Categories: Dharm

પુષ્ટિમાર્ગનું પવિત્ર સ્વરૂપ

શ્રી નવનીતપ્રિયજી એટલે જેમને હંમેશાં તાજું માખણ પ્રિય છે. દ‌િક્ષણ ભારતમાં ઉદ્ભવેલું આ નાનું ધાતુ-સ્વરૂપ પુષ્ટિમાર્ગમાં અત્યંત મહત્ત્વનું સ્થાન ધરાવે છે. તેમના જમણા હાથમાં માખણનો ગોળ અને ડાબો હાથ પૃથ્વી પર ટેકવાયેલો છે. તે જ પ્રમાણે જમણો પગ પૃવી પર તેમ જ ડાબો પગ ઘૂંટણ પર પૃથ્વી પર છે. આ સ્વરૂપ બાલકૃષ્ણના સ્વરૂપ જેવું જ છે. તેમનું મહત્ત્વ એ છે કે ઘણી વખત તેમનો ઉપયોગ શ્રીનાથજીના પૂરક તરીકે થાય છે. જોકે તેમનો સમાવેશ સપ્તનિધિમાં થતો નથી. શ્રી વિઠ્ઠલનાથજીએ આ સ્વરૂપ તેમના સૌથી મોટા પુત્ર શ્રી ગિરિધરજીને આપ્યું હતું. તે પાછળથી તેમણે સૌથી નાના પુત્ર ગોપીનાથજીને આપેલ. નંદમહોત્સવ, દિવાળી, અન્નકૂટ તેમજ ડોલ જેવા મહત્ત્વના ઉત્સવના દિવસોએ શ્રીનાથજીના બદલે તેઓ સ્થાન શોભાવે છે. હવેલીમાં ગોવર્ધન પૂજા ચોકથી આચાર્યશ્રીની બેઠક તરફ જતાં શ્રીકૃષ્ણ ભંડાર સામે મંદિર આવેલું છે.

શ્રીમદ્ વલ્લભાચાર્ય પૃથ્વી પરિક્રમા દરમિયાન એક વખત મહાવન ગોકુળમાં પધાર્યા. ત્યાં એક ક્ષત્રિય સ્ત્રીએ આ સ્વરૂપ શ્રી મહાપ્રભુજીને સોંપ્યું. આ ક્ષત્રિય સ્ત્રી યમુનાજીમાં જળ ભરવા ગયાં ત્યારે તેમના પાત્રમાં નવનીતપ્રિયજી પધાર્યા હતા. મહાપ્રભુજીએ શ્રી નવનીતપ્રિયજીને ગજજનધાવનને સોંપ્યા.

આગ્રા નિવાસી ગજજનધાવન ક્ષત્રિયને નવનીતપ્રિયજીનો સાક્ષાત્કાર થતો. નવનીતપ્રિયજી તેમની સાથે બાળક્રીડા કરતા અને ક્ષણવાર પણ તેમનાથી અલગ ન રહેતાં. એક દિવસ નવનીતપ્રિયજીએ ભક્ત ગજજનધાવનને શ્રી મહાપ્રભુજી પાસે જવાની આજ્ઞા આપી. ગજજનધાવન તેમને ગોકુળમાં લાવ્યા અને શ્રી મહાપ્રભુજીને સોંપી દીધા. શ્રી મહાપ્રભુજીએ તેમની યોગ્ય સેવા કરી. ત્યારબાદ શ્રી મહાપ્રભુજી અડેલમાં તેમની સાથે પધાર્યા.

શ્રી નવનીતપ્રિયજી શ્રી મહાપ્રભુજીના પરમ આરાધ્યા સ્વરૂપ રહ્યા છે. તેઓ હંમેશાં તેમની સાથે રહેતા. દ્વિતીય પૃથ્વી પરિક્રમા વખતે શ્રી નવનીતપ્રિયજી તેમની સાથે જ હતા. તેઓને તિલકાયતના ઘરના ઠાકુર માનવામાં આવે છે.

તેઓ શ્રીકૃષ્ણના બાલભાવના સ્વરૂપમાં છે. તેમના હાથમાં રહેલો માખણનો ગોળો સૂચવે છે કે, ભક્તોનું મન મારા હાથમાં છે. પૃથ્વી પર રહેલો હાથ દુષ્ટોનું દમન કરીને પૃથ્વી પરનો ભાર મિટાવવાનું સૂચન કરે છે. પુષ્ટિ સંપ્રદાયમાં આ પ્રથમ સ્વરૂપ છે જેના નેત્રમાં અંજન આંજવામાં આવતું નથી, કારણ કે તેમના નેત્ર સદાય અંજાયેલાં જ રહે છે. તેમનું મંદ મુસ્કાનવાળું બાલસ્વરૂપ સર્વદા ભક્તોને આકર્ષણરૂપ છે. નિત્ય નવનીત પ્રિય હોવાથી શ્રી નવનીતપ્રિય કહેવામાં આવે છે.

બાલભાવને કારણે સવારમાં મંગલા અને રાજભોગ દર્શન થાય છે. સાંજે ઉત્થાપન, ભોગ અને આરતી ત્રણે દર્શન થાય છે. શયનનાં દર્શન વર્ષમાં ૬૦ દિવસ જ થાય છે. જેમાં વસંતપંચમીથી ડોલોત્સવ સુધીના ૪૦ દિવસ અને દશેરાથી દિવાળી સુધી ર૦ દિવસ દર્શન થાય છે. તેઓ શ્રીનાથજીની ખૂબ સમીપ છે. •

divyesh

Recent Posts

Girlsને ઇમ્પ્રેસ કરવા ચાહો તો Chatting પર અપનાવો આ ટ્રિક્સ

[gallery type="slideshow" size="large" bgs_gallery_type="slider" ids="222488,222489,222490"] દરેક વ્યક્તિને જીવનમાં એક જીવનસાથીની અવશ્યપણે જરૂરિયાત હોય છે. દરેક લોકો પોતાનું એક ઘર વસાવવા…

5 mins ago

શેર બજારમાં કડાકો: સેન્સેક્સમાં 1500 પોઇન્ટના ઘટાડા બાદ જોવા મળી રીકવરી

શુક્રવારે સપ્તાહના અંતિમ કારોબારના દિવસે શેર બજારમાં નોટબંધી બાદનો અત્યાર સુધીનો સૌથી મોટો કડાકો જોવા મળ્યો છે. સેન્સેક્સ 1500 પોઇન્ટથી…

13 mins ago

‘કેસ લડવામાં ખૂબ ખર્ચ થયો, પત્નીને 2.29 કરોડનું ભથ્થું નહીં આપી શકું’

લંડન: બ્રિટનમાં એક અબજપતિ વેપારીએ પૂર્વ પત્નીને છૂટાછેડા આપ્યા બાદ ર,૪૦,૦૦૦ પાઉન્ડ (રૂ.ર કરોડ ર૯ લાખ) ભરણપોષણ પેટે આપવામાં અસમર્થતા…

35 mins ago

મે‌રીલેન્ડના મેડિકલ સેન્ટરમાં ફાયરિંગ: ત્રણનાં મોત, મહિલા હુમલાખોરે ખુદને ગોળી મારી

વોશિંગ્ટન: અમેરિકાના મેરીલેન્ડના એક મેડિકલ સેન્ટર અને દવા વિતરણ કેન્દ્રમાં અંધાધૂંધ ગોળીબારની ચોંકાવનારી ઘટના બની છે. આ હુમલામાં ત્રણ વ્યક્તિનાં…

49 mins ago

પેટ્રોલ બાદ હવે CNG-PNGના ભાવમાં થશે ભડકો

નવી દિલ્હી: ગગડતા રૂપિયાની અસર હવે પેટ્રોલ અને ડીઝલના ભાવમાં ભડકો કરી રહી છે. દેશભરમાં પેટ્રોલ અને ડીઝલના ભાવમાં ઐતિહાસિક…

1 hour ago

ભારત ઈરાનને ઓઈલનું પેમેન્ટ રૂપિયામાં કરશે

નવી દિલ્હી: ભારતે ઇરાન સાથે ટ્રેડ બંધ કરવાની અમેરિકાની ધમકીનો ઉકેલ શોધી કાઢ્યો છે. ભારત હવે નવેમ્બરથી પોતાના ક્રૂડ ઓઇલના…

1 hour ago