Categories: India

જન ધન ખાતામાંથી હવે મહિનામાં માત્ર રૂ.૧૦,૦૦૦ ઉપાડી શકાશે

નવી દિલ્હી: રિઝર્વ બેન્ક ઓફ ઇન્ડિયા (આરબીઆઇ)એ જન ધન ખાતાઓમાંથી ઉપાડને લઇને એક મોટો નિર્ણય કર્યો છે. આરબીઆઇએ જન ધન ખાતાઓમાંથી એક મહિનામાં રૂ.૧૦,૦૦૦થી વધુ રકમ ઉપાડવા પર પ્રતિબંધ મૂકી દીધો છે. આરબીઆઇએ આ અંગે એક નવો પરિપત્ર જારી કરીને સ્પષ્ટ કર્યું છે કે જે ખાતાઓમાં કેવાયસી (નો યોર કસ્ટમર) દસ્તાવેજો જમા હોય એવા ખાતામાંથી જ એક મહિનામાં રૂ.૧૦,૦૦૦ સુધીની રકમ ઉપાડી શકાશે. જ્યારે જે ખાતાઓમાં કેવાયસી દસ્તાવેજો ઉપલબ્ધ ન હોય એવા ખાતાઓમાં મહિનામાં એક વખત જ માત્ર રૂ.પ,૦૦૦ ઉપાડી શકાશે.

આરબીઆઇએ પરિપત્રમાં જણાવ્યું છે કે કેવાયસી હેઠળ બેન્ક ખાતાધારકોએ પોતાનું ઓળખપત્ર, રહેણાકનો પુરાવો અને અદ્યતન ફોટો બેન્કમાં જમા કરાવવો પડશે. રિઝર્વ બેન્કે પરિપત્રમાં એવી પણ સ્પષ્ટતા કરી છે કે એક મહિનામાં જન ધન ખાતામાંથી રૂ.૧૦,૦૦૦ ઉપાડવા માટે ખાતાધારકોએ બેન્કોને યોગ્ય દસ્તાવેજો બતાવવા પડશે અને આ રકમ શા માટે જોઇએ છે તેનું કારણ પણ આપવું પડશે. બેન્ક મેનેજર ઇચ્છે તો ખાતાધારકની જરુરિયાતને ધ્યાનમાં રાખી આ મર્યાદા રૂ.૧૦૦૦૦ કરતાં વધારી પણ શકશે.

આરબીઆઇએ જણાવ્યું છે કે આ પગલું વડા પ્રધાન જન ધન યોજના હેઠળ બેન્ક ખાતા ખોલાવનારા ખેડૂતો અને ગ્રામીણ ખાતાધારકોને કાળું નાણું ધરાવતા લોકોની ચુંગાલમાં ફસાતા અટકાવવા માટે લેવાયું છે.  અત્રે ઉલ્લેખનીય છે કે ૮ નવેમ્બરે રૂ.પ૦૦, ૧૦૦૦ની જૂની ચલણી નોટો કાયમી ચલણમાંથી નાબૂદ કરાયા બાદ જન ધન બેન્ક ખાતાઓમાં અત્યાર સુધીમાં રૂ.૬૪રપર.૧પ કરોડ જમા થયા છે. આ યાદીમાં ઉત્તરપ્રદેશ સૌથી મોખરે છે. ઉત્તરપ્રદેશમાં અત્યાર સુધીમાં રૂ.૧૦૬૭૦.૬ર કરોડ જન ધન ખાતાઓમાં જમા થયા છે. ત્યારબાદ બીજો નંબર પશ્ચિમ બંગાળ અને ત્રીજો નંબર રાજસ્થાનનો આવે છે. આ માહિતી શુક્રવારે સંસદમાં આપવામાં આવી હતી.
http://sambhaavnews.com/

divyesh

Recent Posts

નિકોલની યુવતીને મોટી ઉંમરના પુરુષ સાથે પરણાવવા 1.10 લાખમાં સોદો કર્યો

અમદાવાદ: શહેરના નિકોલ વિસ્તારમાં રહેતી યુવતીને લગ્ન કરાવવાની ખાતરી આપીને મેરેજ બ્યૂરો ચલાવતી મહિલાઓ સહિતના લોકોએ તેને ૧.૧૦ લાખ રૂપિયામાં…

16 hours ago

વિનય શાહ, સુરેન્દ્ર રાજપૂત અને સ્વપ્નિલ રાજપૂતની થશે પૂછપરછ

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની પત્ની ભાર્ગવી શાહે આચરેલા…

16 hours ago

કર્ણમુક્તેશ્વર મહાદેવ અને કાલુપુર સ્વામિનારાયણ મંદિર સહિતનાં હિન્દુ સ્થાપત્ય હે‌િરટેજ લિસ્ટમાં જ નથી

અમદાવાદ: છેલ્લા કેટલાક સમયથી અમદાવાદનું નામ બદલીને કર્ણાવતી રાખવાના મામલે રાજ્ય સરકાર દ્વારા કરાયેલી જાહેરાતથી વિવાદ ઊઠ્યો છે. શહેરીજનોનો અમુક…

16 hours ago

તાજમહાલમાં નમાજ મુદ્દે વિવાદઃ હવે પૂજા-અર્ચના કરવાની બજરંગદળની જાહેરાત

આગ્રા: ભારતીય પુરાતત્ત્વ સર્વેક્ષણ દ્વારા આગ્રાના તાજમહાલમાં પ્રતિબંધ લગાવવા છતાં નમાજ અદા કરવાના મુદ્દે વિવાદ ઉગ્ર બન્યો છે. હવે આ…

16 hours ago

સબરીમાલા મંદિરમાં પ્રવેશ માટે કોચ્ચી પહોંચી તૃપ્તિ દેસાઈ: એરપોર્ટની અંદર જ પોલીસે રોકી

કોચ્ચી: કેરળના પ્રખ્યાત સબરીમાલા મંદિરમાં તમામ વયની મહિલાઓને પ્રવેશની મંજૂરી મળ્યા બાદ અત્યાર સુધીમાં એક પણ મહિલા મંદિરમાં પ્રવેશી શકી…

17 hours ago

તામિલનાડુમાં ‘ગાજા’નો કહેર: 11નાં મોતઃ 120 કિ.મી.ની ઝડપે પવન ફૂંકાવાથી મોટી તારાજી

ચેન્નઈ: ચક્રવાતી તોફાન ‘ગાજા’ મોડી રાત્રે પોણા બે વાગ્યે તામિલનાડુના કિનારે નાગાપટ્ટનમમાં ત્રાટક્યું હતું અને ભારે તારાજી અને તબાહી સર્જી…

17 hours ago