Public Review : ‘યમલા, પગલા, દિવાના’ દેઓલ પરિવારની કોમેડી ઠીકઠાક

ફિલ્મની સૌથી મોટી નબળાઈ તેની વાર્તા છે. સ્ટોરી વધારે ધીમી અને લાંબી છે. સ્ટોરી પ્રમાણે બોબી અને સન્ની ફિલ્મમાં પરફેક્ટ રોલમાં બેસતા નથી. ફિલ્મમાં કૃતિ ખરબંદા પોતાનો રોલ બખૂબી નિભાવ્યો છે. હું ફિલ્મને ર સ્ટાર આપીશ.
રવિ પટેલ, સોલા

ફિલ્મનું ડિરેક્શન સારું છે. પંજાબના વિસ્તારોને સારી રીતે દર્શાવવામાં આવ્યા છે. સિનેમેટોગ્રાફી પણ સારી છે. ફિલ્મના સહકલાકારોએ પણ પોતાનો રોલ ખૂબ સારી રીતે નિભાવ્યો છે. ફિલ્મ ફેમિલી ઑડિયન્સને પણ ખૂબ જ પસંદ પડશે. હું આ ફિલ્મને ૩ સ્ટાર આપીશ.
જયદીપ મારવિયા, બાપુનગર

ફિલ્મનું પ્રોડકશન સારું છે. ડિરેકટર નવનીતસિંઘની સ્ટોરી સારી છે. સ્ટોરીનો સ્ક્રીનપ્લે સારી રીતે લખવામાં આવ્યો છે,  પરંતુ ફિલ્મમાં બોબી દેઓલની એક્ટિંગ ઠીક છે. સની દેઓલ અને અન્ય કલાકારની એક્ટિંગ સારી છે. હું આ ફિલ્મને ર.પ સ્ટાર આપીશ.
હસુમતી પટેલ, બોપલ

ફિલ્મના બધા કલાકારોની એક્ટિંગ ખૂબ જ સારી છે. કોમેડી સીન ખૂબ જ સુંદર રીતે ફિલ્માવવામાં આવ્યા છે. ફિલ્મનો પહેલો હાફ તમને થોડો બોર છે, પરંતુ સેકન્ડ હાફ ફિલ્મની કહાણીને બાંધી રાખે છે. બેકગ્રાઉન્ડ મ્યુઝિક ઠીક છે. હું આ ફિલ્મને ર.પ સ્ટાર આપીશ.
બંશી પટેલ, ચાંદખેડા

ફિલ્મનું ડિરેકશન સારું છે. ફિલ્મની વાર્તા પણ ખૂબ પસંદ આવી. ફિલ્મમાં ભરપૂર કોમેડી છે, જેનાથી દર્શકો હસી પડે છે. કૃતિ ખરબંદાના ભાગમાં ડાયલોગ ઓછા છે, પરંતુ આખી ફિલ્મમાં તે એક અલગ છાપ છોડી જાય છે. હું આ ફિલ્મને ર.પ સ્ટાર આપીશ.
કોમલ શાહ, સેટેલાઇટ

ફિલ્મને થોડી અલગ રીતે અને વધારે સારી રીતે લખવામાં આવી હોત તો ખરેખર બહુ મજેદાર ફિલ્મ બની શકત. સની દેઓલ-ધર્મેન્દ્રની એક્ટિંગ વખાણવાલાયક છે. સ્ટાર્સનાં પર્ફોર્મન્સ-મ્યુઝિક, સ્ટોરી માટે એક વાર જોઈ શકાય તેવી ફિલ્મ છે. હું આ ફિલ્મને ર.પ સ્ટાર આપીશ.
નિકુલ પ્રજાપતિ, નારોલ

You might also like