથી ઘણું વધુ છે. ગયા વર્ષે રિઝર્વ બેન્કે સરકારને રૂ. ૩૦,૬૫૯ કરોડનું ડિવિડન્ડ આપ્યું હતું.

રિઝર્વ બેન્ક ઓફ ઇન્ડિયાએ આ સંદર્ભે એક નિવેદન જારી કરીને જણાવ્યું હતું કે રિઝર્વ બેન્કના સેન્ટ્રલ બોર્ડ ઓફ ડાયેક્ટર્સે ૮ ઓગસ્ટ, ૨૦૧૮ના રોજ યોજાયેલી બેઠકમાં ૩૦ જૂન, ૨૦૧૮ના રોજ સમાપ્ત થયેલ નાણાકીય વર્ષ માટે ભારત સરકારને રૂ. ૫૦ હજાર કરોડની સરપ્લસ ટ્રાન્સફર કરવા મંજૂરી આપી છે.

આરબીઆઇએ આ અગાઉ ૩૦ જૂન, ૨૦૧૭ના રોજ સમાપ્ત થયેલા નાણાકીય વર્ષ માટે સરકારને રૂ. ૩૦,૬૫૯ કરોડનું ડિવિડન્ડ આપ્યું હતું, જે અગાઉના વર્ષ (રૂ. ૬૫,૮૭૬ કરોડ) ટ્રાન્સફર કરવામાં આવેલ સરપ્લસની તુલનાએ અડધાથી પણ ઓછું હતું. આ વર્ષે માર્ચમાં રિઝર્વ બેન્ક ઓફ ઇન્ડિયાએ વર્ષ ૨૦૧૭-૧૮ માટે રૂ. ૧૦ હજાર કરોડનું ઇન્ટરીમ ડિવિડન્ડ ચૂકવ્યું હતું.

જૂન-૨૦૧૭માં સમાપ્ત થયેલા નાણાકીય વર્ષ માટે સરપ્લસ પેમેન્ટમાં થયેલા ઘટાડાનું કારણ નોટબંધીને લઇને આરબીઆઇનો વધી ગયેલો ખર્ચ ગણાવવામાં આવે છે.

અત્રે ઉલ્લેખનીય છે કે સરકારે ૯ નવેમ્બર, ૨૦૧૬ના રોજ નોટબંધીની જાહેરાત કરીને રૂ. ૫૦૦ અને રૂ. ૧,૦૦૦ની ચલણી નોટો કાનૂની ચલણમાંથી પાછી ખેંચી લીધી હતી અને તેના પગલે રિઝર્વ બેન્કનો ખર્ચ વધતાં ગત સાલ તેના દ્વારા ઓછું ડિવિડન્ડ ચૂકવવામાં આવ્યું હતું.

divyesh

Recent Posts

શું પાર્ટનર સાથે પોર્ન ફિલ્મ નિહાળવી જોઇએ?, આ રહ્યું શંકાનું સમાધાન…

ઘણાં સમય પહેલાં સેક્સને લઇ એક સર્વે કરવામાં આવ્યો હતો. જેમાં આ સર્વે દ્વારા એવું જાણવાની કોશિશ કરવામાં આવી હતી…

4 hours ago

બુલેટ ટ્રેન મામલે વાઘાણીનું મહત્વનું નિવેદન,”કોંગ્રેસ માત્ર વાહિયાત વાતો કરે છે, એક પણ રૂપિયો અટકાયો નથી”

અમદાવાદઃ PM નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને જાપાનની એજન્સી દ્વારા એક મોટો ઝટકો આપવામાં આવ્યો છે. જેમાં આ પ્રોજેક્ટને…

6 hours ago

સુરતમાં દારૂબંધીને લઈ યોજાઇ વિશાળ રેલી, કડક અમલની કરાઇ માંગ

સુરતઃ શહેરમાં દારૂબંધીને લઈને વિશાળ રેલીનું આયોજન કરવામાં આવ્યું હતું. દારૂનાં કારણે મોતને ભેટેલાં લોકોનાં પરિવારજનો પણ ખૂબ મોટી સંખ્યામાં…

7 hours ago

રાષ્ટ્રપતિનાં હસ્તે વિરાટ કોહલી અને મીરા બાઈ ચાનૂને ખેલ રત્ન એવોર્ડ

જલંધરઃ ભારતીય ક્રિકેટ ટીમનાં કેપ્ટન વિરાટ કોહલીને રાષ્ટ્રપતિ ભવનમાં આયોજિત એક સમારોહ દરમ્યાન રમત સાથે જોડાયેલ વિશિષ્ટ સમ્માન ખેલ રત્ન…

8 hours ago

રાજકોટઃ લસણનાં ભાવમાં એકાએક ઘટાડો થતાં ખેડૂતોને રોવા દહાડો

રાજકોટઃ શહેરનાં માર્કેટિંગ યાર્ડમાં લસણનાં ભાવમાં એકાએક ઘટાડો થયો છે. હાલમાં એક મણ લસણનો ભાવ 20થી 150 સુધી નોંધાયો છે.…

9 hours ago

બુલેટ ટ્રેનઃ PM મોદીનાં ડ્રીમ પ્રોજેક્ટનું જાપાની એજન્સીએ અટકાવ્યું ફંડીંગ, લાગી બ્રેક

પ્રધાનમંત્રી નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને એક મોટો ઝટકો લાગ્યો છે. આ પ્રોજેક્ટને લઇ ફંડિંગ કરતી જાપાની કંપની જાપાન…

10 hours ago