Categories: India

રાહુલે લીધી શકૂરની મુલાકાત : કેજરીવાલે ગણાવી બાલીશ હરકતો

નવી દિલ્હી : રાજધાની દિલ્હીમાં શકૂર વિસ્તારમાં દબાણ હટાવવાનાં મુદ્દે વિવાદ વકરી રહ્યો છે. આજે કોંગ્રેસી ઉપાધ્યક્ષ રાહુલ ગાંધી આ વિસ્તારની મુલાકાતે આવ્યા હતા. આમ આદમી પાર્ટીએ પણ આ મુદ્દે સદનમાં ઘરણા કર્યા હતા. રાહુલે પીડીતોને કહ્યું કે હવે પછી જ્યારે પણ ઝુંપડાઓ તોડવા માટે આવે તો તમે લોકો મને ફોન કરો, હું એક પણ ઝુંપડુ તુટવા નહી દઉ. પીડીતો સાથે મુલાકાત બાદ રાહુલે કહ્યું કે મારા ઘરનાં દરવાજાઓ સદાય તમારા માટે ખુલ્લા છે. જો કોઇની ઝુંપડી તોડવામાં આવે તો તે મારા ઘરે આવી શકે છે, હું તમારી સાથે ઉભો રહીશ. રાહુલે કહ્યું કે દિલ્હીમાં આપની સરકાર છે એવામાં તેમનાં નેતાઓ પ્રદર્શન શા માટે કરી રહ્યા છે. તેનાં જવાબમાં કેજરીવાલે કહ્યું કે રાહુલ ગાંધી હજી બાળક છે. તેમની પાર્ટીએ તેમને જણાવ્યું નથી કે રેલ્વે કેન્દ્ર સરકારનાં અંતર્ગત આવે છે, દિલ્હી સરકાર તેમાં કાઇ કરી શકે નહી.
રેલ્વે મંત્રી સુરેશ પ્રભુએ આ આજે સંસદમાં વક્તવ્ય આપતા કહ્યું કે ઝુંપડીઓ હટાવવાની કાર્યવાહી પહેલા જ બાળકનું મોત નિપજ્યું હતું. સતત કેટલીયવાર ઝુંપડીઓ હટાવવા માટેની નોટિસ આપવામાં આવી હતી. પરંતુ લોકો ત્યાંથી હટી નહોતા રહ્યા. એવામાં દબાણને સુરક્ષીત રીતે હટાવવામાં આવ્યું. તેમણે કહ્યું કે તે આ મુદ્દે અરવિંદ કેજરીવાલને આ મુદ્દે ચર્ચા કરવા માટે આમંત્રીત કરે છે.
ઉલ્લેખનીય છે કે દિલ્હીમાં રેલ્વે તંત્ર દ્વારા દબાણ હટાવવાની કાર્યવાહી ચાલુ કરી દેવામાં આવી છે. જેમાં 500થી વધારે ઝુંપડીઓને તોડી પાડવામાં આવી હતી. આ કાર્યવાહી દરમિયાન એક બાળકીનું મોત નિપજ્યું હતું. રેલ્વે દ્વારા દાવો કરવામાં આવ્યો હતો કે દબાણ હટાવતા પહેલા જ આ બાળકીનું મોત નિપજ્યું હતું. જ્યારે તેનાં પરિવારનો દાવો હતો કે આ બાળકીનું મોત દબાણ હટાવવાની કાર્યવાહી દરમિયાન થયું હતું.
દિલ્હીનાં મુખ્યમંત્રી અવિંદ કેજરીવાલે જો કે આ મુદ્દે રેલ્વેની નિંદા કરી હતી. પીડિત વ્યક્તિઓની મદદ નહી કરવાનાં આરોપમાં બે એસડીએણ સહિત ત્રણ અધિકારીઓને સસ્પેન્ડ કર્યા હતા. કેજરીવાલે કહ્યું કે તેમણે આ રેલવેની કાર્યવાહી મુદ્દે રેલ્વેમંત્રી સુરેશ પ્રભુ સાથે પણ વાતચીત કરી હતી પરંતુ પ્રભુએ કહ્યું કે તેમને આ કાર્યવાહીની જાણ નથી.

Navin Sharma

Recent Posts

Whatsapp પર કોઇ બ્લોક કરે તો પણ કરી શકશો મેસેજ, બસ અપનાવો આ ટ્રિક

વોટ્સએપ આજે દુનિયાની સૌથી મોટી ઇસ્ટેંટ મેસેજિંગ એપ છે. વોટ્સએપનાં માત્ર ભારતમાં જ 20 કરોડથી પણ વધારે યૂઝર્સ છે. વોટ્સએપ…

7 hours ago

J&K: બાંદીપોરામાં આતંકીઓ અને સુરક્ષાદળો વચ્ચે અથડામણ શરૂ, 5 આતંકીઓનો ખાત્મો

જમ્મુ-કશ્મીરઃ સેના અને આતંકીઓ વચ્ચે ઉત્તરી કશ્મીરનાં બાંદીપોરામાં ગુરૂવારનાં રોજ બપોરથી સતત ચાલી રહેલી અથડામણમાં અત્યાર સુધીમાં 5 આતંકીઓ ઠાર…

8 hours ago

અમદાવાદમાં 22-23 સપ્ટે.નાં રોજ યોજાશે દેશની પ્રથમ “દિવ્યાંગ વાહન રેલી”

અમદાવાદઃ વિશ્વમાં પ્રથમ વખત દિવ્યાંગ વાહન રેલી યોજવામાં આવશે. શનિવારે અમદાવાદ અંધજન મંડળ વસ્ત્રાપુરથી સવારે આ રેલી 7.30 કલાકે શરૂ…

8 hours ago

UGCનો દેશની યુનિવર્સિટીઓને આદેશ, 29 સપ્ટે.નાં રોજ ‘સર્જિકલ સ્ટ્રાઇક ડે’ની કરાશે ઉજવણી

UGCએ એક પરિપત્ર જાહેર કર્યો છે. જેમાં દેશભરની તમામ યુનિવર્સિટીઓને 29 સપ્ટેમ્બરનાં રોજ 'સર્જિકલ સ્ટ્રાઈક દિવસ' મનાવવાનું ફરમાન જાહેર કર્યું…

9 hours ago

‘યુનાઇટેડ વૅ ઑફ બરોડા’નાં આયોજકો દ્વારા ગરબાની ફીમાં વધારો, ખેલૈયાઓનો ઉગ્ર વિરોધ

વડોદરાઃ શહેરમાં ગરબાનાં આયોજકો દ્વારા ફીમાં વધારો કરવામાં આવ્યો છે. "યુનાઈટેડ વે ઓફ બરોડા"નાં આયોજકો દ્વારા ગરબાની ફીમાં એકાએક વધારો…

9 hours ago

ગુજરાતનો વિકાસ ના થયો હોય તો હું, નહીં તો રાહુલ છોડી દે રાજકારણ: નીતિન પટેલ

બનાસકાંઠાઃ નાયબ મુખ્યમંત્રી નીતિન પટેલે રાહુલ ગાંધીને આ વખતે રાજકારણને લઇ ખુલ્લો પડકાર ફેંક્યો છે. ગુજરાતનાં વિકાસ મુદ્દે રાહુલ ગાંધીને…

11 hours ago