Categories: India

સીતાપુરમાં યુપી પોલીસનું વધુ એક એન્કાઉન્ટરઃ અપરાધીને ઠાર માર્યો

સીતાપુર, ગુરુવાર
ઉત્તર પ્રદેશ પોલીસ ફુલ એક્શન મોડમાં છે. ઉત્તર પ્રદેશ પોલીસ અપરાધીઓ પર સતત ગોળીઓ વરસાવી રહી છે અને એક પછી એક એન્કાઉન્ટરો સમાચારોની હેડલાઈન્સમાં ચમકી રહ્યા છે.

વિપક્ષો આ એન્કાઉન્ટર સામે સવાલ ઉઠાવી રહ્યા છે. સીતાપુરમાં વધુ એક એન્કાઉન્ટરમાં પોલીસે એક અપરાધીને ઠાર માર્યો છે. સીતાપુરમાં મોટરસાઈકલ ચોરીને ભાગી રહેલા એક અપરાધીને પોલીસે ગોળી મારતાં તેનું સ્થળ પર જ મોત થયું હતું, જ્યારે આ ઘટનામાં એક પોલીસકર્મી પણ ઘાયલ થયો છે. ઠાર મરાયેલ અપરાધીની ઓળખ હજુ બાકી છે.

પોલીસે ચોરી કરેલી બાઈક પિસ્તોલ અને કારતૂસો પ્રાપ્ત કર્યાં છે. આ પોલીસ એન્કાઉન્ટર હરિહરપુર ગામની નજીક થયું હતું. પોલીસના જણાવ્યા અનુસાર હરગાંવના જયપાલ મૌર્યએ હરગાંવ પોલીસસ્ટેશન પર બાઈક અને રોકડ રકમની લૂંટની જાણ કરી હતી.

ત્યાર બાદ આસપાસના પોલીસ સ્ટેશનો દ્વારા વાહનનું ચેકિંગ થઈ રહ્યું હતું. વાહન ચેકિંગ દરમિયાન એક બાઈક પર સવાર બે શકમંદ લોકોને પોલીસે જ્યારે રોકવાનો પ્રયાસ કર્યો ત્યારે તેમણે પોલીસ ટીમ પર ફાયરિંગ શરૂ કરી દીધું હતું.

પોલીસે કરેલા વળતા ગોળીબારમાં એક અપરાધી ગોળી લાગવાથી ઘાયલ થયો હતો અને તેનો સાગરિત ભાગવામાં સફળ રહ્યો હતો. ઘાયલ અપરાધીને જિલ્લા હોસ્પિટલમાં લઈ જવાયો ત્યારે ત્યાં ડોક્ટરોએ તેને મૃત જાહેર કર્યો હતો.

આ અગાઉ નોઈડામાં યુપી પોલીસનું નકલી એન્કાઉન્ટર સામે આવ્યું હતું. જેમાં કોન્સ્ટેબલે બે યુવાનોને ગોળી મારી હતી. જેને લઈને તેઓ ગંભીર રીતે ઘાયલ થયા હતા. આ ઘટના બાદ એસએસપી લવકુમારે કોન્સ્ટેબલને સસ્પેન્ડ કરીને તેની સર્વિસ રિવોલ્વર જપ્ત કરી લીધી હતી અને આ મામલામાં અન્ય ત્રણ પોલીસકર્મીઓને પણ સસ્પેન્ડ કરવામાં આવ્યા હતા. આ ઘટના બાદ કોંગ્રેસે રાજ્યસભામાં આ મામલો ઉઠાવીને ભારે હંગામો મચાવ્યો હતો.

Navin Sharma

Recent Posts

મ્યાનમારમાં ઉગ્રવાદી કેમ્પ પર ‘સર્જિકલ સ્ટ્રાઈક’ની તૈયારી

નવી દિલ્હીઃ મ્યાનમારમાં ત્રાસવાદીઓની છાવણીઓ પર સર્જિકલ સ્ટ્રાઈક કરવાની તૈયારી ચાલી રહી હોવાનું જાણવા મળે છે. ઈન્ટેલિજન્સ એજન્સી સૂત્રોનાં જણાવ્યાં…

5 hours ago

પ્રથમ ટ્રાયલમાં જ T-18 ટ્રેન ફેલ, કેટલાંય પાર્ટ્સ સળગીને થયાં ખાખ

ચેન્નઈઃ ભારતીય રેલ્વેની મહત્ત્વાકાંક્ષી ઈન્ટરસિટી ટ્રેન પ્રોજેક્ટ ટી-૧૮ ટ્રેન તેની પ્રથમ ટ્રાયલમાં જ ફેલ ગઈ છે. ચેન્નઈનાં જે ઈન્ટીગ્રલ કોચ…

5 hours ago

બે પ્રેગ્નન્સી વચ્ચેનો ગાળો ૧૨થી ૧૮ મહિનાનો હોવો જરૂરી

બાળકને ગર્ભમાં ઉછેરવાનાં કારણે માના શરીરમાં કેટલાક બદલાવ આવે છે. આવા સમયે બે બાળકો વચ્ચેનો ગાળો કેટલો હોવો જોઈએ એ…

5 hours ago

લાકડાનો ધુમાડો પુરુષો અને સ્ત્રીઓ બંને પર કરે છે જુદી-જુદી અસર

લાકડાનાં ધુમાડાથી સ્ત્રીઓ અને પુરુષોનાં શરીરમાં અલગ-અલગ પ્રકારની પ્રતિક્રિયાઓ ઊઠે છે. અભ્યાસર્ક્તાઓએ સ્ત્રી-પુરુષ વોલન્ટિયર્સનાં એક ગ્રૂપને પહેલાં લાકડાનો ધુમાડો ખવડાવ્યો…

6 hours ago

વાઇબ્રન્ટ સમિટ: સ્થાનિક-વિદેશી ઇન્વેસ્ટર્સ વીડિયો કોન્ફરન્સ કરશે

ગુજરાત સરકાર દ્વારા વાઇબ્રન્ટ ગુજરાત ગ્લોબલ સમિટનું આયોજન જાન્યુઆરી માસમાં યોજવામાં આવી રહ્યું છે. આ વર્ષે પહેલી વાર સરકાર વાઇબ્રન્ટ…

6 hours ago

કારમાં આવેલાં અજાણ્યાં શખ્સોએ છરી બતાવી યુવકને લૂંટી લીધો

અમદાવાદઃ શહેરનાં શાહીબાગ વિસ્તારમાં બે દિવસ પહેલાં મોડી રાતે એક વિદ્યાર્થીને છરી બતાવીને ૮પ હજારની લૂંટ ચલાવતા ત્રણ શખ્સો વિરુદ્ધમાં…

7 hours ago