VIDEO: પોરબંદરનાં પોલીસ કોન્સ્ટેબલની ઓડિયો ક્લિપ વાઇરલ, મહેર સમાજ વિરુદ્ધ કરી અભદ્ર ટિપ્પણી

પોરબંદર: શહેરમાં વધુ એક પોલીસ કર્મચારીની ઓડિયો ક્લીપ વાયરલ થઈ છે. ઉદ્યોગ નગર પોલીસ સ્ટેશનના કોન્સ્ટેબલ મુકેશ મેવાડાની ઓડિયો ક્લીપ વાયરલ થઈ છે. આ ઓડિયો ક્લીપમાં મુકેશ મેવાડા મહેર સમાજના વિરૂદ્ધમાં અભદ્ર ટિપ્પણી કરી રહ્યો છે.

ઉલ્લેખનીય છે કે, આ ઓડિયો ક્લીપમાં મુકેશ મેવાડા આરોપી પાસેથી નાણાંકીય વહીવટમાં સમાજના વિરૂદ્ધમાં અભદ્ર ટિપ્પણી કરી રહ્યો છે. આ ઓડિયો ક્લીપ વાયરલ થયા બાદ SP શોભા ભૂતળાએ કોન્સ્ટેબલની બદલી કરી છે.

મહત્વનું છે કે, આ પહેલા પણ મુકેશ મેવાડા પર ઘરમાં ઘુસીને મહિલાને માર મારવાનો આરોપ લાગ્યો હતો. ત્યારે હવે નાણાકીય વહીવટમાં સમાજ વિરૂદ્ધમાં અભદ્ર ટિપ્પણી કરવાની ઓડિયો ક્લીપ વાયરલ થઈ છે.

કોન્સ્ટેબલનું `કારસ્તાન’:
અજ્ઞાત: એમ કહું કે તમારે વાત થઇ ગઇને વિજય સાથે?
કોન્સ્ટેબલ: હા, ઇ વાત થઇ ગઇ છે
હવે કાલે આપણે શું કરવાનું છે. ઓલા ભાઇની પાછી અરજી લઇ આ લોકોની #@#@# નાંખવાની છે
અજ્ઞાત: એને ના તો પડાય નહીં ને? કે હવે નો જાતો એમ તો કહેવાય નહીં?
કોન્સ્ટેબલ : ક્યાં ન જાતો… હા, એ ને કહી દેવાનું કે ત્યાં જાતો નહીં.. નહીંતર તારી #@#@#. કાલ કે પરમદી હું નોકરીએ જઇને #@#@# કરી નાંખીશ. નહીંતર ઓલી બાઇની અરજી લઇને આ બધાને #@#@# કરી દઇશ અને હવે તો ભાઠા પણ આપવા છે આ ત્રણે ત્રણને.
અજ્ઞાત: તે દી આ બચી ગ્યોને ઇ નડ્યું આપણને.
કોન્સ્ટેબલ: તેદી બચી ગ્યોને એ મોટી તકલીફ. હવે આ એવું માને છે કે કોઇનું કાંઇ નહીં થાય. હવે આ #@#@# જાત છે. આને મરાય જ.
અજ્ઞાતઃ પાક્કુ હાલો..,પાક્કું પાક્કું. હવે એને કહી દઇએ જો તું ત્યાં ગ્યો તો #@#@#.
કોન્સ્ટેબલ: એને કહીં જ દ્યો..,હું તૈયાર જ છું.. એને કહી જ દ્યો
અજ્ઞાતઃ પાક્કું પાક્કું.

You might also like