Bigg Boss 12: રાખી સાવંતની કન્ટેસ્ટંટને ચેતવણી, કહ્યું,”જો સલમાન સાથે દબંગાઇ કરશો તો…..”

“બિગ બોસ” સીઝન 12 ટૂંક સમયમાં જ શરૂ થઇ જવા પર છે. હંમેશાની જેમ આ વખતે પણ લોકોમાં “બિગ બોસ”ને લઇને વધારે ઉત્સાહ છે. આ રિયાલિટી શોમાં ભાગ લેનારા અનેક સેલિબ્રિટીઝનાં નામનાં ખુલાસાઓ પણ થઇ ચૂકેલા છે. ત્યાં બીજી બાજુ આ શોની કન્ટેસ્ટંટ રહી ચૂકેલ આઇટમ ગર્લ રાખી સાવંતે શોમાં આવનારા આગામી દરેક કન્ટેસ્ટંટને એક વણમાંગી સલાહ આપી છે કે એવાં લોકોને આ સલાહ છે કે જેનો સામનો સીધો જ સલમાન સાથે થવાનો છે.

રાખી સાવંતે એક ખાનગી ન્યૂઝ એજન્સી સાથે વાત કરતા જણાવ્યું કે,”લડાઇ કરો, ઝઘડો કરો પરંતુ ખુશ રહો. ખુદને વધુ સ્વસ્થ બનાવવા માટે આ મોકાનો ફાયદો ઉઠાવો. બિગ બોસનાં ઘરમાં પોતાની બરબાદી કરવા ના જાઓ. શાંત રહેવાની પૂર્ણ કોશિશ કરો અને ઝઘડવા માટે ના લડો પરંતુ જો કોઇ ઝઘડો કરે તો તેનું બેન્ડ બજાવી દો.”

આ સાથે રાખી સાવંતે વધુમાં એમ જણાવ્યું કે,”હું લોકોને એ વાત ખાસ કહેવા માંગુ છું કે તમે સલમાન ખાન સાથે ક્યારેય બિલકુલ પણ બદમાશાઇ ના કરો. જો આવું કરશો તો આપ શોમાંથી તો બહાર નીકળી જ જશો અને સાથે સાથે બહાર આવ્યાં બાદ તમને ઇન્ડસ્ટ્રીમાં પણ કોઇ તમારો સાથ નહીં આપે.” રાખી સાવંત વર્ષ 2006માં “બિગ બોસ” સીઝન 1ની કન્ટેસ્ટંટ રહી ચૂકેલ છે. તે શોમાં અનેક દિવસો સુધી ટકી રહી હતી. જો કે તે શોમાં જીતવામાં નાકામયાબ રહી હતી.

You might also like