મ્યુનિસિપલ પાર્ટી પ્લોટ-હોલના મેન્ટેનન્સનું પણ ખાનગીકરણ

અમદાવાદ: મ્યુનિસિપલ હોલ, પાર્ટી પ્લોટ, પિકનિક હાઉસની સાફસફાઇ, ઇલેક્ટ્રિક અને સિવિલ, સાઉન્ડ સિસ્ટમ તેમજ ગાર્ડન-લોનનું મેન્ટેનન્સ અને સિક્યોરિટી એક જ કોન્ટ્રાક્ટરને આપવાની દિશામાં તંત્ર દ્વારા ચક્રો ગતિમાન કરાયાં છે. તંત્રનો આ નવો પ્રયોગ હોઇ પ્રારંભિક ધોરણે તેમાં કુલ ૩૨ હોલ-પાર્ટીપ્લોટને આવરી લેવાયા છે.

તંત્ર સંચાલિત હોલ, પાર્ટીપ્લોટમાં સાફ સફાઇની કામગીરી મ્યુનિસિપલ હેલ્થ વિભાગને સોંપાઇ છે, જ્યારે બંધ પંખા, ટ્યૂબલાઇટ, એસીને ચાલુ કરવાની જવાબદારી લાઇટ વિભાગ કરે છે. સિવિલ અને ઇલેક્ટ્રિકનાં કામો ઇજનેર વિભાગ દ્વારા કરાવવામાં આવે છે, પરંતુ આના કારણે એકસૂત્રતા જળવાતી નથી તેમજ નાગરિકોને પ્રંસગની ઉજવણી દરમિયાન હેરાન થવું પડે છે.

એટલે તંત્ર દ્વારા ‘ટંકી પ્રોજેક્ટ’ હેઠળ વસ્ત્રાપુર એમ્ફી થિયેટર, સાંઇ ઝુલેલાલ ઓપન એર થિયેટર, બળવંતરાય ઠાકોર કોમ્યુનિટી હોલ, ખંડુભાઇ દેસાઇ કોમ્યુનિટી હોલ, નરોત્તમ ઝવેરી કોમ્યુનિટી હોલ, રાણીપ કોમ્યુનિટી હોલ, વસંત રજબ કોમ્યુનિટી હોલ, વાસણા પાર્ટી પ્લોટ, પ્રહ્લાદસિંહ બુદ્ધસિંહ પાર્ટી પ્લોટ એમ કુલ ૩૨ હોટલનું સમગ્ર મેન્ટેનન્સ અને સિક્યોરિટી એક જ કોન્ટ્રાક્ટરને આપવાની કવાયત હાથ ધરાઇ છે.

જેમાં જે તે હોલ, પાર્ટી પ્લોટનો ત્રણ વર્ષનો કોન્ટ્રાક્ટ મેળવનાર કોન્ટ્રાક્ટર કોઇ પણ અન્યને પેટા કોન્ટ્રાક્ટર તરીકે કામ સોંપી નહીં શકે, સિક્યોરિટી માટે હોલ-પ્લોટના વપરાશ સમયે ત્રણ વ્યક્તિ પ્રતિ શિફ્ટ, એક ઇલેક્ટ્રિશિયન પ્રતિ શિફ્ટ, સાફસફાઇ માટે ચાર વ્યક્તિ પ્રતિ શિફ્ટ અને એક સુપરવાઇઝર જેવી શરતોનું પાલન કરવાનું રહેશે.

અનેક વાર જે તે હોલ કે પાર્ટી પ્લોટનું વર્ષ દરમિયાન વીસ દિવસ પણ બુકિંગ થતું નથી તેવા સંજોગોમાં પણ કોન્ટ્રાક્ટરને સમગ્ર વર્ષની રકમ ચૂકવવાના બદલે તંત્ર દ્વારા જે તે હોલ-પાર્ટીપ્લોટના ભાડાની આવકની વીસ ટકા રકમ પ્રથમ વર્ષે જે તે કોન્ટ્રાક્ટરને ચૂકવાશે, જેમાં બુકિંગ કરનાર નાગરિક પાસેથી વસૂલાયેલી ડિપોઝિટ, ચાર્જ, પેનલ્ટી સહિતની અન્ય રકમનો સમાવેશ થતો ન હોઇ આનાથી મ્યુનિસિપલ તિજોરીને ખાસ્સી એવી આર્થિક બચત થશે.

divyesh

Recent Posts

ક્રૂડ ઓઈલ 11 મહિનાની નીચી સપાટીએઃ 6.5 ટકાનો જંગી ઘટાડો

વોશિંગ્ટન: વૈશ્વિક બજારમાં બ્રેન્ટ ક્રૂડનો ભાવ ૧૧ મહિનાની સૌથી નીચી સપાટીએ આવી ગયો છે. ગ્લોબલ આર્થિક મંદી અને સપ્લાય વધવાની…

35 mins ago

CBI વિવાદમાં NSA અ‌જિત ડોભાલનો ફોન ટેપ થયાની આશંકા

નવી દિલ્હી: સીબીઆઇના આંતરિક ગજગ્રાહ વચ્ચે એક ચોંકાવનારી હકીકત બહાર આવી છે. સરકારને એવી આશંકા છે કે કેટલાય સંવેદનશીલ નંબરો…

41 mins ago

મેઘાણીનગરના કેટરરના દસ વર્ષના અપહૃત બાળકનો હેમખેમ છુટકારો

અમદાવાદ: મેઘાણીનગર વિસ્તારના ભાર્ગવ રોડ પરથી ગઇ કાલે મોડી રાતે એક દસ વર્ષના બાળકનું અપહરણ થતાં ચકચાર મચી ગઇ હતી.…

1 hour ago

સાયન્સ સિટીમાં દેશની પહેલી રોબોટિક ગેલેરી ખુલ્લી મુકાશે

અમદાવાદ: આપણે અત્યાર સુધી રોબોટની સ્ટોરી ફિલ્મો જોઈ હશે પણ આવી કાલ્પનિક કથા વાસ્તલવિક રૂપમાં હવે અમદાવાદ અને દેશમાં પહેલી…

1 hour ago

મ્યુનિસિપલ કોર્પોરેશનમાં બાવીસ વર્ષ પછી ક્લાર્ક કક્ષાએ બઢતી અપાઈ

અમદાવાદ: મ્યુનિસિપલ કોર્પોરેશનના સત્તાવાળાઓ દ્વારા ગઈ કાલે બાવીસ વર્ષ બાદ કલાર્ક કક્ષાના કર્મચારીઓને સિનિયોરિટીના આધારે બઢતી અપાતાં કર્મચારીઓમાં ભારે આનંદની…

1 hour ago

Ahmedabadમાંથી વધુ એક કોલ સેન્ટર પકડાયુંઃ રૂ.84 લાખ જપ્ત

અમદાવાદ: ગેરકાયદે ચાલતા કોલ સેન્ટરમાં પોલીસની ધોંસ વધતાં હવે લોકો તેમના ઘરમાં નાના નાના પાયે કોલ સેન્ટર ચલાવી રહ્યા છે.…

1 hour ago