Categories: Gujarat

કાચા કામના કેદી વકીલ સાથે વીડિયો કોન્ફરન્સથી વાત કરશે

અમદાવાદ: ગુજરાત સ્ટેટ લીગલ સર્વિસ ઓથોરેટી દ્વારા લીગલ આસિસ્ટન્સ એસ્ટાબ્લિશમેન્ટની સ્થાપના કરવામાં આવી છે. આજે વહેલી સવારે સુપ્રીમ કોર્ટના જસ્ટિસ અને નેશનલ લીગલ સર્વિસ ઓથોરિટીના ચેરમેન દીપક મિશ્રાએ તેનું ઉદધાટન કર્યું હતું. જેમાં રાજ્યના કાયદા તેમજ ગૃહપ્રધાન પ્રદીપસિંહ જાડેજા, હાઇકોર્ટ ચીફ જસ્ટીસ આર.સુભાષ રેડ્ડી, 10 રાજ્યના લીગલ સર્વિસ ઓથોરેટીના ચેરમેન સહિત મહાનુભવો હાજર રહ્યા હતા. આ ન્યાય સહાયતા કેન્દ્ર મારફતે નાગરિકો વિના મૂલ્યે ન્યાયિક અભિપ્રાય મેળવી શકશે. તદઉપરાંત જેલમાં રહેલા કાચા કામના કેદીઓ વીડિયો કોન્ફરન્સ થકી લીગલ એઇડના વકીલો સાથે સીધી વાતચીત કરી શકશે.

ન્યાય સંપર્ક નામના આ પ્રોજેક્ટમાં લોકોને એક જ સ્થળેથી વિવિધ સુવિધા મળશે. જેમાં કાનૂની સહાય મેળવતી વ્યકિતઓને તેમના કેસની સલાહ, પેન્ડિંગ કેસને લગતી તમામ માહિતી મળશે. આ પ્રોજેક્ટ અંતર્ગત લીગલ સર્વિસીસ ઓથોરિટીના પેનલ એડ્વોકેટ અને પેરા લીગલ વોલેન્ટિયર્સ પણ મળી રહેશે, મહત્વની વાત એ છે કે ગુજરાતની જેલ અને સબ જેલમાં રહેલા કાચા કામના કેદીઓને ફાળવવામાં આવેલા લીગલ એઇડના વકીલ સાથે તેઓ વીડિયો કોન્ફરન્સથી સીધી વાત કરી શકશે. આ સિવાય સરકારની વિવિધ યોજનાઓના લાભો અંગેની માહિતી પણ પૂરી પાડવામાં આવશે.

જસ્ટીસ દીપક મિશ્રાએ વીડિયો કન્સલ્ટન્ટ રૂમનું ઉદધાટન કરતાં સાબરમતી જેલના વડા, રાજકોટ જેલના જેલર, સુરત જેલના અધિક્ષક, બરોડા જેલના અધિક્ષક તેમજ સેશન્સ કોર્ટમાં વીડિયો કોન્ફરન્સથી ચર્ચા કરી. આ સિવાય કોન્ફરન્સમાં નિવેદન કર્યું કે નીડરતા, નીતિમત્તા, આદ્યાત્મિક્તાનું મિશ્રણ સમાજસેવાનો ભાવ ઊભો કરે છે. ન્યાય સંપર્ક પ્રોજેક્ટ આ વિચારનું એક બીજ છે. ત્યારે કાયદા પ્રધાન પ્રદીપસિંહ જાડેજાએ જણાવ્યું છે કે આ પ્રોજેક્ટ લોકો માટે લાભદાયી બનશે. તમામ લોકોને તેમના કેસની તાજી માહિતી મળી રહેશે. આ સિવાય ન્યાય સંપર્કના પ્રોજેક્ટમાં સમાજમાં દરેક અલગ અલગ લોકોની સમસ્યાને અગ્રિમતા આપવા ટોલ ફ્રી નંબર પણ કરવામાં આવ્યો છે.
http://sambhaavnews.com/

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

40 mins ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

56 mins ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

1 hour ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

1 hour ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

1 hour ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

1 hour ago