Categories: Gujarat

પોલીસ લાઈનનાં મકાનો બારોબાર ભાડે અાપી દેવાનો ‘વહીવટ’!

અમદાવાદ: શહેર પોલીસમાં ફરજ બજાવતા પોલીસકર્મીઓને રહેવા માટે બનાવાયેલી પોલીસ લાઇનમાં હાલમાં કોઇ મકાન ખાલી ન હોવાથી અનેક પોલીસકર્મીઓને બહાર મોટું ભાડું ચૂકવી રહેવું પડે છે ત્યારે જે પોલીસકર્મીને પોલીસ લાઇનમાં મકાન ફાળવવામાં આવ્યાં છે તે મકાન ભાડે આપી દેવાતાં હોવાનું બહાર આવ્યું છે. શહેરની એલિસબ્રિજ પોલીસ લાઇનમાં ૧ર થી ૧પ મકાન ભાડે આપી દેવાયાં છે. આ પાંચ મકાન એવી વ્ય‌િક્ત‌ઓ, જે પોલીસકર્મી નથી અને સાત મકાન એવી વ્યક્તિઓ, જે પોલીસકર્મીઓ છે તેમને ભાડે અપાયાં છે. શહેરમાં શાસ્ત્રીનગર પોલીસ લાઈન, બાપુનગર પોલીસ લાઈન, બાગે ફિરદોસ્ત પોલીસ લાઈન તેમજ શાહીબાગ પોલીસ લાઈન મળી કુલ ૨૦થી વધુ પોલીસ લાઈન અાવેલી છે.

શહેર પોલીસમાં ૧૦ હજારથી વધુ પોલીસકર્મીઓ ફરજ બજાવે છે. આમાંથી માત્ર ૩૦ થી ૪૦ ટકા જ પોલીસકર્મીઓને પોલીસ લાઇનમાં મકાન ફાળવવામાં આવ્યાં છે. બાકીના પોલીસકર્મીઓ પોતાના અથવા તો મકાન ભાડે રાખી રહેતા હોય છે. ચાર એલઆરડી જવાન વચ્ચે એક મકાન ફાળવવામાં આવે છે. પ‌િરવારવાળા પોલીસકર્મીઓને મકાન ન મળતાં ફર‌િજયાત બહાર મોટું ભાડું ચૂકવી રહેવું પડે છે. એલિસબ્રિજ પોલીસ લાઇનમાં કેટલાંક મકાનો ભાડે આપી પોલીસકર્મીઓ દ્વારા ભાડું વસૂલાતું હોવાની ફરિયાદ મળતાં ડીસીપી ઝોન-૭ વિધિ ચૌધરીએ પી.આઇ. અને એસીપીને અા અંગે તપાસ કરી ‌િરપોર્ટ કરવા જણાવ્યું હતું. તપાસ દરમ્યાન કુલ ૩૩ બ્લોકના મકાનમાંથી ૧ર થી ૧પ મકાન ભાડે આપી દીધાં હોવાનું બહાર આવ્યું છે, તેમાં ટ્રાફિક પોલીસમાં ફરજ બજાવતા એલઆરડી જવાન એવા સાતેક લોકોને મકાન ભાડે અપાયાં છે

જ્યારે પાંચ મકાન, જે પોલીસકર્મી નથી તેવા લોકોને ભાડે આપવામાં આવ્યાં છે. એક તરફ અનેક પોલીસકર્મીઓને મકાન ખાલી ન હોવાથી મકાન નથી મળતું અને ભાડે રહેવાની ફરજ પડે છે ત્યારે જે પોલીસકર્મીને મકાન ફાળવાયાં છે તેઓ મકાન ભાડે આપી પૈસા કમાતા હોવાથી અનેક પોલીસ પરિવારમાં રોષ ભભૂક્યો છે. સૂત્રોના જણાવ્યા મુજબ માત્ર આ એક જ પોલીસ લાઇન નહીં, પરંતુ શહેરની મોટા ભાગની પોલીસ લાઇનમાં આ રીતે ખાનગી વ્યક્તિ અને અન્ય પોલીસકર્મીઓને મકાન ભાડે આપવામાં આવે છે. આ અંગે વારંવાર પી.આઇ. કક્ષાના અધિકારી સુધી રજૂઆત અને ફરિયાદ કરવા છતાં તેઓ કોઇ ધ્યાન નથી આપતા અને અનેક પોલીસકર્મીઓને મકાનથી વંચિત રહેવું પડે છે.

ભાડે અપાયેલાં મકાન ખાલી કરવા નોટિસ અપાઈ છે
ઝોન-૭ ડીસીપી વિધિ ચૌધરીએ જણાવ્યું હતું કે ૧ર થી ૧પ મકાન ભાડે હોવાનું ધ્યાને આવતાં આ તમામ ભાડે અપાયેલાં મકાનને ખાલી કરવા નોટિસ આપવાની કાર્યવાહી કરાઇ છે. જે પણ પોલીસકર્મીઓએ મકાન ભાડે આપ્યાં છે તેઓનાં નિવેદન લઇ જો તેઓ કસૂરવાર હશે તો તેમની સામે કડક કાર્યવાહી કરવામાં આવશે.

divyesh

Recent Posts

‘ફેશન’ ફિલ્મ બાદ પ્રિયંકા ચોપરાના ઈંતેજારમાં મધુર ભંડારકર

પ્રિયંકા ચોપરાની સૌથી હિટ અને સૌથી વધુ પસંદ કરાયેલી ફિલ્મોમાં 'ફેશન'નું નામ મુખ્ય છે. 'ફેશન'એ માત્ર બોક્સ ઓફિસ પર જ…

2 mins ago

OMG! 111 વર્ષના આ દાદા હજુયે જાય છે રોજ જિમમાં

અમેરિકાના કૅલિફોર્નિયામાં રહેતા હેન્રીદાદાની ઉંમર ૧૧૧ વર્ષ છે અને તેઓ આ ઉંમરે પણ સ્થાનિક જિમમાં જઇને વર્કઆઉટ કરે છે. જે…

1 hour ago

ટીમ India માટે જીત બની ચેતવણીઃ ચેમ્પિયન્સ ટ્રોફીની કહાણીનું પુનરાવર્તન તો નહીં થાય ને?

દુબઈઃ એશિયા કપના સૌથી મોટા મુકાબલામાં ભારતે ગઈ કાલે પાકિસ્તાનને આસાનીથી હરાવી દીધું. એશિયા કપમાં એમ પણ પાકિસ્તાન સામે ટીમ…

1 hour ago

લોકોના આરોગ્ય સાથે ખુલ્લેઆમ ચેડાં કરતા પાણીપૂરીવાળાને માત્ર મામૂલી દંડની સજા

અમદાવાદ: મ્યુનિસિપલ સત્તાવાળાઓ દ્વારા મંગળવારે અચાનક પાણીપૂરીના ધંધાર્થીઓ પર દરોડા પડાયા હતા. આ કામગીરી હેઠળ ૧રપ પાણીપૂરીવાળાના એકમોમાં તપાસ કરીને…

1 hour ago

વધુ બે અમદાવાદી બેન્કના નામે ફોન કરતી ટોળકીની જાળમાં ફસાયા

અમદાવાદ: ક્રે‌ડિટકાર્ડની ‌લિમિટ વધારાવી છે, ક્રે‌ડિટકાર્ડને અપગ્રેડ કરવું છે, કાર્ડ બ્લોક થઇ જશે જેવી અનેક વાતો કરીને ક્રે‌ડિટકાર્ડધારકો પાસેથી ઓટીપી…

1 hour ago

શહેરનાં 2236 મકાન પર કાયમી ‘હેરિટેજ પ્લેટ’ લાગશેઃ ડિઝાઇન તૈયાર

અમદાવાદ: મુંબઇ, દિલ્હી જેવાં દેશનાં આંતરરાષ્ટ્રીય પ્રસિદ્ધ શહેરોને પછાડીને અમદાવાદને યુનેસ્કો દ્વારા દેશનું સર્વપ્રથમ વર્લ્ડ હે‌રીટેજ સિટી જાહેર કરાયું છે…

2 hours ago