VIDEO: રાજકોટમાં દલીત પરિવારે કર્યો આત્મવિલોપનનો પ્રયાસ

રાજકોટઃ શહેરમાં જમીનની પડતર માંગ મુદ્દે દલિત સમાજમાં ફરી એક વખત ભારે રોષની લાગણી ભભુકી ઉઠી છે. રાજકોટનાં રૈયા ગામ નજીક દલિત પરિવારનાં 20થી વધુ જેટલાં સભ્યોએ આત્મવિલોપનનો પ્રયાસ કર્યો હતો. હાઈ-વે માર્ગ પર કેરોસીન છાંટીને તેઓએ આત્મવિલોપનનો પ્રયાસ કરતા 9થી વધુ લોકોને પોલીસે ઘટના સ્થળ પર પહોંચી જઈને અટકાયત કરી છે.

જો કે આત્મવિલોપનનાં પ્રયાસ બાદ પોલીસે 9થી 10 લોકોની હાલ અટકાયત કરીને આ સમગ્ર મામલો થાળે પડાયો છે. જો કે પીડિત પરિજવારનોનું એમ કહેવું છે કે જમીનની પડતર માંગને લઈ વખતો વખત સરકાર સમક્ષ રજૂઆત કરી હોવાં છતાં કોઈ નિરાકરણ ન આવતા અંતમાં આ પગલું ભર્યું હતું.

રાજકોટનાં રૈયા ગામમાં આવેલ પરશુરામ મંદિરની બાજુમાં ખેતરમાં જે લોકો ખેતી કરી રહ્યાં છે અને સરકારે પણ જ્યાં તેઓની જમીન આપી દીધેલ છે પરંતુ કોઇ પણ કારણોસર અન્ય કેટલાંક લોકો આવીને અમારી જમીન છે તેવું કહેતા એકાએક આ લોકોએ ત્યાં જ આત્મવિલોપનનો પ્રયાસ કર્યો હતો. મહત્વનું છે કે અગાઉ પણ આ મામલે કલેક્ટરને આવેદન પત્ર આપવામાં આવ્યું હતું તેમજ સીએમ રૂપાણીને પણ આ મામલે રજૂઆત કરવામાં આવી હતી.

You might also like