Categories: Ahmedabad Gujarat

પોલીસે રેડ કરતાં સ્થાનિકોએ જુગારીઓને ભગાડવા બૂમાબૂમ કરી

અમદાવાદ: સાબરમતી પોલીસની રહેમ નજર હેઠળ છેલ્લા કેટલાક સમયથી ચાલતા અને અનેક વખત પોલીસની વિવિધ એજન્સીઓ દ્વારા જેના જુગારધામ પર રેડ કરવામાં આવી છે તેવા સાબરમતી ન્યૂ રેલવે કોલોનીનાં લક્ષ્મણ ઉર્ફે બાબુ દાઢીના જુગારધામ પર અમદાવાદ ક્રાઇમ બ્રાન્ચની ટીમે દરોડો પાડી ૧૪ જુગારિયાને ઝડપી લીધા હતા.

રેડ દરમ્યાન દર વખતની જેમ આ વખતે પણ સ્થાનિક લોકોએ પોલીસની કામગીરીમાં અવરોધ ઊભો કરી જુગારિયાને બચાવવા પ્રયાસો કર્યા હતા. જોકે ક્રાઇમ બ્રાંચની ટીમે તમામ જુગારિયાને ઝડપી લીધા હતા. પોલીસની કામગીરીમાં અવરોધ કરનાર બે મહિલા સહિત ત્રણની સામે ક્રાઇમ બ્રાન્ચની ટીમે ગુનો દાખલ કર્યો છે.

સાબરમતી ન્યૂ રેલવે કોલોનીમાં રહેતા લક્ષ્મણ ઉર્ફે બાબુ દાઢી સેંધાજી રાવત છેલ્લા ઘણા સમયથી જુગારધામ ચલાવે છે. આ જુગારધામ સતત ધમધમતું હોવાની સાબરમતી પોલીસને જાણ હોવા છતાં પોલીસ તેને બંધ કરાવતી ન હતી. જુગારધામ ચાલતું હોવા અંગેની બાતમી પોલીસની વિવિધ એજન્સીઓેને મળતાં તેણે બાબુ દાઢીને ત્યાં રેડ કરી જુગારિયાને ઝડપી લીધા છે.

ગઇ કાલે રાત્રે અમદાવાદ ક્રાઇમ બ્રાંચના પીએસઆઇ જે.પી. રોજિયા, કે.આઇ. જાડેજા સહિતની ટીમને બાતમી મળી હતી કે લક્ષ્મણ ઉર્ફે બાબુ દાઢીનું જુગારધામ ધમધમી રહ્યું છે તેથી ત્રણ પીએસઆઇ, ૧પ જેટલા કોન્સ્ટેબલ, બે મહિલા કોન્સ્ટેબલ સાથે ક્રાઇમ બ્રાન્ચની ટીમે જુગારધામ પર રેડ કરી હતી. પોલીસે રેડ કરતાંની સાથે જ બાબુ દાઢીના ઘરમાંથી બે મહિલા અને અને એક પુરુષે બહાર આવી બૂમાબૂમ કરી અન્ય લોકોને એકત્ર કરવા પ્રયાસ કર્યો હતો જેથી પોલીસે તેમને ઝડપી લીધા હતા.

પોલીસે લક્ષ્મણ ઉર્ફે બાબુ દાઢીને ત્યાંથી જયરાજ બેરવા (રહે. ચંદ્રભાગાની ચાલી, જવાહરચોક) મનુજી ઠાકોર (રહે. રેલવે કોલોની), દાદારાવ ગાવડે (રહે. પુરુષોતમપાર્ક, ડી-કેબિન), શંભુ રાવત (રહે. રેલવે કોલોની), રમેશ ઠાકોર (રહે. રાણીપ) ભરત ભરવાડ (રહે. નર્સરી, વિસત પેટ્રોલ પંપ), ગૌરાંગ પટેલ (રહે. ગિરિરાજ સોસા., ચાંદલોડિયા), વિનોદ પટેલ (રહે. કૈલાસનગર, જૂના ટોલનાકા), વાસુદેવ પટેલ (રહે. વિનાયક બંગલો, ન્યૂ રાણીપ), મનીષ દ્રવિડ (રહે. ન્યૂ રેલવે કોલોની), રાજેશ પટણી (રહે. રેલવે કોલોની), મહંમદ પઠાણ (રહે. મેરાઉ સોસા., નારોલ) અને ગફુર સેનવા (રહે. સાબરમતી)ને જુગાર રમતાં ઝડપી લીધા હતા. પોલીસે તેઓની પાસેથી નવ મોબાઇલ અને રોકડ મળી કુલ રૂ.૪પ હજારનો મુદ્દામાલ કબજે કર્યો હતો.

લક્ષ્મણ ઉર્ફે બાબુ દાઢી બહારથી માણસો બોલાવી જુગાર રમાડતો હતો. પોલીસે લક્ષ્મણ ઉર્ફે બાબુ દાઢી સહિત ૧૪ લોકોની ધરપકડ કરી છે જ્યારે રેડ દરમ્યાન જુગાર રમતા ઇસમોને ભગાડવા અને પોલીસની કાર્યવાહીમાં અવરોધ ઊભો કરવા બદલ ચંપાબહેન રાવત (રહે. ન્યૂ રેલવે કોલોની) અને લક્ષ્મણની પત્ની ક્રિષ્નાબહેન રાવત (રહે. ન્યૂ રેલવે કોલોની)ની ધરપકડ કરી છે જ્યારે બાબુ ઉર્ફે ગગુ રાવત નાસી જવામાં સફળ રહ્યો હતો.

ઉલ્લેખનીય છે કે અગાઉ પણ પોલીસ કમિશનરના તાબા હેઠળ આવતી પીસીબીની ટીમે લક્ષ્મણ ઉર્ફે બાબુ દાઢીના જુગાર ધામ પર રેડ કરી હતી ત્યારે સ્થાનિક લોકોએ ભેગા થઈ પીસીબી અને સ્થાનિક પોલીસની ટીમ પર પથ્થરમારો કર્યો હતો. પોલીસે પથ્થરમારામાં ઈજાગ્રસ્ત થઈને પણ જુગારીઓને ઝડપી લીધા હતા.

divyesh

Recent Posts

શું પાર્ટનર સાથે પોર્ન ફિલ્મ નિહાળવી જોઇએ?, આ રહ્યું શંકાનું સમાધાન…

ઘણાં સમય પહેલાં સેક્સને લઇ એક સર્વે કરવામાં આવ્યો હતો. જેમાં આ સર્વે દ્વારા એવું જાણવાની કોશિશ કરવામાં આવી હતી…

6 hours ago

બુલેટ ટ્રેન મામલે વાઘાણીનું મહત્વનું નિવેદન,”કોંગ્રેસ માત્ર વાહિયાત વાતો કરે છે, એક પણ રૂપિયો અટકાયો નથી”

અમદાવાદઃ PM નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને જાપાનની એજન્સી દ્વારા એક મોટો ઝટકો આપવામાં આવ્યો છે. જેમાં આ પ્રોજેક્ટને…

7 hours ago

સુરતમાં દારૂબંધીને લઈ યોજાઇ વિશાળ રેલી, કડક અમલની કરાઇ માંગ

સુરતઃ શહેરમાં દારૂબંધીને લઈને વિશાળ રેલીનું આયોજન કરવામાં આવ્યું હતું. દારૂનાં કારણે મોતને ભેટેલાં લોકોનાં પરિવારજનો પણ ખૂબ મોટી સંખ્યામાં…

8 hours ago

રાષ્ટ્રપતિનાં હસ્તે વિરાટ કોહલી અને મીરા બાઈ ચાનૂને ખેલ રત્ન એવોર્ડ

જલંધરઃ ભારતીય ક્રિકેટ ટીમનાં કેપ્ટન વિરાટ કોહલીને રાષ્ટ્રપતિ ભવનમાં આયોજિત એક સમારોહ દરમ્યાન રમત સાથે જોડાયેલ વિશિષ્ટ સમ્માન ખેલ રત્ન…

10 hours ago

રાજકોટઃ લસણનાં ભાવમાં એકાએક ઘટાડો થતાં ખેડૂતોને રોવા દહાડો

રાજકોટઃ શહેરનાં માર્કેટિંગ યાર્ડમાં લસણનાં ભાવમાં એકાએક ઘટાડો થયો છે. હાલમાં એક મણ લસણનો ભાવ 20થી 150 સુધી નોંધાયો છે.…

11 hours ago

બુલેટ ટ્રેનઃ PM મોદીનાં ડ્રીમ પ્રોજેક્ટનું જાપાની એજન્સીએ અટકાવ્યું ફંડીંગ, લાગી બ્રેક

પ્રધાનમંત્રી નરેન્દ્ર મોદીનાં ડ્રીમ પ્રોજેક્ટ બુલેટ ટ્રેનને એક મોટો ઝટકો લાગ્યો છે. આ પ્રોજેક્ટને લઇ ફંડિંગ કરતી જાપાની કંપની જાપાન…

12 hours ago