Google હજી પણ માને છે સુરેશ પ્રભુને રેલ મંત્રી!

તાજેતરમાં જ મુંબઇમાં પરેલ નજીક એલફિંસ્ટન રેલવે સ્ટેશન પર એક ઓવરબ્રિજ પર ભાગદોડ થવાંને લીધે 22 લોકોનાં મોત થયાં છે અને 35થી પણ વધુ લોકો ઘાયલ થયાં છે. એવું જાણવા મળી રહ્યું છે કે વરસાદનાં કારણે ઓવરબ્રિજ પર રેલિંગનો એક ભાગ તૂટતાં આ ઘટના થઇ હોવાનાં સમાચાર મળ્યાં છે.

છેલ્લા ત્રણ વર્ષથી ભારતમાં આવી અસંખ્ય ટ્રેન દુર્ઘટનાઓ થવાને કારણે આપણાં પૂર્વ રેલવે પ્રધાન પદેથી સુરેશ પ્રભુની આકરી ટીકા થઈ રહી હતી. જેથી મુઝફ્ફરનગરનાં ખતોલીમાં થયેલી રેલ દુર્ઘટના બાદ સુરેશ પ્રભુએ 3જી સપ્ટેમ્બર,2017નાં રોજ પીએમ મોદીને રેલ મંત્રી પદથી સ્વેચ્છાએ રાજીનામું સોંપી દીધું હતું. સુરેશ પ્રભુએ રેલ્વે પ્રધાન તરીકેનો કાર્યકાળનો ચાર્જ 10 સપ્ટેમ્બરથી 3 સપ્ટેમ્બર સુધી સંભાળ્યો હતો. 3જી સપ્ટેમ્બર,2017નાં રોજ સુરેશ પ્રભુએ રાજનામું આપતાં પીયૂષ ગોયલે નવા રેલવે પ્રધાન તરીકેનો ચાર્જ સંભાળ્યો હતો. ને હાલ તેઓ રેલ્વે પ્રધાન તરીકેનો કાર્યભાળ સંભાળી રહ્યાં છે. આ પહેલાં તેઓએ રાજ્યકક્ષાએ ઊર્જા પ્રધાન તરીકેની સુંદર કામગીરી બજાવી હતી.

પરંતુ હાલમાં ગૂગલ પર Railway Minister of India સર્ચ કરીએ છીએ તો પ્રથમ Minister of Railways (India)-Wikipedia ઓપન થાય છે. જેનાં પર હાલનાં રેલવે પ્રધાન પિયૂષ ગોયલનો ફોટો દેખાઇ રહ્યો છે પરંતુ તેનાં નામમાં સુરેશ પ્રભુનો ઉલ્લેખ દર્શાવાઇ રહ્યો છે.

You might also like