Categories: Gujarat

હેડ કોન્સ્ટેબલે ‘રાજાપાઠ’માં કાર ચલાવી સાઈકલચાલકને ઉડાવ્યો

અમદાવાદ: શહેરકોટડા પોલીસ સ્ટેશનમાં ડ્યૂટી દરમિયાન દારૂ પીધા બાદ કાર લઇને ઘરે પરત ફરી રહેલા હેડ કોન્સ્ટેબલે બહેરામપુરા વિસ્તારમાં સાઈકલ પર જઇ રહેલા વૃદ્ધને અડફેટમાં લેતાં સમગ્ર વિસ્તારમાં ચકચાર મચી ગઇ છે. અકસ્માતમાં ઇજા પામેલા વૃદ્ધને સારવાર અર્થે હોસ્પિટલમાં ખસેડવામાં આવ્યા છે ત્યારે કાગડાપીઠ પોલીસે હેડ કોન્સ્ટેબલની ધરપકડ કરી તેમને જામીન પર મુક્ત કર્યા છે. પોલીસકર્મીઓ દારૂ પીએ છે તે સૌ કોઇને ખબર છે, પરંતુ હવે પોલીસકર્મીઓ ફરજ પર હાજર હોય ત્યારે પણ દારૂ પીધેલી હાલતમાં હોય છે. આ અંગે ઉચ્ચ અધિકારીઓને જાણ હોવા છતાંય તેઓ આંખ આડા કાન કરી રહ્યા છે, પરંતુ જ્યારે કોઇ પોલીસકર્મીથી અકસ્માત સર્જાય કે પછી તે ક્યાંક ઝઘડો કરે ત્યારે તેમના વિરુદ્ધમાં એક્શન લેવામાં આવે છે.

બહેરામપુરા વિસ્તારમાં આવેલ અમૃતનગર સોસાયટીમાં રહેતા વૃદ્ધ મનુભાઇ દેવજીભાઇ વાઘેલા આંબાવાડી વિસ્તારમાં સમક્ષ ફ્લેટમાં ‌િસક્યો‌િરટી ગાર્ડ તરીકે નોકરી કરે છે. ગઇ કાલે સવારે મનુભાઇ પોતાની નોકરી પૂરી કરી ઘર તરફ સાઇકલ લઇને જતા હતા તે સમયે બહેરામપુરા મેલડી માતાના મંદિર પાસે એક પુરઝડપે આવતી ફ્રન્ટી કારે તેમને અડફેટમાં લઇને અકસ્માત સર્જ્યો હતો. કારની સ્પીડ એટલી વધારે હતી કે સાઈકલની ટક્કર વાગતાં મનુભાઇ રોડ પર પટકાયા હતા. અકસ્માત જોતાં સ્થાનિકો દોડી આવ્યા હતા અને મનુભાઇને તત્કા‌િલક સારવાર અર્થે એલ.જી. હોસ્પિટલમાં ખસેડવામાં આવ્યા હતા. જ્યારે કારચાલક પણ ફરાર થવાની જગ્યાએ ઘટનાસ્થળે ઊભો રહ્યો હતો.

સ્થાનિકોએ અકસ્માત સર્જનાર ચાલકને કારમાંથી બહાર કાઢ્યો હતો, જેમાં તેણે પોલીસની વરદી પહેરી હતી. અકસ્માતની જાણ સ્થાનિકોએ પોલીસને કરતાં કાગડાપીઠ પોલીસ તાત્કા‌િલક ઘટનાસ્થળે પહોંચી ગઇ હતી અને કારચાલકની અટકાયત કરી હતી.

પોલીસ કારચાલકની પૂછપરછ કરતાં તેમનું નામ રમેશ અલ્હાજી ખરાડી હોવાનું જાણવા મળ્યું હતું. રમેશ શહેરકોટડા પોલીસ સ્ટેશનમાં હેડ કોન્સ્ટેબલ તરીકે ફરજ બજાવે છે અને દાણીલીમડા પોલીસ લાઇનમાં રહે છે. રમેશની શહેરકોટડા પોલીસ સ્ટેશનમાં નાઇટ ડ્યૂટી હતી. નાઇટ ડ્યૂટી પતાવીને રમેશ ઘરે જતા હતા ત્યારે આ અકસ્માતની ઘટના બની હતી. પોલીસસૂત્રોના જણાવ્યા અનુસાર સ્થાનિકોએ જ્યારે રમેશને પકડી લીધા ત્યારે તેઓ ‌િચક્કાર દારૂ પીધેલી હાલતમાં હતા. ગઇ કાલે કાગડાપીઠ પોલીસ રમેશભાઇની ધરપકડ કરીને તેમણે દારૂ પીધો હતો કે નહીં તે માટે સિવિલ હોસ્પિટલમાં લઇ ગઈ હતી. આ મામલે કે-‌િડ‌િવઝનના એસીપી ચિંતન તા‌િરયાએ જણાવ્યું છે કે કોન્સ્ટેબલ ડ્યૂટી પૂરી કરીને ઘર તરફ જતો હતો ત્યારે આ અકસ્માતની ઘટના ઘટી હતી. તેની ધરપકડ કરી ત્યારે તે દારૂ પીધેલી હાલતમાં હતો. હાલ તે જામીન પર મુક્ત છે, પરંતુ તેણે કઇ જગ્યાએથી દારૂ પીધો તે અંગેની તપાસ ચાલુ છે.

આખી ઘટનામાં ચોંકાવનારી વાત એ છે કે ર૪ કલાક પહેલાં બનેલી આ ઘટનામાં કોન્સ્ટેબલે દારૂ ક્યાંથી પીધો તે અંગે પોલીસે હજુ સુધી કોઇ તપાસ કરી નથી. અત્રે ઉલ્લેખનીય છે કે નાઇટ ડ્યૂટી દરમિયાન પોલીસકર્મીઓ દારૂ પીને ફરજ બજાવતા હોવાના અનેક કિસ્સા બન્યા છે. થોડાક દિવસ પહેલાં પણ બોપલમાં એ‌િક્ટવા પર પોતાની બહેનપણી સાથે જઈ રહેલી એક યુવતી સાથે એક યુવકે રોંગ સાઈડમાં આવીને અકસ્માત કર્યો હતો, જેના પગલે ઝઘડો થતાં આ યુવકે તેની માતા ઉપરાંત પોતાના પોલીસ કોન્સ્ટેબલ મામાને બોલાવી લીધા હતા, જેમાં દારૂના નશામાં ધૂત પોલીસ કોન્સ્ટેબલ જોગેન્દરસિંહ ચૂડાસમાએ આ યુવતીની છેડતી કરી હતી. બોપલ પોલીસે સેટેલાઈટ પોલીસ સ્ટેશનમાં ફરજ બજાવતા પોલીસ કોન્સ્ટેબલ જોગેન્દરસિંહ ચૂડાસમાની ધરપકડ કરી હતી.
http://sambhaavnews.com/

divyesh

Recent Posts

આજ કલ તેરે મેરે પ્યાર કે ચર્ચે હર જબાન પર

વાત ભલે શહેરમાં તેમના લંચની હોય કે સોશિયલ મીડિયા પર તેમની પોસ્ટની. આપણા બોલિવૂડ સ્ટાર્સ ક્યારેય ખૂલીને વાત કરતા નથી.…

19 hours ago

નવા બાપુનગરમાં ગેરકાયદે ચાલતા ડબ્બા ટ્રેડિંગનો પર્દાફાશઃ ત્રણ ઝડપાયા

અમદાવાદ: શહેરના નવા બાપુનગર વિસ્તારમાં આવેલા એક ફ્લેટમાં ગેરકાયદે ચાલી રહેલ ડબ્બા ટ્રે‌િડંગનો પર્દાફાશ ક્રાઇમ બ્રાંચે કરતાં ત્રણ લોકોની ધરપકડ…

19 hours ago

ધો.12ની પરીક્ષાનાં ફોર્મ ભરવાની છેલ્લી તારીખ, 21મીથી લેટ ફી ભરવી પડશે

અમદાવાદ: આગામી માર્ચ મહિનામાં લેવાનારી ધો.૧ર કોમર્સ, સાયન્સ અને સામાન્ય પ્રવાહની પરીક્ષા માટે હાલ વિદ્યાર્થીઓનાં આવેદનપત્રો ભરવાની કામગીરી ચાલી રહી…

19 hours ago

સાબરમતીના કિનારે બુદ્ધની 80 ફૂટની પ્રતિમાનું નિર્માણ કરશે

ગાંધીનગર:  દેશના સૌથી સ્ટેચ્યૂ ઓફ યુનિટીના રાજ્યમાં નિર્માણ થયા બાદ હવે અમદાવાદ શહેરની નજીક સાબરમતી નદીના કિનારે વિરાટ ૮૦ ફૂટની…

19 hours ago

ગાંધીનગર જતાં હવે હેલ્મેટ પહેરજો આજથી ઈ-મેમો આપવાનું શરૂ

અમદાવાદ: અમદાવાદથી ગાંધીનગર જતા હજારો નાગરિકોએ હવે આજથી ટ્રાફિકના નિયમોનું ચુસ્ત પાલન કરવું પડશે. ગાંધીનગરની હદમાં પ્રવેશતાં જ વાહનચાલક સીસીટીવી…

19 hours ago

મ્યુનિ. કોર્પોરેશનના લાભાર્થીના ઘૂંટણ- થાપાના રિપ્લેશમેન્ટની સહાયમાં ઘટાડો

અમદાવાદ: મ્યુનિસિપલ કોર્પોરેશન સંચાલિત હોસ્પિટલોમાં તંત્રના અધિકારીઓ, કર્મચારીઓ, પેન્શનરો, કોર્પોરેટરો અને તેમના આશ્રિતોની સારવાર દરમ્યાન અપાતી ઘૂંટણ અને થાપાની ઇમ્પ્લાન્ટ…

19 hours ago