Categories: Gujarat

રાજાપાઠમાં ઝૂમી રહેલો પોલીસ કોન્સ્ટેબલ ઝડપાયો

અમદાવાદ: પોલીસ દારૂબંધીને રોકવા માટે હોય છે પરંતુ અહીં તો પોલીસ જ દારૂના નશામાં મદમસ્ત હોય તો પછી દારૂબંધી કઇ રીતે રોકી શકાય. ગઇ કાલે મોડી રાતે શાહીબાગ વિસ્તારમાં આવેલી માધુપુરા પોલીસ લાઇનમાં એક પોલીસ કોન્સ્ટેબલ દારૂના નશામાં ચકચુર મળી આવતાં પોલીસ બેડામાં ચકચાર મચી ગઇ છે. શાહીબાગ પોલીસે તેની ધરપકડ કરીને તેને જામીન પર મુક્ત કર્યો છે.

પ્રાપ્ત માહિતી અનુસાર ડાંગ આહવા જિલ્લામાં પોલીસ કોન્સ્ટેબલ તરીકે ફરજ બજાવતો હરિસિંહ જુજાસિંગ સિસોદિયા અમદાવાદના શાહીબાગ વિસ્તારમાં આવેલા માધુપુરા પોલીસ લાઇનમાં તેના પરિવારને મળવા માટે આવ્યો હતો. ગઇ કાલે મોડી રાતે પોલીસ લાઇન પાસે આવેલા પાન પાર્લર પાસે હરિસિંહ તેના મિત્રો સાથે ઊભો હતો. ત્યારે શાહીબાગ પોલીસ સ્ટેશનમાં ફરજ બજાવતા પીએસઆઇ તથા પોલીસકર્મીઓ પેટ્રોલિંગમાં નીકળ્યા હતા.

હરિસિંહની હરકતો જોઇને શાહીબાગ પોલીસે ચોક્કસ આ દારુ પીધેલો છે તેવું માની લેતાં તેની તપાસ કરવા ગયા હતા. કોન્ટેબલ હરિસિંહની તપાસ કરતાં તેણે ચીક્કાર દારૂ પીધો હોવાનું સામે આવ્યું હતું. જેમાં શાહીબાગ પોલીસે તેની ધરપકડ કરી હતી. ત્યારબાદ તેને મેડિકલ રિપોર્ટ કરાવવા માટે સિવિલ હોસ્પિટલમાં લઇ જવામાં આવ્યો હતો અને પછી તેને જામીન ઉપર છોડી મૂકવામાં આવ્યો હતો. આ મુદ્દે શાહીબાગ પોલીસ સ્ટેશનના પોલીસ ઇન્સ્પેક્ટર કે.કે.દેસાઇએ જણાવ્યું છે કે હરિસિંહ અગાઉ મારામારી તથા દારૂ પીવાના કેસમાં પકડાઇ ચુક્યો છે જેના કારણે તેની બદલી શહેર બાદ ડાંગ જિલ્લામાં કરવામાં આવી હતી.

divyesh

Recent Posts

સોલા સિવિલમાં પ્રાઇવેટ એમ્બ્યુલન્સ ઊભી રાખવી હોય તો હપ્તો આપવો પડશે..!

અમદાવાદ: શહેરના એસ.જી.હાઇવે પર આવેલ સોલા સિ‌વિલ હોસ્પિટલમાં પ્રાઇવેટ એમ્બ્યુલન્સ મુકવી હોય તો હપ્તો આપવો તેમ કહીને ધમકી આપતા બે…

2 days ago

વેપારીઓને ગુમાસ્તાધારાનું સર્ટિફિકેટ હવે મળશે ઓનલાઇન

અમદાવાદ: મ્યુનિસિપલ કોર્પોરેશનની હદ વિસ્તારમાં આવેલી સંસ્થાઓ જેવી કે વેપારી પેઢીઓ, દુકાનો સહિતના વ્યવસાયદારો માટે સારા સમાચાર છે. તંત્રના ગુમાસ્તાધારા…

2 days ago

કરોડોના કૌભાંડમાં દીપક ઝા ચીટર વિનય શાહનો ગુરુ?

અમદાવાદ: વર્લ્ડ કલેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના માલીક વિનય શાહ અને તેની પત્ની ભાર્ગવી શાહ આચરેલા…

2 days ago

મ્યુનિ. સ્કૂલબોર્ડની બલિહારીઃ સિનિયર કલાર્ક સહિતની 60 ટકા જગ્યા ખાલી

અમદાવાદ: મ્યુનિસિપલ કોર્પોરેશન સંચાલિત શાળાઓમાં છેલ્લાં ચાર વર્ષમાં ૪૬ હજાર વિદ્યાર્થી ઘટ્યા છે, તેમ છતાં શાસકો શૈક્ષણિક પ્રવૃત્તિ પાછળ ધ્યાન…

2 days ago

નોઈડામાં સ્કૂલ બસ ડિવાઈડર સાથે ટકરાતાં 16 બાળકો ઘાયલ

નવી દિલ્હી: દિલ્હીના સીમાડે આવેલ નોઈડામાં રજનીગંધા અંડર પાસ પાસે આજે સવારે શાળાના બાળકોને લઈને જતી એક બસ ડિવાઈડર સાથે…

2 days ago

કોલેજિયન વિદ્યાર્થીનું તેની જ કારમાં અપહરણ કરી લૂંટી લીધો

અમદાવાદ: શહેરમાં ચોરી, લૂંટ, અપહરણ જેવી ઘટનાઓ અટકવાનું નામ જ નથી લઇ રહી ત્યારે મોડી રાતે એક વિદ્યાર્થીનું એસ.જી.હાઇવે પર…

2 days ago