શાહઆલમમાં નવાબખાન પઠાણના પૌત્રના જુગારના અડ્ડા પર દરોડા

અમદાવાદ: સોલામાં થયેલા લઠ્ઠાકાંડ બાદ શહેર પોલીસે દારૂ-જુગારના અડ્ડા પર એકાએક દરોડા પાડવાનું શરૂ કરી દેતાં બુટલેગરો ભૂગર્ભમાં ઊતરી ગયા છે. પોલીસે દારૂના અડ્ડાઓની સાથે-સાથે જુગારના અડ્ડા ઉપર પણ દરોડા પાડવાનું શરૂ કરી દીધું છે.

ગઇ કાલે મોડી રાતે પોલીસે શાહઆલમમાં બિલ્ડર નવાબખાન પઠાણના પુત્ર ઐયુબખાનના બંગલા પર ચાલતા જુગારના અડ્ડાનો પર્દાફાશ કરતાં નવાબખાનના પૌત્ર અલીખાન સહિત છ લોકોને રંગેહાથ ઝડપી લીધા છે. પોલીસે ૬.૮૩ લાખની રોકડ સહિત ૧પ.૬૮ લાખના મુદ્દામાલ સાથે છ જુગારીઓની ધરપકડ કરી છે.

રથયાત્રા નજીક આવી રહી છે ત્યારે સોલામાં થયેલા લઠ્ઠાકાંડ બાદ પોલીસ તેમજ આવેલા અધિકારીઓ પર દારૂ-જુગારના ચાલતા અડ્ડાઓને લઇ અનેક આક્ષેપ થઇ રહ્યા છે. આવી સ્થિતિમાં શહેરમાં ધમધમી રહેલા દારૂ-જુગારના અડ્ડા પર પોલીસે તવાઇ બોલાવવાનું શરૂ કર્યું છે.

ગઇ કાલે દાણીલીમડા પોલીસને બાતમી મળી હતી કે બિલ્ડર નવાબખાન પઠાણના પુત્ર ઐયુબખાન ઉર્ફે પપ્પુખાનના બંગલામાં જુગારધામ ચાલી રહ્યું છે. દાણીલીમડા પોલીસને મળેલી બાતમીના આધારે જુગારધામ પર રેડ કરવા માટે ઉચ્ચ અધિકારીઓની મંજૂરી મેળવી લીધી.

રેડની મંજૂરી મળી ગયા બાદ દાણીલીમડા પોલીસ સ્ટેશનના પીએસઆઇ આર. જી. ખાંટ સહિતની ટીમ પપ્પુખાનના અડ્ડા પર દરોડા પાડવા માટે પહોંચી ગઇ હતી.

પપ્પુખાનનો બંગલો શાહઆલમ નવાબની ચાલીમાં આવેલો હોવાથી પીએસઆઇ વધુ પોલીસ ફોર્સ લઇને રેડ કરવા માટે ગયા હતા. મોડી રાતે પીએસઆઇ સહિતનો પોલીસનો કાફલો પપ્પુખાનના બંગલામાં ઘૂસી ગયો હતો અને જુગારધામનો પર્દાફાશ કર્યો હતો.

પપ્પુખાનના બંગલાથી પોલીસે પપ્પુખાનના પુત્ર અલીખાન, મોહંમદ આ‌િસફ મુનશી, જેનીલ શાહ, સરફરાઝ શેખ, ફેનિલ શાહ અને ઇમ્તિયાઝ મહેમુદ પઠાણને જુગાર રમતાં પકડી પાડ્યા હતા. પોલીસે અલીખાન સહિત છ લોકોની જુગારધારા એક્ટ હેઠળ ધરપકડ કરીને ૬.૮૩ લાખ રોક્ડા, ૧.૭૦ લાખની કિંમતના ૧૦ મોબાઇલ ફોન, એક ફોર વ્હિલર અને ચાર ટુ વ્હિલર સહિત ૧પ.૬૮ લાખનો મુદ્દામાલ જપ્ત કર્યો છે.

ઉલ્લેખનીય છે કે અલીખાન કોંગ્રસના કોર્પોરેટર સહેજાદ ખાન ઉર્ફે અલીબાબાનો ‌િપતરાઇ ભાઇ થાય છે. અલીખાન ખાલી જુગારના કેસમાં નહીં, પરંતુ ગેરકાયદે જમીન પર કબજા અને હિટ એન્ડ રન જેવા ગંભીર કેસમાં પણ સંડોવાયેલો છે. થોડાક સમય પહેલાં શહેરના નારોલ સર્કલ પાસે આવેલી જમીન પર કબજો કરવા આવેલા ૩પ કરતાં વધુ લુખ્ખાં તત્ત્વોએ પાંચ યુવકો પર કરેલા ઘાતકી હુમલામાં માસ્ટર માઇન્ડ અલીખાનનું હોવાનું નામ સામે આવ્યું હતું.

જમાલપુર વિસ્તારમાં આવેલી કાચની મસ્જિદ પાસે રહેતા મોહંમદ આસિફ ‌િનજામુદ્દીન શેખે નારોલ વિસ્તારમાં આવેલી વિલ્સન હોટલ પાસે એક જગ્યા ભાગીદારીમાં ખરીદી હતી. આ જમીનના મામલે અસામા‌િજક તત્ત્વો જમીન પર બાંધકામ કરવું હોય તો ખંડણી આપવી પડશે તેવી ધમકી આપતાં હતાં. ત્યારબાદ અલીખાને તેના સાગરીતો મારફતે આસિફ શેખ પર હુમલો કરાવ્યો હોવાની ફરિયાદ થઈ હતી.

ત્યારે ૭ જૂન, ર૦૧પના રોજ મોડી રાતે અલીખાન પુરઝડપે પોતાની એસયુવી કાર લઇને નીકળ્યો હતો, જ્યાં તેણે સ્ટિયરિંગ પરનો કાબૂ ગુમાવતાં ૧૧ શ્રમજીવી લોકો પર કાર ચઢાવી દીધી હતી. આ ઘટનામાં પિતા-પુત્ર સહિત ત્રણ લોકોનાં મોત થયાં હતાં. અકસ્માત સર્જીને અલીખાન ઘટનાસ્થળેથી ફરાર થઇ ગયો હતો.

divyesh

Recent Posts

શું પાર્ટનર સાથે પોર્ન ફિલ્મ નિહાળવી જોઇએ?, આ રહ્યું શંકાનું સમાધાન…

ઘણાં સમય પહેલાં સેક્સને લઇ એક સર્વે કરવામાં આવ્યો હતો. જેમાં આ સર્વે દ્વારા એવું જાણવાની કોશિશ કરવામાં આવી હતી…

6 hours ago

બુલેટ ટ્રેન મામલે વાઘાણીનું મહત્વનું નિવેદન,”કોંગ્રેસ માત્ર વાહિયાત વાતો કરે છે, એક પણ રૂપિયો અટકાયો નથી”

અમદાવાદઃ PM નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને જાપાનની એજન્સી દ્વારા એક મોટો ઝટકો આપવામાં આવ્યો છે. જેમાં આ પ્રોજેક્ટને…

7 hours ago

સુરતમાં દારૂબંધીને લઈ યોજાઇ વિશાળ રેલી, કડક અમલની કરાઇ માંગ

સુરતઃ શહેરમાં દારૂબંધીને લઈને વિશાળ રેલીનું આયોજન કરવામાં આવ્યું હતું. દારૂનાં કારણે મોતને ભેટેલાં લોકોનાં પરિવારજનો પણ ખૂબ મોટી સંખ્યામાં…

8 hours ago

રાષ્ટ્રપતિનાં હસ્તે વિરાટ કોહલી અને મીરા બાઈ ચાનૂને ખેલ રત્ન એવોર્ડ

જલંધરઃ ભારતીય ક્રિકેટ ટીમનાં કેપ્ટન વિરાટ કોહલીને રાષ્ટ્રપતિ ભવનમાં આયોજિત એક સમારોહ દરમ્યાન રમત સાથે જોડાયેલ વિશિષ્ટ સમ્માન ખેલ રત્ન…

9 hours ago

રાજકોટઃ લસણનાં ભાવમાં એકાએક ઘટાડો થતાં ખેડૂતોને રોવા દહાડો

રાજકોટઃ શહેરનાં માર્કેટિંગ યાર્ડમાં લસણનાં ભાવમાં એકાએક ઘટાડો થયો છે. હાલમાં એક મણ લસણનો ભાવ 20થી 150 સુધી નોંધાયો છે.…

11 hours ago

બુલેટ ટ્રેનઃ PM મોદીનાં ડ્રીમ પ્રોજેક્ટનું જાપાની એજન્સીએ અટકાવ્યું ફંડીંગ, લાગી બ્રેક

પ્રધાનમંત્રી નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને એક મોટો ઝટકો લાગ્યો છે. આ પ્રોજેક્ટને લઇ ફંડિંગ કરતી જાપાની કંપની જાપાન…

11 hours ago