Categories: Entertainment

નાનીની અંતિમ ઈચ્છા પણ પૂરી ન કરી શકી પ્રિયંકા

પટણા: પ્રિયંકા ચોપરા પોતાની નાનીની અંતિમ ઈચ્છા પૂરી કરી શકી નથી. અા ખુલાસો અભિનેત્રીએ ગઈ કાલે પટણામાં કર્યો. પ્રિયંકાએ જણાવ્યું કે તે પોતાની નાનીના અંતિમ સંસ્કાર માટે કેરળ ગઈ હતી, પરંતુ ત્યાંના ચર્ચે તેને નાનીને દફનાવવાની પરવાનગી ન અાપી. ચર્ચનું અા પગલું અત્યંત ખરાબ હતું. બાદમાં તેમને બીજાં કબ્રસ્તાનમાં દફનાવવામાં અાવ્યાં. ઉલ્લેખનીય છે કે પ્રિયંકાની નાનીનું ત્રણ જૂને નિધન થયું હતું. તે ૯૪ વર્ષનાં હતાં.

પ્રિયંકા ચોપરાની નાની મધુ જયોત્સના અખોરીનું અસલી નામ મેરી જોન હતું. તે લગ્ન પહેલાં ક્રિશ્ચિયન હતાં. લાંબી બીમારી બાદ ત્રણ જૂનના રોજ તેમનું નિધન થયું. નાનીની અાખરી ઈચ્છા પૂરી કરવા માટે પ્રિયંકા પરિવાર સાથે કેરળના કોટ્ટયમમાં તેનાં હોમ ટાઉન હુમારાકોમ અંતિમ સંસ્કાર માટે પહોંચી અહીંના સેન્ટ જોન અષ્ટમંગલમ્ના ચર્ચમાં તેમને દફનાવવાનાં હતાં, પરંતુ ચર્ચ પ્રશાસને પ્રિયંકાના પરિવારને પરવાનગી ન અાપી.

ચર્ચનું કહેવું હતું કે મધુ જ્યોત્સનાએ એક હિંદુ પરિવારમાં લગ્ન કર્યાં અા તેથી ક્રિશ્ચિયન ટ્રેડિશન મુજબ તેમને પરવાનગી ન અાપી શકાય. બીજી તરફ જેકોબાઈટ સિરિયાઈ ક્રિશ્ચિયન ચર્ચ, કોટ્ટાયમના બિશપ થોમસ માર થેમોથિઈસે સેન્ટ જોન અષ્ટમંગલમ્ ચર્ચનાં અા પગલાંને અયોગ્ય ગણાવ્યું. તેમણે કહ્યું કે મધુ જ્યોત્સનાની અાખરી ઈચ્છાને પૂરી ન થવા દેવી માનવતાની વિરુદ્ધ છે.

પ્રિયંકાએ પટણામાં કહ્યું કે ચર્ચનું અા પગલું ખરાબ છે, પરંતુ અમને એ વાત પર ધ્યાન અાપવાની ઈચ્છા નથી. અમારે એ જોવું જોઈએ કે અમે અમારા પરિવારના એક સભ્યને ગુમાવી દીધો છે. તેઓ લાંબા સમયથી જમશેદપુરમાં રહેતાં હતાં.

પ્રિયંકાએ પોતાની નાનીની ૯૪મી બર્થડે પર ઈન્સ્ટ્રાગ્રામ પર બાળપણનો ફોટો શેર કર્યો હતો. ફોટો નીચે કેપ્શન લખ્યો હતો કે હેપી બર્થ ડે નાની, અા ફોટો મને ઘર પર મળ્યો છે.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

6 hours ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

6 hours ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

7 hours ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

7 hours ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

7 hours ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

7 hours ago