ઉદ્યોગપતિઓનું `સફેદ’ કારનામું, ભાદર નદીનાં પાણીમાં ઝેરી કેમિકલ ભેળવાતા ઉડ્યાં ફીણનાં ગોટેગોટાં

રાજકોટઃ શહેરનાં જેતપુરનાં સાડી ઉદ્યોગનાં સંચાલકો જાણે કે ભાદર નદીને તો ગટર સમજી રાખી છે. પરિણામે ભાદર નદીમાં વહેતું મીઠું જળ હવે એક ભૂતકાળ બની ગયેલ છે. ભાદર નદી માત્ર કેમિકલ વહાવતું એક વહેણ બની ગયું છે.

પરિણામે નદીઓનાં કાંઠાની ખેતીની જમીનો વાંઝણી બની રહી છે. ખેડૂતો પણ સાથે સાથે પાયમાલ બની રહ્યાં છે. થોડાંક મહિના પહેલા ભાદર નદીનાં પ્રદૂષણને જન પ્રતિનિધિઓ અને પ્રજાનાં દિમાગમાં લગાડાયેલી આગ આજે ઓલવાઈ ગઈ છે અને પાણીનાં પાપીઓને નદી મેલી કરવા મોકળું મેદાન મળ્યું છે.

નદી પરનાં ચેકડેમનાં આ પાણી પર જોવા મળતાં ફીણનાં ગોટેગોટાં પાણીમાં ભળેલાં ઝેરી કેમિકલની ચાડી ખાય છે. આ દ્રશ્યો સરદારપુરા ગામ પાસેથી પસાર થતી ભાદર નદી પરનાં ચેકડેમનાં પાણીનાં છે. જળ પ્રદૂષણની સ્થિતિ હાલમાં સતત યથાવત્ છે. ધારાસભ્ય લલિત વસોયાએ ડેમમાં જળ સમાધિનો કાર્યક્રમ આપીને સરકાર અને સ્થાનિક તંત્રની આંખ ઊઘાડવા માટેનો પણ પ્રયાસ અગાઉ કર્યો હતો.

સરદારપુર ગામ બન્યું પ્રદૂષણનું ભોગઃ
જેતપુરથી 20 કિમી દૂર આવેલું સરદારપુર ગામ હાલમાં સંપૂર્ણ પ્રદુષણનો ભોગ બન્યું છે. ગામ પાસેથી પસાર થતી ભાદર નદી ઉપર બનાવેલ ચેક ડેમ પણ સંપૂર્ણપણે પ્રદૂષિત થઈ ચૂકેલ છે. ડેમને જોતાં જ જાણે કે તેની ઉપર બરફની એક ચાદર પથરાઇ ગઇ હોય તેવું જોવા મળ્યું છે. જો કે હકીકતમાં ડેમનું પાણી પ્રદૂષિત હોવાંને કારણોસર કેમિકલનાં ફીણ ચારે તરફ ઉડતા જોવા મળે છે.

Dhruv Brahmbhatt

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

1 day ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

1 day ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

1 day ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

1 day ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

1 day ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

1 day ago