વડા પ્રધાન મોદી મગહરમાં ચૂંટણી બ્યૂગલ ફૂંકશેઃ સંત કબીરની સમાધિ પર ચાદર ચડાવી

મગહર: ઉત્તર પ્રદેશના સંત કબીરે વારાણસીમાં મૃત્યુ બાદ મુક્તિ સાથે જોડાયેલી માન્યતાઓને તોડવા મગહર પસંદ કર્યું હતું. આ સંજોગ જ છે કે કાશીના સાંસદ વડા પ્રધાન નરેન્દ્ર મોદીએ પણ ભવિષ્યની રાજકીય સંજીવની માટે આગળનો પડાવ મગહરથી જ પસંદ કર્યો.

મોદીએ આજે સંત કબીરના ૬૨૦મા પ્રાગટ્ય ઉત્સવ નિમિત્તે મગહરમાં સંત કબીર અકાદમીનો શિલાન્યાસ કરી જનસભા સંબોધી હતી અને આ રીતે મગહરમાં મોદીએ આજે ૨૦૧૯ની ચૂંટણી પ્રચારનું બ્યૂગલ ફૂંકયું હતું.

મગહર નાનકડો કસ્બો છે. અહીં કબીરની મજાર, મંદિર અને ગુરુદ્વારા ત્રણેયની હાજરી કબીરની સમરસ વાણીની સાર્થકતા દર્શાવે છે, જોકે રાજકીય નેતાઓ માટે કબીર અને તેમનું નિર્વાણ સ્થળ ક્યારેય પ્રાસંગિક રહ્યું નથી. આ જ કારણ છે કે નરેન્દ્ર મોદી મગહર પહોંચનાર દેશના પહેલા વડા પ્રધાન હશે. આ પહેલાં ૨૦૦૩માં તત્કાલીન રાષ્ટ્રપતિ ડૉક્ટર એપીજે અબ્દુલ કલામ અહીં આવ્યા હતા.

યુપીના મુખ્યપ્રધાન યોગી આદિત્યનાથ સાથે મોદી મગહરમાં ૧.૫૫ કલાક રોકાશે. આ દરમ્યાન સંત કબીરની સમાધિ પર ચાદર ચઢાવવાથી લઇ કબીરના ધ્યાનસ્થળ કબીર ગુફાનાં પણ દર્શન કર્યાં હતાં. દસ પ્રમુખ સંતો સાથે કબીરનાં દર્શન તેમજ સત્સંગમાં પણ સામેલ હતા. સંત કબીર અકાદમીના શિલાન્યાસ બાદ મોદીએ જનસભા સંબોધી હતી.

કબીરના બહાને દલિતો-પછાતો પર નજર?
મોદી માટે ૨૦૧૪માં કાશી રાજકીય રીતે ખૂબ લાભદાયી સાબિત થયું હતું. હવે મોદી અને ભાજપ કંઇક આવી જ આશા મગહરના મંચ પરથી શોધી રહ્યા છે. કબીરપંથીઓમાં મોટી સંખ્યા દલિતો અને પછાતોની છે. મગહરમાં કબીરના પ્રાગટ્ય ઉત્સવના બહાને દેશભરના કબીરપંથી મઠના મુખ્ય ચહેરા એકત્ર થઇ રહ્યા છે.

ત્યારે આ મંચ પરથી મોદી મોટા ભાગે પૂર્વાંચલ જ નહીં, પરંતુ રાષ્ટ્રીય ફલકના રાજકારણને સાંધશે, સાથોસાથ મગહરની બંધ પડેલી અનેક મિલ સહિત અનેક યોજનાઓની જાહેરાત કરીને પૂર્વાંચલની આશાઓને ધાર આપવા પર નજર રાખશે.

અત્રે ઉલ્લેખનીય છે કે કબીરે આખરી શ્વાસ લઇને એ ભ્રમ તોડવાની કોશિશ કરી હતી કે મગહરમાં મરનાર વ્યક્તિ નરકમાં જાય છે. કહેવાય છે કે કબીરના સમયમાં કાશીના પંડિતોને ગૌતમબુદ્ધના વારાણસીમાં વધતા પ્રભાવનો ડર સતાવા લાગ્યો. તેમણે એ વિચાર ફેલાવ્યો કે વારાણસીમાં મરનાર વ્યક્તિ મુક્તિ પામશે જ્યારે મગહરમાં મરનાર નરકમાં જશે.

divyesh

Recent Posts

કોશિશ ચાલુ રહેશે, હાર નહીં માનું: નેહા શર્મા

અભિનેત્રી નેહા શર્માએ ૨૦૦૭માં તેલુગુ ફિલ્મ 'ચિરુથા'થી એક્ટિંગ કરિયરની શરૂઆત કરી હતી અને ત્રણ વર્ષ બાદ ૨૦૧૦માં મોહિત સુરીની ફિલ્મ…

2 hours ago

બેઠાડું નોકરી કરો છો? તો હવે હેલ્ધી રહેવા માટે વસાવી લો પેડલિંગ ડેસ્ક

આજકાલ ડેસ્ક પર બેસીને કરવાની નોકરીઓનું પ્રમાણે વધી ગયું છે. લાંબા કલાકો બેસી રહેવાની ઓબેસિટી, ડાયાબિટીસ અને હાર્ટ ડિસીઝનું જોખમ…

2 hours ago

શહેરમાં ૧૮ ફાયર ઓફિસરની સીધી ભરતી સામે સર્જાયો વિવાદ

અમદાવાદઃ મ્યુનિસિપલ કોર્પોરેશન સંચાલિત ફાયર બ્રિગેડની તંત્ર દ્વારા કરાતી ઉપેક્ષાનું સામાન્ય ઉદાહરણ વર્ષોથી સ્ટેશન ઓફિસર વગરના ફાયર સ્ટેશનનું ગણી શકાય…

2 hours ago

૨૬૦ કરોડનું ફૂલેકું ફેરવનાર ચીટર દંપતી વિદેશ નાસી છૂટ્યાંની આશંકા

અમદાવાદઃ થલતેજમાં આવેલ પ્રેસિડેન્ટ પ્લાઝામાં વર્લ્ડ ક્લેવરેક્સ સોલ્યુશન કંપની તથા આર્ચર કેર ડીજી એલએલપી કંપનીના મા‌લિક વિનય શાહ અને તેની…

2 hours ago

રાજ્ય સરકારનો મહત્વનો નિર્ણય, વિવિધ યોજનાઓમાં દિવ્યાંગોને અપાશે અગ્રિમતા

ગાંધીનગરઃ ગુજરાત સરકારે એક મહત્વનો નિર્ણય કર્યો છે. જેમાં દિવ્યાંગોને વિવિધ યોજનામાં અગ્રિમતા આપવામાં આવશે. ભરતીમાં 4 ટકાનાં ધોરણે લાભ…

3 hours ago

ન્યૂઝીલેન્ડનાં ખેલાડી IPLનાં અંત સુધી રહેશે ઉપલબ્ધ

મુંબઈઃ ન્યૂઝીલેન્ડ ક્રિકેટ (NZC)એ આઇપીએલની આગામી સિઝનમાં પોતાના ખેલાડીઓને આખી ટૂર્નામેન્ટ રમવાની મંજૂરી આપી દીધી છે. NZCના અધિકારી જેમ્સ વિયરે…

3 hours ago