PM મોદીના હસ્તે પોસ્ટ પેમેન્ટ બેન્કનો પ્રારંભ, પોસ્ટમેન આપશે તમામ સેવા

વડાપ્રધાન નરેન્દ્ર મોદીએ દિલ્હી ખાતે તાલકટોરા મેદાનમાં ‘ઇન્ડિયન પોસ્ટ પેમેન્ટ બેન્ક’ (IBPPB) નો પ્રારંભ કરાવ્યો છે. આઇબીપીપીબીની દેશભરમાં 650 શાખા તેમજ 3250 એક્સેસ પોઇન્ટ હશે. જેનો દેશભરમાં શૂભારંભ કરવામાં આવશે. દેશભમાં દરેક 1.55 લાખ પોસ્ટ ઓફિસ 31 ડિસેમ્બર, 2018 સુધીમાં આઇપીપીબી હેઠળ જોડાઇ જશે.

આઇપીપીબીને આમ જનતા માટે એક સુગમ, સરળ અને ભરોસાપાત્ર બેન્ક તરીકે સ્થાપિત કરવાનો પ્રયત્ન કરવામાં આવી રહ્યો છે. દેશના દરેક ખુણામાં આવેલ 3,00,000 વધારે પોસ્ટ ઓફિસ તેમજ ગ્રામી ડાક સેવકોનું વિશાળ નેટવર્કનો લાભ મળશે.

જેના કારણે આઇપીપીબી ભારતમાં લોકો સુધી બેન્કોને પહોંચવા માટે ઉલ્લેખનીય ભુમિકા અદા કરશે. ઇન્ડિયા પોસ્ટ પેમેન્ટ બેન્ક ભારતીય પોસ્ટ વિભાગ તરફથી શરૂ કરવાનું છે. જેમાં તમે સેવિંગ્સ એકાઉન્ટની સાથે કરન્ટ એકાઉન્ટ પણ ખોલી શકશો.

સંચાર મંત્રી મનોજ સિન્હાએ જણાવ્યું કે, IPPBની દેશના દરેક જિલ્લામાં શાખા હશે. દેશભરમાં 40 હજાર પોસ્ટમેન છે અને 2.6 લાખ પોસ્ટમેન છે. આ તમામ લોકો ઘરે ઘરે જઈને આ સેવા પહોંચાડશે. જે માટે 11 હજાર જેટલા પોસ્ટમેન આ સેવા માટે રોકવામાં આવશે.

જ્યારે પોસ્ટમેન માટે આનંદની વાત એ છે ક, પોસ્ટમેનના ઉત્સાહમાં વધારો કરવા માટે IPPBએ મહત્વની જાહેરાત પણ કરી છે. IPPBને થતા ફાયદાની 30 ટકા રકમ કમિશન પેટે પોસ્ટમેનને આપશે.

You might also like