RBIએ જાળવી રાખ્યો 6% રેપો રેટ, વિકાસ દર 6.7% રહેશે તેવું અનુમાન

બુધવારે રિઝર્વ બેંક ઑફ ઇન્ડીયાની સેન્ટ્રલ મૉનેટરી કમિટીએ મૌદ્રિક નીતિની સમીક્ષા કરતા રેપો રેટમાં કોઇ પણ પ્રકારનો ફેરફાર નથી કરવામાં આવ્યો. જેથી લોકોને દિવાળી પર સસ્તી ઇએમઆઇની ગિફ્ટ નહીં મળે. આરબીઆઇનાં ગવર્નર ઉર્જિત પટેલની અધ્યક્ષતામાં બનેલ એમપીસીએ બુધવારે જાહેરાત કરતાં કહ્યું કે મોંઘવારીનો દર પોતાનાં ઉચ્ચ સ્તર પર છે. જેનાં લીધે રેપો રેટ અને રિવર્સ રેપો રેટમાં હાલ કોઇ જ ફેરફાર નથી કરવામાં આવ્યો. રેપો રેટને 6% પર રાખવામાં આવેલ છે. બેંક રેટ અને એમએસએફ રેટ 6.5% રહેશે. જો કે આરબીઆઇએ એસએલઆર 0.5% ઘટાડી 19.5 કરી દીધેલ છે. આરબીઆઇની આગળની ક્રેડિટ પૉલીસી 5-6 ડિસેમ્બરે રજૂ થશે.

આરબીઆઇએ નાણાંકીય વર્ષ 2018 માટે જીવીએ અનુમાન 7.3%થી ઘટાડી 6.7% કરી દીધેલ છે. રિઝર્વ બેંકે ઓક્ટોમ્બર-માર્ચમાં રિટેલ મોંઘવારી દર 4.2-4.6% રહેશે તેવું જણાવ્યું છે. જાન્યુઆરી-માર્ચ 2018 અને એપ્રિલ-જૂન 2018માં રિટેલ મોંઘવારી દર 4.6% રહેશે તેવું અનુમાન છે. જાન્યુઆરી-માર્ચ 2019માં રિટેલ મોંઘવારી દર 4.5% રહેશે તેવું અનુમાન છે.

ઑગષ્ટમાં રિટેલ મોંઘવારી દરમાં ઘણો વધારો થતો જોવાં મળ્યો હતો. પાછલાં બે મહિનામાં આમાં 190 બેસિસ પોઇન્ટનો લાભ થયો છે. જીએસટીનાં લાગુ થયા બાદ ઓક્ટોમ્બરથી દરેક પ્રકારની વસ્તુઓનો ભાવ ઘણો વધી ગયો છે. જેથી મોંઘવારી દર હજી પણ વધી શકે છે.

આ વખતે રેપો રેટ 6% છે, જોમાં સેન્ટ્રલ બેંકે 2જી ઑગષ્ટે 25 બેસિસ પોઇન્ટ કપાત કર્યા હતાં. આ ઘટાડો 10 મહિના બાદ બેંક દ્વારા કરવામાં આવ્યો હતો. ત્યારે સેન્ટ્રલ બેંકે દેશભરની બેંકોને કહ્યું હતું કે તેઓ તેમનાં વ્યાજ દર ઘટાડે, કે જેનો લાભ સામાન્ય જનતાને પણ મળે. અત્યારે દેશમાં રેપો રેટ સૌથી ઓછાં સ્તર પર છે. આરબીઆઇ વેટ એન્ડ વૉચની પૉલિસી પર કાયમ રહેશે અને જીડીપી વૃદ્ધિ માટે સરકાર તરફ જ નજર રાખશે અને આગળ જતાં જ્યારે મોંઘવારીનાં દરમાં ઘટાડો થશે ત્યારે રેપો રેટ ઘટાડવા અંગે વિચાર કરી શકાશે.

You might also like